[~pari~]

Ajeeb larki hoon khud ko jalana chahtee hoon
Mai khud ko rakh ker kaheen bhool jana chahtee hoon

Mere naseeb ki khushiyaan bhee kab mili mujh ko
Bas ab to umer bher aansoo bhana chahtee hoon

Najanay kitni mohabbat hai ranj-o-ghum se mujhe
Koi bhee dard ho dil mai chupana chahtee hoon

Baha baha k ye aasnoo bikhar chuki hoon bahut
Simat k zaat mai ab muskurana chahtee hoon

Jisay eik umer dil mai chupa k rakha hai
Wo raaz aaj mai sab ko batana chahtee hoon

Wahee hai yaad jo acha kaha hai logon ne
Baqi saaray sitam bhool jana chahtee hoon

Mujhe zamanay ne pathar samjh liya hai mager
Mai eik larki hoon sab ko batana chahtee hoon

Jo mujh se rooth chuki hain zamanay ki khushiyaan
To mai bhee un khushiyoon se rooth jana chahteehoon

Koi to ho jo lagaye mujhay seenay se
Kisi ko mai bhee apnay ghum sunana chahtee hoon

Tu apnay dil k her eik dar ko khool day
Mai dard ban ker teray dil mai aana chahtee hoon

[~pari~]

Aau aaj kuch purkashish lamhaat ki baat karain
Chalu kuch bichde purane khayalaat ki baat karain

Tum theen ser seene per aur mukammil khamoshi
Is khamooshi mein jagte ehsasaat ki baat karain

Bebaak abru ankhon mein shararat phadakte hoont
Un ghamzoon se bhare huye hadsaat ki baat karain

kabhi aankhon mein aankhain kabhi shermata chehra
Chalu aaj phir unheen khoye jazbaat ki baat karain

Sharm thee bekhudi thee aur woh bebaak boose
Sherm mein doobi bebaak khuahishaat ki baat karain

Javed aaj to shaiad khud se bhi bichad sa gaya hai
Gaye waqt ko kia pakdeN guzarte lamhaat ki baat karain

[~pari~]

Chaahat ka rang tha na wafa ki lakeer thi
Qaatil k haath mein to hina ki lakeer thi

Khush hoon k waqt-e-qatl mera rang surkh tha
Mere laboN pe harf-e-dua ki lakeer thi

Main kaarvaaN ki raah samajhta raha jise
Sehra ki reit par wo hawa ki lakeer thi

Sooraj ko jisne shab k andheron mein gum kia
Mauj-e-shafaq na thi wo qaza ki lakeer thi

Guzra hai shab ko dasht se shaayad wo parda-daar
Har naqsh-e-pa k saath rida ki lakeer thi

Kal uska khat mila k saheefa wafa ka tha
Mohsin har ek satr haya ki lakeer thi...

[~pari~]

Dilo’n Ko Chhaid Ker Rakh Dain Jo, Un Lafzon Se Khaa’if Hoon
Kisi Masoom Per Banti Hui Baton Se Khaa’if Hoon

Wo Jin Ki Aanch Se Dil Ke Kanwal Murjha Ke Reh Jayen
Main Aisay Garm, Jhulsaye Huay Lehjon Se Khaa’if Hoon

Kisi Ko Zaat Se Meri Koi Takleef Na Pohnchay
Mujhe Pyaray Hain Jo Main Unn Sabhi Rishto’n Se Khaa’if Hoon

Unhain Her Aik Se Her Pal, Gilay Shikway He Rehtay Hain
Anaa Ki Jaal Mein Jakray Huay Logon Se Khaa’if Hoon

Kuduurat Dil Main Hai To Phir Kisi Pal Waar Ker Dain Ge
Naqaab-E-Dosti Daalay Huay Chehro’n Se Khaa’if Hoon

Ye Maana Mainay Jazba’haye Dil Anmol Hotay Hain
Magar Bay’mol Jo Ker Dain Main Unn Jazbo’n Se Khaa’if Hoon

Bikher Jaye Koi To Phir Samaita Jaa Nahi Sakta
Mujhe Jo Muntashir Ker Dain Unhi Socho’n Se Khaa’if Hoon

Zamanay Bhar Main Meray Dard Ki Tash’heer Ker Dain Gay
Main Gham’khuaro’n Se, Humdardi Se, Humraazo’n Se Khaa’if Hoon

Mujhe Bay’dast-O-Paa Ker Ke Kaheen Aagay Na Barh Jayen
Main Apni Zindagi Ke Bhagtay Lamhon Se Khaa’if Hoon

Mujhe Bay’chargi Se Bay’basi Se Khauf Aata Hai
Saharay Ke Leay Phailay Huay Haathon Se Khaa’if Hoon

Jo Hasrat Main Badal Ker Zindagi Ka Rog Ban Jayen
Main Aisi Khuahisho’n Aise Tamana’on Se Khaa’if Hoon

Ye Panjay Gaar Dain Jis Jaa, Wahan Kuch Bhi Nahi Rehta
Main Apne Chaar’soo Phailee Hui Rasmo’n Se Khaa’if Hoon

Kaheen Paas-E-Murawwat Hai Kaheen Ehsas-E-Ghairat Hai
Kabhi Apno’n Se Khaa’if Hoon, Kabhi Ghero’n Se Khaa’if Hoon

