[Rider Of Sucess]

Originally Posted by umair.s

very nice sharing :)

thx bro...... keep visiting

[Rider Of Sucess]

Majaal hai koi muj say tujhay judaa karay
JahaN bhi jaey gha to maiN tujay sadaa duN ga

Teri gali main bahut dair say khara huN magar
Kisi nay pooch liya to kia jawaab duN ga

Mery Khamosh nigaahuN ko chashm-e-nam say na dekh
Main ro para to diluN kay tabaq hala dhuN gha

YuhiN udaas raha to main dekhna aik din
Tammam sheher meiN tanhaiyaN bichaa dhuN gha

Yeah paas shuhbat-e-direena koi baat bhi kar
Nazar milla to sehi main tujay duwa dhuN ga

BhulaoN ga na miluN gha na khat likhuN gha tujay
Tery khushi kay liye main tujay bhulla dhuN gh

[Rider Of Sucess]

Jab Namaaz-e-Muhabbat Adaa Kiijiye...
Ghair Ko Bhii Shareek-e-Duaa Kiijiye...

Aankh Waaley Nigaahein Churaatey Hain...
Aaiienaa Kyuun Na Ho , Saamnaa Kiijiye...

Aankh mein Ashk-e-Ghum Aa Bhii Jaayen To Kyaa...
Chundd Qatrey To Hain, Pii Liyaa Kiijiye...

Aap Kaa Ghar Sadaa Jagamagaataa Rahey...
Raah Mein Bhii Diyaa Rakh Diyaa Kiijiye...

Zer-e-Paa Hain Samandar Kii Gehraaiiyaan...
Abb To Saahil Pey Bhii Tajurbaa Kiijiye...

[Rider Of Sucess]

honthon pe kabhi un ke mera naam hi aaye
aaye to sahi bar-sar-e-ilzaam hi aaye

hairaan hain lab_basta hain, dil_geer hain Gunche
Khushbuu ki zubaani tera paiGaam hi aaye

lamhaat-e-masarrat hain tasavvur se gurezaan
yaad aae hain jab bhi Gam-o-aalaam hi aaye

taaron se saja lenge raah-e-shahar-e-tamannaa
maqadur nahin subho chalo shaam hi aaye

yaadon ke vafaaon ke aqeedon ke Gamon ke
kaam aaye jo duniyaa mein to is naam hi aaye

kya raah badalane ka gila ham_safaron se
jis raah se chale tere dar-o-baam hi aaye

thak haar ke baithe hain sar-e-kuu-e-tamanna
kaam aaye to phir jazbaa-e-naakaam hi aaye

baaqi na rahe saakh "Adaa" dasht-e-junoon ki
dil mein agar andeshaa-e-anjaam hi aaye

[Rider Of Sucess]

jab gardishon mein jaam thay
kitne haseen ayyaam thay

ham hi na the rusvaa faqat
vo aap bhi bad_naam thay

kahte hain kuch arsaa huaa
Qaabe mein bhii asanaam thay

anjaam kii kyaa sochte
naa-vaaqif-e-anjaam thay

ahad-e-javaanii mein "Adam"
sab log gul_andaam thay

[Melodious sylph]

wow ,gr8 choice .....................................

[Rider Of Sucess]

thx for appriciation...

[Khu$h!]

aur ik taazaa sitam usane kiyaa ijaad
usako is baar zaraa khul ke duaa dii jaaye

bohat khoob....

[Rider Of Sucess]

raah aasaan ho gai hogi
jaan pahchaan ho gai hogi

phir palaT kar nigaah nahi aai
tujh pe qurbaN ho gai hogi

teri zulfon ko cherti thi saba
Khud pareshaaN ho gaii hogii

maut se tere dard_mando.n kii
mushkil aasaan ho gai hogii

un se bhi cheen loge yaad apni
jin kaa imaan ho gai hogii

dil kii taskiin puchte hain aap
haaN meri jaan ho gai hogii

marne vaalo pe 'Saif' hairat kyon
maut aasaan ho gai hogii

[freeek]

good Collection rider of success...!

[freeek]

Dil dharakny ka sabab yaad aya,
Vo teri yaad thi ab yaad aya,
Aaj mushqil tha sambhalna aye dost,
tu mushqil main ajab yaad aya,
Din guzara tha bari mushqil say
phir tera vaada-e-shab yaad aya,
phir kai log nazer say guzrey
phir shaeher-e-tarb yaad aya,
haal-e-dil hum bhi sunatey lakin,
jab vo rukhsat hua tab yaad aya,
beth k saya-e-gull main nasir
hum bohat roey jab vo yaad aya..

[Rider Of Sucess]

Originally Posted by freeek

good Collection rider of success...!

thx for appriciation...

