[Amial Khan]

Special Announcment

* Competition k winners ko jo award dia jiea ga woh un k profile main add ho ga saath he un k nick k bilkul neechay bhi display ho ga.

* Poetry Competition 1st September say start ho ga.

* September k poetry competition ka toppic hai "YAAD "



Participanting Rules

* Poetry jis poet ki ho us ka naam likhna zaroori hai.

* Competition main member sirf aik bar participate kar saktay Hian.

* Agar batay gaya toppic ya word ap ki poetry main kahi darmiyan main use hua ho tou ap usay highlight kar dain.

* Members POetry repeate nahi kar saktay.

* Competition main participate karnay ki last date 20th Sep hai.

* Competition k winner k liya voteing ki jiea ge.

* Jo member winner hoga woh next month ka toppic select karay ga.


Voteing Rules

* Participants khud ko vote nahi kar saktay is soorat main un k vote cancel kar dia jiea ga.

* Polling ki last date 28th sep hai.


Good Luck to All

*

[t3xPeRt]

welldone Amial


so cumon frnds................. tayyari ker lejeay............... ab akhir.......... award b to jeetna hey

[PAnCHi]

ik bar mean.. just ik post? :S

okay .. Gud...

[t3xPeRt]

yeah................ juz one poetry................

Gud luck anu

[cute_zaini]

poetry yahin pe send karni hai kia

[t3xPeRt]

jee zaini..................... yehi competition thread hey... or aap ney yahin sab post kerna hey

[Rider Of Sucess]

yaad hain saare vo aish-e-bafaraGat ke maze
dil abhi bhulaa nahin aaGaz-e-ulfat ke maze

vo sarapa naaz tha begana-e-rasm-e-jafa
aur mujhe haasil the lutf-e-benihayat ke maze

husn se apane vo Gafil tha main apane ishq se
ab kahaan se laun vo na-vaqfiyat ke maze

merii janib se nigah-e-shauq ki betabiyan
yaar ki janib se aaGaz-e-sharart ke maze

yaad hain vo husn-o-ulfat ki nirali shoKhiyan
iltamas-e-uzr-o-tamahiid-e-shikayat ke maze

sehate.n laakhon meri bimari-e-Gam par nisar
jis mein uThe baraha un ki ayadat ke maze

[t3xPeRt]

ahan........... so finally the competition has started.................
gud luck Rider.............. but u have to w8 till 28th for the final results

[PAnCHi]

to u every One

[cute_zaini]

Kal halki halki barish thi
Kal sard hawa ka ruqs bhi tha
Kal phool bhi nikhre nikhre the
Kal un me apka aqs bhi tha

Kal YAAD boht tum aae the
Kal YAAD boht tum aae the

Kal badal kaale gehre the
Kal chand pe lakhon pehre the
Kuch tukre apki YADON ke
Bari der se dil mein tehre the

Kal YAAD boht tum aae the
Kal YAAD boht tum aae the

Kal YADEIN uljhi uljhi thein
Aur kal tak ye na suljhi thein

Kal YAAD boht tum aae the
Kal YAAD boht tum aae the

[t3xPeRt]

very nice zainooooooooo

[rabisha]

Hamaray Dil se na ja sako ge
Hamaray Har WaQt Paas Tum ho

Ye Baat Hum bhi to Maante hain
K WaQt-e-rukhsat Odaas ho Tum

Kuch Apnay Aansoo Kuch apni Yaadain
Tumhein nishani Hum Or kia Dain

Hamaray Dil ki hain Ye Moraa'dein
K khush Raho Or kia Dua Dain

Agar Kabhi Hum ko YAAD karna
To Aik khat Likh kar Shaad Karna

Na YAAD aein To Bhool jana
Na Bhool pao To YAAD karna

Hamari Baaton ki Baat choro
Khayal ki Kainaat choro.....

wo beetay Din Beeti Raat Choro
Guzar Gaee jo Hayaat choro

Hamara Dhan Kaghaz or Qalm hai
Hamara Mazmoon Ranjo-gham hai

Hamari Poonji hai Dil k Aansoo....
Hamesha Damaan-e-chashm-e-Nam hai

Hamaray Naghmay na Gun-go-nana
bujhay huay Deep Jal Parain gay

Hamaray Aansoo na YAAD karna
tumharay Aansoo Nikal Parain ge

Khuda karay Tum jahan bhi jaao
Behr-e-Nigah qabool Jao......

Khuda Karay jab YAAd hamari
Tumhein Sataaye To Bhool Jaao

[Im_Sha]

Us Ka Haath Kitna Sard Tha
---------------------------


Mujhay Chaandni Raat Ke Wo Haseen

Ghari YAAD Hai

Jab Us Nay Meray

Haathon Ko Apnay Haath Main Lay Kar

Kaha Tha Keh

Jantay Ho Garam Haath

Wafa Ke Alamat Hoti Hay

Main Us Ke

Yeh Baat Sun Kar Khushi Say Jhoom

Utha Tha

Mager Aaj Shab -e- Tanhaii

Main Betha Soch Raha Hoon

Keh

Us Waqt

Us Ka Haath Kitna Sard Tha

[t3xPeRt]

nice.......... keep the spirit high frnds :)

[dil2dil]

jab koi pyar say bulaye ga
tum ko aik shaks yaad aaye ga

lazat-e-gham say aashna ho ker
apnay mehboob say juda ho ker
dil kahein jab sukoon na paye ga
tum ko aik shaks yaad aaye ga

teray lab peh naam hoga pyar ka
shama dekh ker jalay ga dil tera
jab koi sitara timtamaye ga
tum ko aik shaks yaad aaye ga

zindagi kay dard ko saho gay tum
dil ka chain dhondtay raho gay tum
zakhm-e-dil jab tumhain sataye ga
tum ko aik shaks yaad aaye ga

jab koi pyar say bulaye ga
tum ko aik shaks yaad aaye ga

[t3xPeRt]

sorry dil2dil... u can share only one poetry as per the rules.................!

we'll count your 1st post for this competition.

Gud Luck

[cute_zaini]

sisi da poery sent by dil2dil jus abt ur post is da one i hav already sent....i think dis isnt fair,,,

[t3xPeRt]

zaini..................... dear d2d has deleted tht post.............. so i think.......... now its all clear

[t3xPeRt]

here goes my taste

[Optimistic]

Tumhain kis ne kaha pagli tumhain main Yaad kerta hooN

Ke main khud ko bhulanay kee musalsal justajoo main hooN

Tumhain na Yaad aanay kee musalsal justajoo main hooN

Mager yeh justajoo meri bohat nakaam rehti hai

Mere din raat main abb bhee tumhari shaam rehti hai

Mere lafzooN ki her maala tumharay naam rehti hai

Tumhain kis ne kaha pagli tumhain main Yaad kerta hooN

Purani baat hai jo log akser gungunatay hain

Unhain hamm Yaad kertay hain jinahin hamm bhool jatay hain

Ajab pagal si lerki ho

Meri masroofiyat daikhoo

Tumhain dil se bhulaooN tu tumhari Yaad aaye na

Tumhain dil se bulanay kee mujhay fursat nahin milti

Aur iss masroof jeewan main

Tumahray khat ka ikk jumla

“Tumhain main Yaad aati hooN ?”

Meri chahat ki shiddat main kami honay nahin daita

Bohat raatain jagata hai mujhay sonay nahin daita

So agli baar apnay khat main yeh jumla nahin likhna

Ajab pagal si larki hai mujhay phir bhee ye likhti hai

Mujhay tum Yaad kertay ho tumhain main Yaad aati hooN ?