Ye Deemak Ki Tarha Se Aadmi Ko Chaat Jatay Hain
Amaawas, Khauf, Darr Aur Andesho’n Se Khaa’if Hoon

Jahan Na Chain Din Ko Ho Na Raatain Pur’sukoon Guzrain
Sabhi Aisay Makaano’n Aur Shabistaano’n Se Khaa’if Hoon

Khuda Haami Hai Apna, Ye Yaqeen To Hai Magar Phir Bhi
Daroo’n Khaana Main Jo Paltay Hain Jo Unn Fitno’n Se Khaa’if Hoon

Nazar Her Gaam Dilkash Manaazir Se Ulajhti Hai
Jo Manzil Se He Bhatka Dain Main Unn Raho’n Se Khaa’if Hoon

[~pari~]

umr guzregi imtehaan mein kya
daagh hi dengay mujhko daan mein kya

mujhko to koi tokta bhi nahin
yahi hota hai khaandaan mein kya

apni mehroomiyan chipaate hain
hum ghareebon ki aan baan mein kya

meri har baat be-asar hi rahi
naqs hai kuch mere bayaan mein kya

bolte kyun nahin mere haq mein
aable paR gaye zubaan mein kya

woh mile to yeh poochhna hai mujhe
ab bhi hun main teri amaan mein kya

dil ke aate hain jis ko dhyaan bohot
khud bhi aata hai apnay dhyaan mein kya

hai naseem-e-bahaar gard aalood
khaak uRti hai "us" makaan mein kya

yun jo takta hi aasmaan ko tu
koi rehta hai aasmaan mein kya

yeh mujhe chain kyun nahin paRta
aik hi shakhs tha jahaan mein kya

[~pari~]

Mujhay yaad koi dua nahi mere humsafar abi soch le
Tu meri jabeen pe likha nahi mare humsafar abi soch le

Abi rasta bi hai dhool mein abi faida bi hai bhool mein
Abi mujh ko tujh se gila nahi mere humsafar abi soch le

Main janam janam se naraz hoon main janam janam se udaas hoon
Main kahbi bi khul ke hansa nahi mere humsafar abi soch le

Tu hai khawab khawab pukarta meri ankh mein nahi ashk bi
Main muddaton se jiya nahi mere humsafar abi soch le

Tujhe khushbowoon ki hai arzoo tujhe roshni ki hai justjo
Main hawa nahi diya nahi mere humsafar abi soch le

Tujhe ansowoon ka pata nahi tujhe ratjagoon ka guman nahi
Tujhe is se agay pata nahi mere humsafar abi soch le

Kaheen chhoot sakta hai darmyaan na zameen milay gi na asmaan
Tujhe raste ka pata nahi mare humsafar abi soch le

Mujhe doondta hi phiray ga tu na jiye ga roz maray ga tu
Main kabi bi ghar pe mila nahi mere humsafar abi soch le

Kaho lautna hai kise yahan mere dard sun mere meharban
Mere pass waqt zara nahi mare humsafar abi soch le

[~pari~]

Agar Hai Rasm To Hum Bhi Gila Nahi Kartey
Haseen Loog Kissi Say Wafa Nahi Kartey

O Jane Waley Inhain Bhi Sameet Kar Ley Ja
Bikher Kar Phool Dobara Khila Nahi Kartey

Buland Apney Junoo Ka Waqaar Rakhtey Hai
Jo Chaak Kar Liya Daaman Siya Nahi Kartey

Hum Us K Tiiroo Ko Dil Say Lagaye Bethey Hai
Jo Zakhm Us Nay Diye Hai Ginna Nahi Kartey

Yeh Muj Say Kehtey Hai Mehfil Mein Jal K Parwaney
Jo Ishq Kartey Hai''Nasir''Hayya Nahi Kartey

[~pari~]

jabh seena ghum say bojhal ho aur yaad kisi ki ati ho
tab kamre main band ho jana aur chupkay chupkay ro lena

jabh ankhain baghi h o jaen aur yaad main meri bhar aen
phir khud ko dhoka mat dena aur chupkay chupkay ro lena

jabh palkain karb say mondi hon aur sabh samghte tum sote ho
tab mun pay takia rakh lena aur chupkay chupkay ro lena

ye duniya zalim duniya hai, ye baat bohat pehlai ghi
tum samne sab kay chup rehna aur chupkay chupkay ro lena

*jabh barish chehra dho dale aur ashk bhi bundain laGte hon
woh lamha harghiz mat khona aur chupkay chupkay ro lena*

[~pari~]

Baa-Wafayii ki ada panay laga hoon tujh main
Ai jafa-e-dost ye kya dekh raha hoon tujh main..

Tu darya hai kai jiska koyi saahil hi nahi
Main safinay ki tarah Doob gaya hoon tujh main..

Tere chehre sai hatayi nahi jaati nazrein
Kya Khabar dair Sai kya dekh raha hoon tujh main..

Mera daava hai kai Tu nai bhi na dekhay hon gai
Aisay jalve kai jo main dekh raha hoon tujh main..

Paas itna kai teri saanson sai Takrati hai saans
Door itna kai tujhe dhoondh raha hoon tujh main..

Bewafa teri zubaan par yai wafa kii baatein
Aisa lagta hai ke main bol raha hoon tujh main..