[Khu$h!]

koi ham nafas nahi koi raazdaan nahi hai
faqat ik dil tha apna so vo meharban nahi hai


kisi aur gham main itni khalish-e-nihan nahi hai
gham-e-dil mera rafiiqo gham-e-raegan nahi hai


meri ruh ki haqiqat meray aansuon se pucho
mera majlisi tabasum mera tarjuman nahi hai


kisi ankh ko sada do kisi zulf ko pukaro
bari dhoop par rahi hai koi saebaan nahi hai


inhi patharon pe chal kar agar aa sako tou aao
meray ghar k rastay main koi kehkashan nahi hai

[Rider Of Sucess]

tum bhi Khafaa ho log bhii beraham hai.n dosto
ab ho chalaa yaqii.n ke bure ham hai.n dosto

kis ko hamaare haal se nisbat hai kyaa kare.n
aa.Nkhe.n to dushmano.n kii bhii pur_nam hai.n dosto

apane sivaa hamaare na hone kaa Gam kise
apanii talaash me.n to ham hii ham hai.n dosto

kuchh aaj shaam hii se hai dil bhii bujhaa bujhaa
kuchh shahar ke chiraaG bhii maddham hai.n dosto

is shahar-e-aarazuu se bhi baahar nikal chalo
ab dil kii raunaqe.n bhii ko_ii dam hai.n dosto

sab kuchh sahii 'Faraz' par itanaa zaruur hai
duniyaa me.n aise log bahut kam hai.n dosto

[Rider Of Sucess]

Wehshatain kaise hain khawabon se ulajhta kia hai
eak duniya hai aakeli tu he tanha kia hai

daad de zarf-e-sama'at tu karam hai warna
tishnagi hai meri awaaz ki naghma kia hai

boolta hai koe her aan laho main meray
par dikhai nahi deta ye tamasha kia hai

jis tamanna main gozarti hai jawani meri
main ne ab tak nahi jana wo tamanna kia hai

ye meri rooh ka ehsaas hai aankhain kia hain
ye meri zaat ka aaena hai chera kia hai

kaash dekho kabhi totay hoey aaeno ko
dil shakista ho tu pher apna paraya kia hai

zindagi ki aay kari dhoop bachalay mujhko
pechay pechay ye meri mout ka saaya kia hai

[Rider Of Sucess]

Bila-jawaz rakhein khud ko beqarrar kyun
Jo tu naheen hai to phir tera intezaar kyun

Akaile pan ka safar jab mera muqadar hai
To phir Aye wada shikan teri rahguzaar kyun

Usse ganwa'n ke raho ab khizaaon ki dhoop mein
Jo woh naheen hai to phir mosam-e-bahar kyun

Ager bhulaye hue uss ko ek umar ho gayi
To phir aaj tabiyet hai soogowar kyun

Woh jin ke labon pe yaqeen-e-wafa mehek na sake
Phir un ke lams ki khowahish aik baar kyun

Jab uss ko shooq tha raston ki dhool hone ka
Palat ke dekhta jaata tha bar bar kyun

[Rider Of Sucess]

Kab mera nasheman ahl e chaman gulshan main gawara kartay hain
Ghunchay apni awazoon main bijli ko pukara kartay hain


Ponch na arq rukhsaroon say rangin e husn ko barhnay doo
Suntay hain k shabnam kay qatray pholoon ko sanwara kartay hain


Ab nazah ka aalam hai mujh per tum apni mohabbat wapis lo
Jub kashti doobnay lagti hai tou bojh utara kartay hain


Jati hoi maiyat dekh kar bhi Wallah tum uth kar aa na sakay
Doo chal qadam tou dushman bhi takleef gawara kartay ahin


Taroon ki baharoon mein bhi Qamar tum afsurda say rehtay ho
Phoolon ko dekho kanton main hans hans kar guzara kartay hain

[Khu$h!]

Mujhay apnay zabt pay naaz tha,sar-e-bazm raat yeh kia hua
Meri ankh kaisay chalak gai, mujhay gham ha yeh bura hua

Meri zindagi ke cheragh ka, ye mezaj kuch naya nahin
Abhi roshni abhi teergi, na jala hua na bujha hua

Mujhay jo bhi dushman -e-jaan mila, woh pukhta kaar jafa mila
nA kisi ki zarb ghulut parri, na kisi ka waar khata hua

Mujhay raastay main parra hua, aik ajnabi ka khat milla
Kahin khoon-e-dil se likha hua, kahin aansoan se mita hua

Mujhay humsafer bhi mila koi,sitem zareef meri tarah
Kai manzilon ka thakka hua, kahin raaston ka luta hua

Mujhay is ka koi bhi haq nahin, ke main shareek-e-bazm-e-khaloos hoon
nA meray pass koi niqab hai, na kuch asteen main chupa huwa

Yeh jo sir jhuka ke guzar gaye, meray samnay se abhi abhi
Meray apnay shehar ke log thay, meray ghar se ghar tha mila huwa

Mujhay ap kiyun na samajh sakay ye khud apnay dil se poochiye
Meri zindagi ki kitab ka warq warq hai khula huwa

[Rider Of Sucess]

Originally Posted by Khu$h!

Mujhay apnay zabt pay naaz tha,sar-e-bazm raat yeh kia hua
Meri ankh kaisay chalak gai, mujhay gham ha yeh bura hua

i think k koi BURA nahi huwa.....

[Khu$h!]

log jal jayan ge sooraj ki tamanna na karo,
waqt ka kaya hai kisi pal bhi badal sakta hai
ho sake tum se to tum mujh pe bharosa na karo,
kirchiyan tootay hoye aks ki chubh jayan gi
aur kuch roz abhi aiina dekha na karo,
ajnabi lagne lage khud tumhain apna wajood
apne din raat ko itna bhi akela na karo,
khuaab bachhon ke khelonon ki tarah hote hain
khuaab dekha na karo khuaab dikhaya na karo,
bekhiyali main kabhi ungliyan jal jayain gi
raakh guzre hoye lamhon ki kureedah na karo...