[Adi_pk]

Salaam,

This is Adi - Naam to suna hoga !! Alright.. i start yet another thread... yahan aap sab apni woh chhoti si favourite kahaniyan share karenge jo aap ko bachpan mei aap ki daadi, naani, papa, mom, baaji, bhaiya ya kisi ne bhi sunaayee ho which stuck in your mind... hum phir se bachey to nahi ban sakte.. lekin bachpan ki yaadon ko thora aur jeetey hain.. what say? KAHAAANI TIMEEEEEEEEEEEE !!!!!!!!!

[Adi_pk]

Ok i post one :

" Aqal Bari ya Bhains "

Ek dafa ka zikar hai.. ek gaaon mei ghareeb lakkar haara(bole to lakriyan kaatne wala)Abdullah apni biwi Zareena ke saath rehta hai, dono apni ghareebi se bohat tang hote hain, khaane peeney ka samaan bhi khatam hota ja raha tha, unn ke paas ek gaaye (Cow) hoti hai, Abdullah sochta hai ke woh sheher jaa kar apni yeh gaaye baich de.. ache khaasey paise mil jaayenge to kuch na kuch setting ho jayegi... woh gaaye sheher le jaata hai... sheher mei teen thug (bole to frauds) Abdullah ko dekhte hi pehchaan jaate hain ke yeh koi gaaon ka bewaqoof aadmi hai... unn me se ek thug Abdullah ke paas jaata hai.

Thug : Haan bhai, khairiat kahan jaa rahe ho dost?
Abdullah muskura kar : Bhai Sahab, mein yahan apni gaaye baichne aaya hoon.
Thug : Ohoo.. yeh gaaye.. acha kitne mei baichoge?
Abdullah sochta hai aur kehta hai : Bees Hazaar mei (20,000)
Thug : Arey yeh to bohat ziyaada hai, itne mehenga to koi nahi khareedega. Mujhe nahi chahiye.. maaf karo.

Abdullah bohat udaas hota hai ke acha khaasa aadmi khareedney aaya tha aur uss ne ziyaada daam bol kar ussey bhaga diya.. itney mei duusra thug uss ke paas jaata hai aur salaam dua ke baad poochta hai :

Thug : Yahan kaise aana hua
Abdullah : Mein gaaye baichney aaya hoon
Thug : Kitney mei baichogey?

Abdullah sochta hai, mein ne uss ko 20,000 bataye the to woh bhaag gaya tha... mein iss ko 15,000 batata hoon.

Abdullah : mein 15,000 mei baichunga
Thug : Nahi bhae... bohat mehenga hai.. mein to chala.

Abdullah phir udaas hogaya aur socha waqai shayad woh bohat ziyaada daam laga raha hai.. itney mei teesra thug uss ke paas aaya aur wohi sawaal kiya.

Abdullah : mein yeh gaaye 10,000 mei baichunga
Thug : Abey pagal hai kya.. yeh to bohat ziyaada hai... mein to chala
Abdullah : Acha ruko ruko bhai... acha kitney mei lo ge aap.
Thug : 5,000 mei lunga... dena hai to bolo.. warna itney bhi koi nahi dega yahan

Abdullah sochta hai ke shayad sheher mei yehi acha daam hoga. 5,000 mei hi baich deta hoon, woh 5,000 mei uss ko gaaye baich deta hai.. aur ghar per khush khush note gintey hue aata hai. Apni biwi ko poori kahani sunaata hai.. biwi hoshiyar hoti hai, bailan se pitaayee laga deti hai Abdullah ki aur kehti hai itni moti taazi tandurust gaaye sirf 5,000 mei baich ke aagaye nikammey... yeh 5,000 to kuch hi dino mei kharch ho jayenge phir hum kya karenge... hum to lutt gaye. Abdullah ko bohat gussa aata hai unn teeno thug per... aur woh unn se badla lene ki sochta hai.... woh apne jhonprey (ghar) mei dekhte hain ke koi saamaan mil jaaye jisey woh sheher jaa kar baich sakey... woh puraana sandook kholta hai uss mei ek lohey ki topi hoti hai bohat puraani... woh kuch dair sochta hai aur topi aur kuch paise le kar sheher ki taraf ravaana ho jata hai.

