Me and my..... collection.... - Page 8

dil2dil · #**141** (**permalink**) 03-06-2006, 02:47 PM

Pyaas Vo Dil Kii Bujhaane Kabhii Aayaa Bhii Nahin
Kaisaa Baadal Hai Jiskaa Koi Saayaa Bhii Nahin
Berukhii Is Se Barii Aur Bhalaa Kyaa Hogii
Ek Muddat Se Hamein Us Ne Sataayaa Bhii Nahin
Roz Aataa Hai Dar-E-Dil Pe Vo Dastak Dene
Aaj Tak Hamne Jise Paas Bulaayaa Bhii Nahin
Sun Liyaa Kaise Khudaa Jaane Zamaane Bhar Ne
Vo Fasaanaa Jo Kabhii Hamne Sunaayaa Bhii Nahin
Tum To Shaayar Ho Aur Vo Ik Aam Saa Shakhs
Us Ne Chaahaa Bhii Tujhe Aur Jataayaa Bhii

dil2dil · #**142** (**permalink**) 03-06-2006, 02:53 PM

Aarzoo hai tumhe door se dekhne ki; kareeb aana bhi nahi chahte
nahi hai tumhe paane ki magar khona bhi nahi chaahte!

labon pay rukhti dilon mein sama nahi sakti,
woh aik baat jo lafzon mein aa nahi sakti.

jo dil mein hona zara ghum to ashk pani hai,
kay aag khaak ko kundan bana nahi sakti.

yaqeen guman se bahar tu ho nahi sakti,
nazar khayyal se aagay tu ja nahi sakti.

dilon kay ramz faqat ahley dard jantey hain,
teri samjh mein meri baat aa nahi sakti.

yeh soz-e-ishq to gongay ka khuwab hai jaisey,
meri zaban meri haalat bata nahi sakti.

dil2dil · #**143** (**permalink**) 03-06-2006, 03:04 PM

khawaab aur khushbou
dounoun azaad rou hein
dounoun qaid nhi hou skatey
mere khawaab
teri khushbou

dil2dil · #**144** (**permalink**) 05-06-2006, 02:17 PM

dasht-e-tanhaa_ii me.n ai jaan-e-jahaa.N larzaa.N hai.n
terii aavaaz ke saaye tere ho.nTho.n ke saraab
dasht-e-tanhaa_ii me.n duurii ke Khas-o-Khaak tale
khil rahe hai.n tere pahaluu ke saman aur gulaab

uTh rahii hai kahii.n qurbat se terii saa.Ns kii aa.Nch
apanii Khushbuu me.n sulagtii hu_ii maddham maddham
duur ufaq par chamakatii hu_ii qatraa qatraa
gir rahii hai terii dil_daar nazar kii shabnam

us qadar pyaar se ai jaan-e jahaaN rakkhaa hai
dil ke ruKhsaar pe is vaqt terii yaad ne haath
yuu.N gumaa.N hotaa hai garche hai abhii subah-e-firaaq
Dhal gayaa hijr kaa din aa bhii ga_ii vasl kii raat

dil2dil · #**145** (**permalink**) 06-06-2006, 12:05 PM

Dil ki chaukhat pe ek deep jala rakha hai
Tere laut aane ka imkaan saja rakha hai

Rooth jaatay ho to kuch aur haseen lagtay ho
Hum ne yeh soch ke hi tum ko khafa rakha hai

Tum jisay rota hua chhorr gaye thay ek din
Hum ne us shaam ko seenay se laga rakha hai

Chein lene nahin deta yeh kisi tor mujhe
Teri yaadon ne jo toofaan utha rakha hai

Jaanay waalay ne kaha tha ke woh laut aaye ga zaroor
Ek isi aas pe darwaaza khula rakha hai

Tere jaanay se jo ek dhool uthee thee ghum ki
maniay us dhool ko aankhon main basa rakha hai

Mujh ko kal shaam se woh bohat yaad aanay laga
Dil ne muddat se jo ek shakhs bhula rakha hai

