[Amial Khan]

Assalam O Alikum

Humaray last month ki winner Savera thin aur Rules k mutabik unhonay is month k lliya Parveen Shakir ka naam tajvia kia hai .......Is month ap ko Parveen Shakir ka kalam is competition main shamil karna hoga...........:)

Rules

1) Is month ki poet Paveen Shakir hain........ap un ki koi fav poetry lay kar is comp main participate kar saktay hain.

2) Ap sirf aik poetry he post kar saktay hain.

3) Agar kisi member nay poetry repate ki tou usay cancel kar dia jaye ga .

4) Vote k zariye result announce kia jaye ga aur Winner Member Next Month k comp k liya POet ka naam tajviz karay ga

5) Last date 14 May hai.

Note ......Members say request hai k pls is thread ki khubsurti ko barqaraar rakhian aur gup shup say parhaiz kigea.

[MirzaKamran]

Parveen Shakir

Shakir was born on 24th November, 1952 in Karachi, Pakistan. She received two undergraduate degrees -- in English literature and linguistics. She was a teacher for 9 years before joining the Pakistan Civil Service, where she served in the Customs department. In 1986, she was appointed second secretary, CBR in Islamabad. In 1990, she taught at Trinity College, Connecticut, USA, and then did her masters in public administration at Harvard University in 1991. She married Naseer Ali, a doctor by profession, whom she later divorced. In 1994, she died in a car accident at age 42. She is survived by her son, Syed Murad Ali. Her unique honor was that when she appeared in the Central Superior Services Examiation in 1982 there was a question on her poetry in the Urdu examination.

Her poetry was a breath of fresh air in Urdu poetry. She used the first-person feminine pronoun, which is rarely used in Urdu poetry even by female poets. The feminine perspective of love and the associated social problems were her theme. Critics compare her poetry to that of Iranian poet Forough Farrokhzad. Her first book, Khushboo, won the Adamjee Award. Later she was awarded the Pride of Performance.

[MirzaKamran]

[Style Mantra]

Kamal e zabt ko khud bhi to azamaungi
Main apane hath se us ki dulhan sajaungi

Supurd kar ke use chandani ke hathon
Main apane ghar ke andheron ko laut aungi

Badan ke karb ko wo bhi samajh na payega
Main dil may roungi ankhon may muskuraungi

Wo kya gaya ke rafaqat ke sare lutf gaye
Main kis se ruth sakungi kise manaungi

Wo ik rishta e benam bhi nahi lekin
Main ab bhi us ke isharon pe sar jhukaungi

Bicha diya tha gulabon ke sath apana wajud
Wo so ke uthe to khwabon ki rakh uthaungi

Ab us ka fan to kisi aur se manasub hua
Main kis ki nazm akele may gungunaungi

Jawaz dhundh raha tha nai muhabbat ka
Wo kah raha tha ke main us ko bhul jaungi

Sama`aton may ghane jangalon ki sansen hain
Main ab kabhi teri awaz sun na paungi

[Amial Khan]

[Aisha Khan]

[minal18]

Is nay dekha hie nahin warna yeh ank
Dil ka ahwaal kaha kartei hai

Mashafay dil pay ajab rungoon main
Ek tasveer bana kartei hai

Bay nayaaz kafey darya ungisht
Rayete par naam likha kartei hai

Dekh tu aan k chehra mera
Ek nazar bhi teri kya kartei hai

Zindagi bhar kie yeh takheer apni
Runjh milnay ka sawa kartei hai

Shaam partay hei kisie shakh kie yaad
Koocha e jaan main sada kartei hai

Masla jub bhi charaghoon ka utha
Faisala sirf huwa kartei hai

Mujh say hie hai is ka waisa salook
Haal jo tera anaa kartei hai

Dukh huwa karta hai kuch aur bayaan
Baat kuch aur huwa kartei hai

Ek hunar tha ,kamaal tha ,kya tha
Mujh main tera jamaal tha kya tha

Teray janay par ab k kuch na kaha
Dil main darr tha, malaal tha kya tha

Barq nay mujh ko kar diya roshan
Tera aks laal tha kya tha

[notxtra]

[Aashir Jani]

ab kaisi parda daari , khabar aam ho chuki
maa ki rida tu din howe neelam ho chuki

ab aasmaa.n sey chadar-e shab aay bhi tu kiya
be-chadari zameen pe ilzaam ho chuki

ujrey howe diyaar pe phir kyu nigah hai
is kasht pe tu barish-e ikraam ho chuki

soraj bhi us ko dhondh k wapas chala gaya
ab hum bhi ghar ko lout chalain shaam ho chuki

shimley sanbhaltey hi rahey maslehat passand
hona tha jis ko piyaar main bad-naam ho chuki

aankhain hain a ur subha talak tera intezaar
mishal bad'dast raat terey naam ho chuki

koh-e nida sey bhi sukhan utrey agar tu kiya
na-sameoo.n main hurmat-e ilhaam ho chuki

[~pari~]

[Nain Tara]

raat ki raani ki khushboo se koi ye keh de
aaj ki shab na mere paas aaye
aaj taskeen'e mashaam'e jaan ko dil ke zakhmon ki mehek kafi hai
ye mehek aaj sare shaam hi jaag uthi hai
ab yeh bheegi hui bojhal palkein
aur namnaak udaas ankhein liye
ratjaga aise manain gi ke khud bhi jage
aur pal bher ko main bhi na sone paon,
Deo'malai fasanon ki kisi muntazir'e mosam'e gul raajkumaari ki khizan bakht
dukhi rooh ki manind
bhatakne ke liye
koo ba koo abr'e pareshaan ki terha
jaye gi
door uftadah samander ke kinare bethi
pehron us simt takey gi jahan se aksar
us ke gum'gashtah jaziron ki hawa aati hai
gaye mosam ki shanasa khushboo
yoon rag'o pay main uterti hai
ke jaise koi chamkila rupehla sayyal
jism main aise saraiyet ker jai
jese sehraon ki sheryanon main
pehli barish
gher mehsoos sarosh'e nikhat
zehen ke haat main woh ism hai
jis ki dastak
yaad ke band darichon ko bari narmi se
aise khole gi ke aangan mera
har dariche ki alag khushboo se
rang dar rang chalak jaye ga,
yeh dil'aawaiz khazane mere
mere piyaron ki ataa bhi hain
mere dil ki kamaii bhi hain
in ke hote huey auron ki zaroorat kia hai
raat ki raani ki khushboo se koi yeh keh de
aaj ki shab na mere paas aaye.....

[Rider Of Sucess]

paa-ba-gil sab hain rehai ki kare tadbir kaun
dast basta shahar mein khole meri zanjir kaun

mera sar hazir hai lekin mera munsif dekh le
kar raha hai mere fard-e-jurm ki tabeer kaun

aaj darvaazon pe dastak jaani pahchani si hai
aaj mere naam laata hai meri taazir kaun

neend jab Khuwabon se pyari ho to aise ehad mein
Khuwabb dekhe kaun aur Khuwabon ko de taabeer kaun

ret abhi pichle makanon ki na vapas aai thi
phir lab-e-sahil gharaunda kar gaya tamir kaun

saare rishte hijraton mein saath dete hain to phir
shahar se jaate hue hotaa hai daamangeer kaun

meri chaadar to cheeni thi shaam ki tanhai ne
beridai ko meri phir de gayaa tashaheer kaun

dushmanon ke saath mere dost bhi aazad hain
dekhna hai khenchta hai mujh pe pahla teer kaun

[MaYa.000]