Sheher jaa kar woh chupke se dekh leta hai ke woh teeno thug wahin baithey hain aur gaaye ko baich kar jo paisa unn thug ko mila tha uss se aish kar rahe hain... Abdullah ko ek tarkeeb soojhi... woh ek ache bare se restaurent gaya... wahan uss ne waiter ko kuch raqam di aur kaha ke mein apne kuch doston ke saath yahan khaana khaaney aaonga.. tum jab bill lene aaoge to mein yeh lohey ki topi ghumaaonga to tum bill mat lena aur wapas laut jaana.. mein tumhein uss bill ke paise abhi se de raha hoon theek hai? waiter maan gaya.

Phir Abdullah ek juice wale ke paas gaya aur kaha ke yeh lo paise.. mein apne teen doston ke saath yahan aa kar juice piyunga.. tum mujhse juice ke paise maangna.. aur mein yeh topi ghumaaonga to tum kehna "ok paise rehne dijiye... koi masla nahi" theek hai? juice wala bhi maan gaya aur paise pehle se le liye.

Ab Abdullah unn thug ke paas se guzarta hai, thug Abdullah ko dekh kar khush ho jaate hain aur Abdullah ke paas jaa kar kehte hain:

Thugs : Kya baat hai Abdullah bhai, aaj kya baichney aaye ho, batao batao
Abdullah : Nahi, mein kuch baichney nahi aaya, aap teeno ka bohat shukriya ke aap ne meri gaaye itne ache daam mei khareed li.. chalo mein aap teeno ko khaana khilaane le jata hoon.

Thug bohat khush hue.. socha arey wah, itna bewaqoof aadmi pehli baar dekha hai... aur woh teeno Abdullah ke saath khaana khaane ek restaurent chale gaye... chaaron ne pait bhar ke khaana khaaya... jab waiter bill lene aaya to Abdullah ne topi ghumaayee aur waiter bill liye bina hi wapas murr kar chala gaya. Teeno thug hairan the ke yeh kya chakkar hai.

Thug : Arey yeh waiter bill lene aaraha tha, wapas kiyun chala gaya.
Abdullah : Bas yeh iss jaadu ki topi ka kamaal hai
Thug : Nahi nahi hum nahi maantey.. aisa kaise ho sakta hai.
Abdullah : Acha chhoro, juice piyoge?
Thug : Arey way, naiki aur pooch pooch.

Abdullah unn teeno ko juice wale ke paas le gaya, unho ne juice piya.. aur juice wale ne jab paise maange to Abdullah ne topi ghumaai... juice wale ne kaha "acha rehne dijiye.. ab paise nahi chahiye"

Teeno thug hairan ho gaye aur unn ke dil mei yeh topi haasil karne ki lalach aagayee

Thugs : Abdullah yaar, hum ne tumhari cow itne ache daam khareedi, ab hum yeh topi bhi khareedna chahte hain
Abdullah : Nahi bhae, yeh jaadu ki topi mei kisi qeemat per nahi baich sakta... iss se mein kuch bhi haasil kar sakta hoon.
Thugs : Arey yaar, hum to tumhare dost hain na, humein yeh topi baich do... tum jo maango ge hum denge
Abdullah : Waise to mein yeh topi kisi ko nahi deta, lekin tum log itney bhaley aur ache log ho ke mein tumhara dil nahi dukha sakta... ek lakh (100,000) rupaye do aur yeh topi le lo.

Thugs ne socha yeh sauda bura nahi hai, ek baar ek lakh rupaye ka kharcha hai, phir to zindagi bhar aish aur aaraam hai, kuch bhi khao piyo khareedo.. topi ghumao to sab haasil ho jayega muft mei. Thugs ne Abdullah ko 1 lakh rupaye diye. Abdullah khushi khushi apne gaaon chala gaya, uss ki biwi uss ki Aqalmandi per bohat khush hui... aur woh hassi khushi rehne lage...

Ek minute ek minute.. picture abhi baaki hai mere dost.. yeh to dekhein ke unn thugs ka kya haal hua?

Agley din thugs bare mazey se restaurent gaye, bohat saara khaana khaaya aur jab waiter bill maangne aaya to woh topi ghumaane lage...

Waiter: topi kya ghuma rahe ho, paise nikaalo
Thugs : Arey dikhta nahi kya, hum jaadu ki topi ghuma rahe hain, chalo wapas jao
Waiter : Abey, nashey mei hai kya, yeh topi ki topi kisi aur ko dena samjhey

Thugs ke paas paise to the nahi, unn bechaaron ko bartan dhona para restaurent mei aur unn ki bohat be-izzati hui

Phir unho ne socha ke ek baar aur try kar ke dekhte hain, juice wale ke paas gaye aur wahan unho ne juice piya... juice wale ne paise maange to woh topi ghumaane lage...

