[Im_Sha]

Sochta Hoon Kah Usay Nend Bhi Aati Ho Gi

1) Sochta Hoon Kah Usay Nend Bhi Aati Hogi
Ya Meri Tarah Faqat Ashk Bahati Hogi


2) Wo Meri Shakal Mera Naam Bhulanay Wali
Apni Tasweer Say Kia Aankh Milati Hogi


3) Is Zameen Per Bhi Hai Selaab Meray Ashkoon Say
Meray Matam Ke Sada Arsh Helati Hogi


4) Shaam Hotay He Wo Chokhat Pay Jala Kar Shamain
Apni Palkoon Pay Kaee Khowab Sulati Hogi


5) Us Nay Silwa Bhi Liyay Hongay Siya Rang Lebaas
Ab Moharram Ke Tarah Eid Manati Hogi


6) Hoti Hogi Meray Bosay Ke Talab Main Pagal
Jab Bhi Zulfoon Main Koee Phool Sajati Hogi


7) Meray Tareek Zamano Say Nikalnay Wali
Roshni Tujh Ko Meri Yaad Delati Hogi


8) Dil Ke Masoom Ragain Khud He Sulagti Hogi
Joon He Tasweer Ka Kona Wo Jalati Hogi


9) Roop Day Kar Mujhay Us Main Kese Shehzaday Ka
Apnay Bachoon Ko Kahani Wo Sunati Hogi




[ Wasi Shah Wasi ]

[Optimistic]

Nice sharing !!