[easy_sums_life1]

jo ishq-e-mohammad(s.a.w) mein sarshaar huye hain
jannat k haqeeqat main woh haqdaar huye hain

dekh aaya hai jab se koi roza aqaddus
door uske sabhidard-o-azaar huye hain

ehsaas risaalat ki sadaqat ka hua jab
mehsoos hua hum abhi bedaar huye hain

main saaya-e-duaan mohammad(saw) main rahonga!!
Yeh jazbay meri chah k bedaar huye hain

honton pe kabhi naam jo aajaye mohammad(saw)
alfaaz bhi barkat se sukhan zaar huye hain

madhat k liye jab kabhi maail hua sohraab
izhaar main gulnaar se ashaar huye hain..

[easy_sums_life1]

madinay ko jaayein yeh ji chahta hai
muqaddar banaayein yeh ji chahta hai

madinay k aaqa(saw) do alam k mola
tere paas aayein yeh ji chahata hai

jahan dono alam hain maho-e-tamanna
wahan sar jhukaayein yeh ji chahta hai

mohammad(saw) ki baatein mohjammad(saw) ki seerat
sunein aur sunayein yeh ji chahata hai

pohanch jaayein behzaad jab hum madinay
tu khud ko naa paayein yeh ji chahata hai..