[Im_Sha]

Meri Chahat Ka Sir -e- Aam Tu Charcha Na Karo
---------------------------------------------------------------

1)
Meri Chahat Ka Sir -e- Aam Tu Charcha Na Karo
Kam Tu Phelay Bhi Nahi Or Tu Ruswa Na Karo

2)
Kabhi Jugnoo, Kabhi Taray, Kabhi Nargis Kah Kar
Tum Meri Aankhoon Ko Is Tarah Cheira Na Karo

3)
Bhanp Jaye Na Kahi Dil Ke Lagi Yah Dunya
Yoon Shafaq Ban Kay Meray Chehray Per Thera Na Karo

4)
Baat Chotti Se Bhi Afsana Bana Dayte Hai
Tum Kitaboon Pay Mera Naam Likha Na Karo

5)
Hai Ebadat Ke Tarah Naam Tumhara Bhi Mujhay
Tum Sahifay Ke Tarah Zehan Main Utra Na Karo

6)
Dil Ko Be-Chain Sa Karte Hain Tumhari Aankhain
Raat Ko Dair Talak Tum Mujhay Socha Na Karo

7)
Samnay Sab Kay Karay Kis Tarah Iqraar Batool
Yoon Sir -e- Bazam Tu Is Say Yeh Taqaza Na Karo


[ Fakhra Batool ]