Watan e Aziz ki larazti rooh ki sada
Main na koi bohat bara shaer hoon, aur na hi koi bohat dhaarmik kisam ka leader.
Main ne bachpun se islam aur watan ki mohabbat ko apney khoon main rawan paya. Mager aaj jin halaat se hamara mulk guzer raha hai, to bus achanak dil ne kalam thamney per israr kiya aur be-rabt alfaaz ko aik mujassim shakal deta gaya.......mujhey jub hosh aya to meri ankhon se ansu rawan they aur safha e kertaas per derj e zail alfaaz bikhrey huwey the.......aap ki bhi nazer kerta hoon
Dafan ker do mujhey pholoon ki surkh chaader main
Qatal huwa main sir e aam apney hi ghar main
Merey watan ki is fiza main serd aahain hain
Kuchal gaya mera zameer aisi bhugdar main
Merey duwaar, her gaam ik siyahi hai
Bhatak gai hai meri rooh aisey jungle main
Khaber na ho saki thi tub ye merey Quaid ko
Miley ga baad-e-marg naam us ka mitti main
Muqeed dhan ki chakachond main yoon ho gaya
Main doobta gaya laluch ke issi sagar main
Seher wo aegi, insaan jis pe naaz karey
Yaqeen ye le gaya Ehsaas ko bhi turbat main
Dil-e-imaan ki ghurbat se taar taar logo !
Wo waqt jo beet gaya, beet gayah zillat main
Aziz sathiyo, ghaur karo ke kiya yehi watan e aziz tha jis ka khab iqbal ne dekha tha?
__________________
Make people laugh and take away their worries, you would get heaven in return
Last edited by Emblem99 : 16-05-2008 at 06:57 PM.
|
Linear Mode
