[Im_Sha]

Mohabbat Ka Safar
-------------------------

Mohabbat Kay Is Pehlay Sunairay Safar Main

Meri Yeh Dua Hai Keh

Tumhay Khushyoon Kay Hazaroo Jazeeray Milay

Or

Mujhay Tumhari Mohabbat

[Im_Sha]

Zindagi Hai Kaha
-------------------------

Qfas -e- Hijar Main

Saansoo Ka Amal

Jari Tu Hai Mager

Zindagi Hai Kaha

Dhoondh Raha Hoon

[Im_Sha]

Kabhi Tu Yoon Bhi Ho !!!!
---------------------------------

Kabhi Yoon bhi Tu Ho
Darya Ka Sahil Ho
Puray Chaand Ke Raat Ho
Or Tum Aao



Kabhi Yoon Bhi Tu Ho
Paryoon Ke Mehfil Ho
Or Tumhari Baat Ho
Or Tum Aao



Kabhi Yoon Bhi Tu Ho
Soni Har Mazil Ho
Koee Na Meray Sath Ho
Or Tum Aao



Kabhi Yoon Bhi Tu Ho
Badal Toot Kar Esa Barsay
Meray Dil Ke Tarah Milnay Ko
Tumhara Dil Bhi Tarsay
Tum Niklo Ghar Say



Kabhi Yoon Bhi Tu Ho
Tanhaii Ho, Dil Ho
Bonday Ho, Barsaat Ho
Or Tum Aao
Kabhi Tu Yoon Bhi Ho !!!!

[Im_Sha]

Tohfa
-------------

Main Nay Socha Keh

Tumhay Is Moqay Per Koee Tohfa Bhejoo

Per Meray Paas Tu

Hurfoo Kay Siwa Kuch Bhi Nahi

[Im_Sha]

Chup Jati Hain Aaina Dekha Kar Teri Yadain
------------------------------------------

Chup Jati Hain Aaina Dekha Kar Teri Yadain
Sonay Nahi Deti Shab Bhar Teri Yadain


Tu Jesay Meray Paas Hai Or Maho Sukhan Hai
Mehfil See Jama Deti Hain Akser Teri Yadain


Main Kyun Na Phiroo, Tapti Dhoop Main Harasaa
Pherti Hain Tasawar Main Khulay Sar Teri Yadain


Jab Taiz Hawa Chalti Hai Basti Main Sar -e- Shaam
Atraaf Say Barsati Hain Pather Teri Yadain

[Im_Sha]

Pather Bana Diya Mujhay Ronay Nahi Diya
-----------------------------------------

Pather Bana Diya Mujhay Ronay Nahi Diya
Daman Bhi Teray Gham Main Bhegonay Nahi Diya


Tanhaiyaa Tumhara Pata Puchti Rahi
Shab Bhar Tumhari Yaad Nay Sonay Nahi Diya


Dil Ko Tumhari Yaad Kay Aansoo Aziz Thay
Dunya Ka Koee Dard Samonay Nahi Diya


Nasir Yoon Us Ke Yaad Chali Haath Thaam Kay
Melay Main Is Jaha Kay Khonay Nahi Diya

[ Nasir Kazmi ]

[Im_Sha]

Tum Keh Dena Koee Khaas Nahi
--------------------------------


Koee Tum Say Puchay Koun Hoon Main

Tum Keh Dena Koee Khaas Nahi

Ak Dost Hai Kacha Pakka Sa

Ak Jhoot Hai Acha Sacha Sa

Jazbaat Ko Dhanpay Ak Parda

Bas Ak Bahana Acha Hai

Jeewan Ka Esa Sathi Hai

Jo Dorr Ho Kar Paas Nahi

Koee Tum Say Puchay Koun Hoon Main

Tum Keh Dena Koee Khaas Nahi

[Khu$h!]

Salaam Imran ......
bOhAT KhOoBsOoRaT CollEcTiON hAi .......wElL DoNe......HAr gAzAl lAjAwAb hAi......aNd Gr8ly sElEcTeD....TaNXxxxX 4 ShArInG

[Khu$h!]

~*~~*~~*~~*~~*~~*~~*~~*~~*~~*~
Apane haatho.n se yuu.N chehare ko chhupaate kyo.n ho
mujh se sharmaate ho to saamane aate kyo.n ho

tum kabhii merii tarah kar bhii lo iqaraar-e-vafaa
pyaar karate ho to phir pyaar chhupaate kyo.n ho

ashk aa.Nkho.n me.n merii dekh ke rote kyo.n ho
dil bhar aataa hai to phir dil ko dukhaate kyo.n ho

in se vaabastaa hai jab meraa muqaddar phir tum
mere shaano.n se ye zulf haTaate kyo.n ho

roz mar mar ke mujhe jiine ko kahate kyo.n ho
milane aate ho to phir lauT ke jaate kyo.n ho
~*~~*~~*~~*~~*~~*~~*~~*~~*~~*~

[Khu$h!]

