[iftikhar roha]

Aatay jaatay mosam uss ko dstay thay
Hanstay hanstay palkon se ro padti thee

Aadhi raat ganwa daiti thee chup reh ker
Aadhi raat k chand se batain kerti thee

Door se ujday mandir jaisa ghar uska
Wo apnay ghar main ikloti daivi thee

Moam se nazuk jism sehar ko dukhta tha
Diye jala ker shab bhar aap pighalti thee

Taiz hawa ko rok ker apnay aanchal per
Sookhay phool ikathay kerti phirti thee

Sb per zahir ker daiti thee bhaid apna
Sab se ik tasveer chupaye phirti thee

Kl shab chikna choor hua tha dil usska
Ya phir pehli baar wo khul ker royi thee

MOHSIN kya janay kyon dhoop se be perwa
Wo apnay ghar ki dehleez per baithi thee

Wo ladki bhi ik ajeeb pahaili thee.