Aakhri baar jo aaya tha mere naam Zaidi
Mein ne is khat ko kalejey se laga rakha hai…

dil2dil · #**146** (**permalink**) 07-06-2006, 08:59 PM

Wo ishq jo hum say rooth gaya, ab us ka haal sunaein kia
Koi mehar nahi, koi qehar nahi, phir sach'cha shair sunaein kia

Aik hijr jo humko lahaq hai, tadair usay duhraein kia
Wo zehar jo dil mein utar gaya, phir us ke naaz uthain kia

Phir aankhain lahoo say khali hain, yeh shum'ain bujhnay wali hai
Hum khud bhi kisee kay sawali hain, is baat pay ab sharmaein kia

Ek aag gham-e-tanhai ki, jo saray badan mein phail gai
Jub jism hi sara jalta ho, phir daman-e-dil ko bachaien kia !!!'

Hum naghma sara kuch ghazloon kay, hum soorat gar kuch khuwaboon kay
Be jazba-e-shoq sunaein kia, jub khuwab na ho tu bataein kia

Khu$h! · #**147** (**permalink**) 13-06-2006, 03:13 PM

Quote:

Originally posted by dil2dil
Wo ishq jo hum say rooth gaya, ab us ka haal sunaein kia
Koi mehar nahi, koi qehar nahi, phir sach'cha shair sunaein kia

Aik hijr jo humko lahaq hai, tadair usay duhraein kia
Wo zehar jo dil mein utar gaya, phir us ke naaz uthain kia

Phir aankhain lahoo say khali hain, yeh shum'ain bujhnay wali hai
Hum khud bhi kisee kay sawali hain, is baat pay ab sharmaein kia

Ek aag gham-e-tanhai ki, jo saray badan mein phail gai
Jub jism hi sara jalta ho, phir daman-e-dil ko bachaien kia !!!'

Hum naghma sara kuch ghazloon kay, hum soorat gar kuch khuwaboon kay
Be jazba-e-shoq sunaein kia, jub khuwab na ho tu bataein kia

t3xPeRt · #**148** (**permalink**) 15-06-2006, 12:54 PM

MUjhey khof hai
k
jahan mein aankh jhapkon gi
wahinpe hadsa ho ga

dil2dil · #**149** (**permalink**) 15-06-2006, 01:48 PM

Quote:

Originally posted by texpert
MUjhey khof hai
k
jahan mein aankh jhapkon gi
wahinpe hadsa ho ga

sorry main aap ki is main koi help nahi kar sakta....

dil2dil · #**150** (**permalink**) 15-06-2006, 01:52 PM

Quote:

Originally posted by Afsana

thx jee...

t3xPeRt · #**151** (**permalink**) 15-06-2006, 02:40 PM

Quote:

Originally posted by dil2dil

sorry main aap ki is main koi help nahi kar sakta....

i don need nebody's help...............its just a part of poetry..n thts it.................

dil2dil · #**152** (**permalink**) 15-06-2006, 08:25 PM

Quote:

Originally posted by texpert

i don need nebody's help...............its just a part of poetry..n thts it.................

to main koon sa... karachi aa gaya tha... u ki help k liye... Huhh

dil2dil · #**153** (**permalink**) 15-06-2006, 08:25 PM

tum jo pal ko Thehar jaao to ye lamhey bhii
anevaley lamhon kii amaanat ban jaayeN

tum jo Thehar jaao to ye raat, mehtaab
ye sabzaa, ye gulaab aur ham donon ke Khvaab
sab ke sab aise mubham hon ke haqiiqat ho jaayeN

tum Thahar jaao ke unvaan kii tafsiir ho tum
tum se talKhii-e-auqaat kaa mausam badle

raat to kyaa badlegii, haaalat to kyaa badalenge
tum jo Thehar jaao to merii zaat kaa mausam badale

meharbaaN ho ke na Thehro to phir yuuN Thehro
jaise pal bhar ko koii Khvaab-e-tamannaa Thahare

jaise darvesh-e-madaa-nosh ke pyaale men kabhii
ek do pal ke liye talKhii-e-duniyaa Thahare