~*~~*~~*~~*~~*~~*~~*~~*~~*~~*~~*~
Baat chalii terii aa.Nkho.n se jaa pahu.Nchii paimaane tak
khii.nch rahii hai terii ulfat aaj mujhe maiKhaane tak

ishq kii baate.n Gam kii baate.n duniyaa vaale karate hai.n
kis ne shammaa kaa dukh dekhaa kaun gayaa paravaane tak

ishq nahii.n hai tum ko mujh se sirf bahaane karatii ho
yuu.N hii bahaane qaayam rakhanaa tum mere mar jaane tak

itanaa hii kahanaa hai tum se mumkin ho to aa jaanaa
aa hii gaye to rukanaa hogaa aa.Nkho.n ke patharaane tak
~*~~*~~*~~*~~*~~*~~*~~*~~*~~*~~*~

[Khu$h!]

~*~~*~~*~~*~~*~~*~~*~~*~~*~~*~~*~
is soch me.n baiThaa huu.N kyaa Gam use pahu.Nchaa hai
bikharii hu_ii zulfe.n hai.n utaraa huaa cheharaa hai

jis phuul ko titalii ne chuumaa merii jaanib se
zaalim ne us kalii ko masalaa nahii.n rau.ndaa hai

halaa.N ki pukaaraa thaa tum hii ne mujhe lekin
mahasuus huaa jaise koyal ne pukaaraa hai

mu.D kar bhii nahii.n dekhaa jho.nko.n kii tarah us ne
vo mere baraabar se ha.Nsataa huaa guzaraa hai
~*~~*~~*~~*~~*~~*~~*~~*~~*~~*~~*~

[Khu$h!]

~*~~*~~*~~*~~*~~*~~*~~*~~*~~*~
duniyaa kisii ke pyaar me.n jannat se kam nahii.n
ik dil_rubaa hai dil me.n jo huuro.n se kam nahii.n

tum baad_shaah-e-husn ho husn-e-jahaan ho
jaan-e-vafaa ho aur muhabbat kii shaan ho
jalve tumhaare husn ke taaro.n se kam nahii.n

bhuule se muskuraao to motii baras pa.De
palke uThaa ke dekho to kaliyaa.N bhii ha.Ns pa.De
Khushbuu tumhaarii zulf kii phuulo.n se kam nahii.n
~*~~*~~*~~*~~*~~*~~*~~*~~*~~*~

[Khu$h!]

~*~~*~~*~~*~~*~~*~~*~~*~~*~~*~
dard jab terii ataa hai to gilaa kis se kare.n
hijr jab tuune diyaa hai to gilaa kis se kare.n

aqs bikharaa hai teraa TuuT ke aa_iine me.n
ho gayii nam nazar aqs liyaa kis se kare.n

mai.n safar me.n huu.N mere saath judaa_ii terii
ham-safar Gam hai to phir teraa pataa kis se kare.n

khil uThe gul yaa khile dast-e-hinaa_ii tere
har taraf tuu hai to phir teraa pataa kis se kare.n

tere lab, terii nigaahe.n tere aariz terii zulf
itane zi.ndaa.N hai.n to is dil ko rihaa kis ke kare.n
~*~~*~~*~~*~~*~~*~~*~~*~~*~~*~

[Khu$h!]

dekhaa to meraa saayaa bhii mujh se judaa milaa
sochaa to har kisii se meraa sil_silaa milaa

shahar-e-vafaa me.n ab kise ahal-e-vafaa kahe.n
ham se gale milaa to vo hii bevafaa milaa

fursat kise thii jo merii haalaat puuchhataa
har shaKhs apane baare me.n kuchh sochataa milaa

us ne to Khair apano.n se mo.Daa thaa muu.Nh haaye
mai.n ne ye kyaa kiyaa ke mai.n Gairo.n se jaa milaa

[Khu$h!]

Hadd-e-nazar tak na koi manzil na koi muqaam,
raasta humee ne ikthiyaar kiya tha, ab gila karen bhi tho kisse karen?

Woh mera ho na saka kehte hazaar laila-majnu dekhe,
jo mera hokar bhi apna na hua, is dard ko dil mein kaise chupaayen?

na kabhi maatha teka na kabhi sajda kiya,
duaein tho hazaron karni hain, khuda ke saamne haath kaise uthaayen?

sar-e-raah-e-zindagi par baithe hain thak-haar kar,
jaana tho abhi badi door hain, jaan is murda jism mein kahaan se laayen?

kuch tamannaon ka koi thikaana nahi hotha,
jo bayaan hi na ho saka, us afsaane ka anjaam kahaan dhoonden?

[Khu$h!]