Juice wala : Bhai yeh sarri hui topi ghumaana band karo aur paise do
Thug : Arey bhae yeh jaadu ki topi hai, jab hum yeh ghumayen to tum paise nahi maang sakte
Juice wala : Pagal khaaney se aaye ho kya, chalo paise nikaalo

Juice wale ne theek thaak pitaayee kar di thugs ki paise na dene per.

Dekha pyaare bachon kya anjaam hota hai dhoke-baazi ka... iss liye kehte hain ke kisi ki majboori ka kabhi najayaz fayda nahi uthaana chahiye aur har insaan ki sachey dil se madad karni chahiye :)

[easy_sums_life1]

Piyaare bare bachon aaj mishaal api aapko apni mom se sunni kahani sunati hai adi beta naam tu suna hoga???

''HANSLE AND GRETLE''
Kisi zamane ki baat hai k Aik gaaon main aik lakarhara rehta tha jis k do bache the hansle aur gretle jin ki maan mar chuki thi aur woh apni sauteli maa k saath rehte the unki sauteli maa un se buhut nafrat krti thi aur dono ko raaste se hatane k mansoobe banati Rehti th phir aik din....

Sauteli maa ne unke baap se kaha ''akhir kb tak hum in ka pait palte rahe ge do janu ka guzara itni mushkil se hota hai unko kia khilaye ge..behetar hai k tum inko jungle main chor aao''..lakarhare ko manjboran uski baat manni parti hai aur woh bachon se kehta hai..''piyare bachon main buhut majboor hon aur tumhara bojh nhi utha skta main tumko kal jungle main chor aaoga''

Bache:abba jaan koi baat nhin hum tayyar hain'..magar baap k jaate hi gretle rone lagti hai ..

Hansle:ro mat gretle main koi raasta nikalta hon ..

doosre din hansle ka baap dono ko lekar chal para maa ne unko aik aik dabal roti di hansle jaate jaate peechay mur kar dekhe ja raha tha darasal woh dabal roti k tukre phekay ja raha tha...baap unko jungle main chor gaya magar jab hansle ne wapis jane ka irada ki tu raat ho chuki thi gretle rone lagi..

Hansle ro mat pyari behan subha hote hi hum yahan se nikal chalein ge..magar subha parinde woh dabal roti kha gaye aur dono jungle main gum ho gaye.. raasta talash krte krte wo aik ghar main pohanche jo cake,biscuit aur icecream se bana tha gretle bhook k sabab deeware tortor kar khane lagi..aur itne mein aik churail bahar nikli aur usne dono ko pakar liya usne hansle jo dekha tu..

Churail:aha aha itna mota taaza larka ab khane main khub maza aye ga,he he.ho,ha wo roz usko khana deti take wo khub mota hojaye aur gretle e saare ghar ka kaam karvati..phir aik din

bhuriya ne kaha akhir yeh mota kyun nhi hota(dara sal hansle apni ungli k bajaye aik hadi dikhata tha)

Gretal ko tarkeeb sujhi wo boli dadi amma mujhse cholah nhi jal raha .
Churail nadan larki kuch nhi sikhaya ma baap ne lao main jualao..

Gretal ne moqa pa kar churail ko cholhe main dhaka de dia churail dhar dhar jal k khatam hogayi..

aur dono apne ghar jane ka raasta talash krne lage itne main aik kuchwan wahan se guzra aur bachon ne apni sari kahani keh sunayi..kachwan ko reham aaya aur usne unhe sath bitha liya aur ghar pohancha diya....

Hansle aur gretal ko dekh kar unka baap khil utha wounke bagair buhut udaas tha usne bachon se maafi mangi bachon ne baap k sath apni sauteli maa ko bhi maaf krdia aur phir sab hansi khushi rehne lage........


Adi bhai waise aap ko bacha bana rehne ka buhut shok hai kab bare honge aap bara bhai kehne se aap ko koi faraq nhi parta???


\Mishaal

[Adi_pk]

Awwwwwwwwwwwwwwww sweeeeeeeetness Mishaal i loved the storyyyyy thanks for sharing hehehe chooo chweeeeeeeeeeeet.. mera bass chale to zindagi bhar bacha bana rahun lekin yeh duniya aur system bacha rehne hi nahi deti... thank yaar it was very sweet n cuute story... maza aagaya !!