Thehar jaao ke madaarat maikhaaney se
chalte chalte koii ek-aadh subuu ho jaaye

is se pehle ke koii lamhaa aaindaa ka tiir
is tarah aaye ke pevast-e-guluu ho jaaye

dil2dil · #**154** (**permalink**) 15-06-2006, 08:26 PM

tumhaarii yaad ke jab zaKhm bharne lagte hain
kisii bahaane tumhen yaad karne lagte hain

hadiis-e-yaar ke unvaaN nikharne lagte hain
to har harim men gesuu saNvarane lagate hain

har ajnabii hamen maharam dikhaaii detaa hai
jo ab bhii terii galii se guzarne lagte hain

sabaa se karte hain Gurbat-nasiib zikr-e-vatan
to chashm-e-subah men aaNsuu ubharane lagate hain

vo jab bhii karte hain is nutq-o-lab kii baKhiyaagarii
fazaa men aur bhii naGmen bikharne lagte hain

dar-e-qafas pe aNdhere kii muhar lagtii hai
to "Faiz" dil men sitaare utarne lagte hain

dil2dil · #**155** (**permalink**) 15-06-2006, 08:27 PM

lutf vo ishq men paaye hain ke jii jaantaa hai
ranj bhii itne uThaaye hain ke jii jaantaa hai

jo zamaane ke sitam hain vo zamaanaa jaane
tuune dil itne dukhaaye hain ke jii jaanataa hai

tum nahiin jaante ab tak ye tumhaarey andaaz
vo mere dil men samaaye hain ke jii jaantaa hai

inhii qadmon ne tumhaare inhii qadamon kii qasam
Khaak men itne milaaye hain ke jii jaantaa hai

dostii men terii dar-pardaa hamaare dushman
is qadar apne paraaye hain ke jii jaantaa hai

Khu$h! · #**156** (**permalink**) 16-06-2006, 04:49 AM

dil2dil · #**157** (**permalink**) 16-06-2006, 02:59 PM

Quote:

Originally posted by Afsana

thx for reply.... afsana jee.... how r u
God bless u ...

dil2dil · #**158** (**permalink**) 17-06-2006, 10:20 AM

TERE EKHLAASS SE MOHABBAT KI HAI
TERE EHSSAAS SE MOHABBAT KI HAI

TU MERE PASS NAHIN HAI PHIR BHI
TERI YAAD SEY MOHABBAT KI HAI

KABHI TO TUNE BHI MUJHE YAAD KYA HOGA
MAIN NE UN LAMHAAT SE MOHABBAT KI HAI

JIN MAIN HO SIRF TERI AUR MERI BATAIN
MAIN NE UN AUQAAT SE MOHABBAT KI HAI

AUR JO MAHEKE HO SIRF TERI HI MOHABBAT SE
MAIN NE UN JAZBAAT SE MOHABAAT KI HAI

TUJH SE MILNA TO AB KHUWAAB SA LAGTA HAI
MEIN NE TERE INTHIZAAAR SE MOHABBAT KI HAI.

dil2dil · #**159** (**permalink**) 17-06-2006, 10:33 AM

kabhi ham mile bhi to kya mile, wahi dooriyan wahi faasle
na kabhi tumhare qadam badhe na kabhi hamari jhijak gayi

tere haath se mere honth tak wahi intezar ki pyaas hai
mere naam ki jo sharab thi kahin raaste mein chhalak gayi

tujhe bhool jane ki koshishein kabhi kaamyaab na ho sakin
teri yaad shaake gulaab hai jo hawa chali to lachak gayi

dil2dil · #**160** (**permalink**) 17-06-2006, 10:36 AM

mujh se vaaqif tou mere jism ka saayaa bhi na tha
kaise ho jaata tumhaaraa main Khud apana bhi na tha

jitana maayuus hai vo shakhs bichar kar mujh se
itani shiddat se tou main ne use chaahaa bhi na tha

jaise ilzaam lagaaye hain mere sar us ne
aisi nazaron se tou main ne use dekha bhi na tha

meri aavaaz ka Gam shahar ne jaanaa kyionkar
main to us bhiir mein Khaamosh tha bolaa bhi na tha

Thread Tools
Show Printable Version Email this Page
Display Modes	Rate This Thread
Linear Mode Switch to Hybrid Mode Switch to Threaded Mode	Rate This Thread:

Currently Active Users Viewing This Thread: 1 (0 members and 1 guests)