Usey Apni Farda Ki Fikar Thi, Woh Jo Mera Waqif-e-hal Tha,
Woh Jo Us Ki Subh-e Urooj Thi, Woh Hi Mera Waqt-e-zawal Tha.

Kahan Jao Gay Mujhay Chor Kay, Ye Mein Pooch Pooch Kay Thak Gaya,
Woh Jawab Na Mujh ko Dey Saka, Woh To Khud Sarapa Sawal Tha.

Meri Baat Kaisay Woh Manta, Meray Dard Ko Woh Kaisay Janta,
Woh To Khud Fana Kay Safar Mein Tha, Usey Rokna Bhi Mahal Tha.

Woh Jo Us Kay Samnay Aa Gaya, Woh Hi Roshni Mein Naha Gaya,
Ajab Us Ki Hayat-e-ishq Thi, Aajab Us Ka Rang-e- Jamal Tha.

Damay Wapsi Aray Kia Howa, Na Woh Roshni Na Woh Tazgi,
Woh Sitara Kaisay Bikhar Gaya, Woh To Aap Apni Misal Tha.

Woh Mila To Sadyoon Kay Baad Bhi, Meray Lub Pay Koi Gila Na Tha,
Usay Meri Chup Nay Rula Diya, Jisay Guftago Mein Kamal Tha.

Meray Saath Lag Kay Woh Ro Diya, Mujhay Bus woh Itna Hi Keh Saka,
Jisay Janta Tha Mein Zindagi, Woh Mehaz Wahm-o-khiyal Tha

[Khu$h!]

kabhi khamosh betho gay,kabhi kuch gun gunow gay
main itna yaad awoga mujhy jitna bhulow gay

koi jab poch bethy ga khamoshi ka sabab tumsay
bahut samjhana chaho gay magar samjha na powgay

kabhi duniya mukamal ban k ayegi nighahon main
kabhi meri kami duniya ki her sheh main powgay

kahin per bhi rahain hum or tum mohabbat phir mohabbat hay
tumhain hum yaad ayain gay hamain tum yaad awogay

[Khu$h!]

sakoot-e-jaan ka matlub batado phir chalay jana
ya phir sargoshian dil ki suna do phir chalay jana

jo mera or tumhara waqt guzra hansnay ronay may
usey poori terha say tum bhulado phir chalay jana

ye saray pair podey tum bin ik rut jagay hay
tum aakay ik baar inko sulado phir chalay jana

kisi ko chahney ka aur kisi sey chahey janey ka
jo hay ahsaas tum usko bhulado phir chalay jana

bus ik hansi say apnay ashkon ko chupanay ka
jo fun aata hay tum ko, wo shikhado phir chalay jana

wo jo ik lafz-e-ulfat hay,juda hay apnay maanay say
bus in alfaz-o-mannay ko mitado phir chalay jana

jo kahtey kahtey ruk gaye, un sari batoon ki
sama`at ko talab hay wo suna do phir chalay jana

na janay kyon hay lakin dekhnay ki tum ko aadat hay
meri ye be-waja aadat chura do phir chalay jana

merey in roz-o-shub ka ik fakat unwan bus tum ho
mujhay tum doosra unwan lado phir chalay jana

[Im_Sha]

Originally Posted by Afsana

Salaam Imran ......
bOhAT KhOoBsOoRaT CollEcTiON hAi .......wElL DoNe......HAr gAzAl lAjAwAb hAi......aNd Gr8ly sElEcTeD....TaNXxxxX 4 ShArInG

Ws Salam Afsana

Thanks.... Ghazal tu waqaii Selected hai lakin maza tab aata hai jab Pasand aa jaye .... Thanks Again .... Inshallah Sharing hoti rahay ge ....

[Im_Sha]

Haqeeqat -e- Husan
----------------------

Khuda Say Husan Nay Ak Roz Yeh Sawal Kiya
Jaha Main Kyun Na Mujhay Tu Nay La-zawaal Kiya


Mila Jawab Keh Tasweer -e- Khana Hai Dunya
Shab -e- Daraaz Adam Ka Fasana Hai Dunya


Hoti Hai Rang -e- Tagaur Say Jab Namood Jis Ke
Wahi Husan Hai, Haqeeqat La-zawaal Hai Jis Ke


Kahi Qareeb Tha, Yeh Guftagoo Qmar Nay Suni
Falak Pay Aam Hoee, Akher -e- Sehar Nay Suni


Sehar Nay Saatay Say Sun Kar Sunai Shabnam Ko
Falak Ke Baat Bata De Zameen Kay Mohram Ko


Bhar Aye Phool Kay Aansoo Pyaam -e- Shabnam Say
Kali Ka Nanna Sa Dil Khoon Ho Giya Ghum Say


Chaman Say Rota Howa Mousam -e- Bahaar Giya
Shabaab Sair Ko Aaya Tha Sogwar Giya !