[Enigma]

hmm hmm
aik tha raja aik thi rani dono mer gaye khatam kahani...........

[BLACK_BERRY]

Aik Mahal Main Raja Rehta Tha.. Or Aik Chotay Say Ghao Main Aik Rani Rehti Thi ......... Raja Ko Rani Say Piyar Ho Gaya ........... Aik Din Raja Kay Aboo Ko Pata Chal Gaya Or Usnay Raja Ko Mar Dia........... Rani Bhi Uss Kay Gumm May Mar Gai Or Kahani Khatam Ho Gai........................

[Adi_pk]

Black Berry aap ne to enigma ke story ki tashreeh kar di... thank you !!!

[BLACK_BERRY]

Kia Karo Har Maa Aik Hi Story Sunsti Hay .ziyada Tar.......... Meri Ammy Nay Mujhay Long Sunai Thi...........

[BLACK_BERRY]

Chalo Aik Or Bhi Hay............................. Aik Borhay Kay Sath Son Hotay Hain........... Bohat Long Hay Aap Nay Suni To Ho Gi .........itehad Wali.........

[Adi_pk]

Haan suni hai lekin theek se yaad nahi... agar aap ko yaad hai to post karo na please.. i love reading pyaari pyaari bachon wali kahaniyan !!!

[BLACK_BERRY]

Ok........ Aik Kisaan Kay Seven Son Hotay Hain Or Woh Apass Main Bohat Lartay Thay .borha Un Ko Dekh Kar Parashan Hota Tha Kay Main Kia Karo.........kay Uun Ki Larai Khatum Hojay ....to Us Ko Aik Idea Aya.......us Nay Apnay Sons Ko Bolaya Or Kaha Kay Yeh Saath Lakriya Hain Is Ko Aik Aik Karkay Tooro ..to Sab Aik Aik Karkay Sab Lakriya Toor Detay Hain Phir Woh Kisaan Un Ko Saath Lakriya Aik Sath Toornay Ko Deta Hay To Sab Bohat Khooshh Kartay Hain To Woh Nahi Tootti To Woh Kehta Hay Kay Dekho Agar Tum Aik Doosray Say Laroo Gay To Sab Tum Par Hamla Kar Sakhtay Hain Aasani Say Aik Tum Itehad Say Raho Gay To Koi Bhi Tum Par Itni Aasani Say Humla Nahi Karsakay Ga..........

[Adi_pk]

awwww sweetness... cuute and meaningful story !!!!

[BLACK_BERRY]

Thank You...............

[Arisha]

aik Raat ki baat h

ek din Ek barey ghar m achanaq chor (adi) chala gaya tha

Phir us makaan malikin ne Ek police ko bulaya (Arisha)

Phir Arisha ne Adi ko ghar se nikal kar Hawalat m band krdia

phir adi ne toba krli

Bachon isi se Sabaq sekho k jo karey ga woh he bharey ga


haha sorry adi

[Arisha]

Wounderful Work Adi.........

[Arisha]

Loyal Wife
There was a man who had worked all his life, saved all his money, and was a real miser.

Just before he died he said to his wife, "When I die I want you to take all my money and put it in the casket with me, I want to take my money to the afterlife with me."

And so he got his wife to promise him with all her heart that when he died she would put all his money in the casket with him.

Well he died. He was stretched out in the casket, his wife was sitting there in black and her friend was sitting next to her. When they finished the ceremony just before they were ready to close the casket the wife say, "Wait a minute!"

She had a box with her and she came over with the box and put it in the casket.

The undertakers locked the casket down and they rolled it away.

Her friend said, "Girl, I know you weren't fool enough to put all that money in there with your husband?"

The loyal wife replied, "Listen I'm a Christian I can't go back on my word. I promised him that I was going to put the money in with him."

"You mean to tell me that you put all that money in the casket!"

"I sure did," said the wife, "I got it all together, put it into my account and wrote a cheque, if he can cash it he can spend it.

[BLACK_BERRY]

Nice................

[Adi_pk]

loool kool story Arisha !! lekin yeh to bachon wali nahi hai

[Arisha]

thanks barry and adi

Adi yahan bacha kon h

Sub badhe he hain hahah

[Adi_pk]

Yahan koi bacha nahi hai, issi liye to yeh thread banayee hai ke yahan bachon wali cuute cuute kahaniyan suna kar aur sun kar apne bachpan ki khubsurat yaadon ko taaza kiya jaaye.. i love reading them.. i still read nonihal risaala :)