[HULK]

Main na koi bohat bara shaer hoon, aur na hi koi bohat dhaarmik kisam ka leader.
Main ne bachpun se islam aur watan ki mohabbat ko apney khoon main rawan paya. Mager aaj jin halaat se hamara mulk guzer raha hai, to bus achanak dil ne kalam thamney per israr kiya aur be-rabt alfaaz ko aik mujassim shakal deta gaya.......mujhey jub hosh aya to meri ankhon se ansu rawan they aur safha e kertaas per derj e zail alfaaz bikhrey huwey the.......aap ki bhi nazer kerta hoon



Dafan ker do mujhey pholoon ki surkh chaader main
Qatal huwa main sir e aam apney hi ghar main

Merey watan ki is fiza main serd aahain hain
Kuchal gaya mera zameer aisi bhugdar main

Merey duwaar, her gaam ik siyahi hai
Bhatak gai hai meri rooh aisey jungle main

Khaber na ho saki thi tub ye merey Quaid ko
Miley ga baad-e-marg naam us ka mitti main

Muqeed dhan ki chakachond main yoon ho gaya
Main doobta gaya laluch ke issi sagar main

Seher wo aegi, insaan jis pe naaz karey
Yaqeen ye le gaya Ehsaas ko bhi turbat main

Dil-e-imaan ki ghurbat se taar taar logo !
Wo waqt jo beet gaya, beet gayah zillat main


Aziz sathiyo, ghaur karo ke kiya yehi watan e aziz tha jis ka khab iqbal ne dekha tha?

[Style Mantra]

very true !!! yeh woh watan nahi jiska Iqbal ne khawab dekha tha... woh tu islam k naam peh bana tha aur is mulk mein islam a naam shazir o nazir hi milta hai...

[HULK]

haan asjad, thanx for agreeing and liking:)