[Mahira414]

Assalam o alikum every one ye mera pehla thread hy and I hope aap log isey zarur appreciate karenge ma is thread ma ik kahani post karne wali hoon per aaj meri tbyt theek nahi is liye kal zarur post karungi ye meri first story hy jo ma ne khud likhi hy plzz aap logo ka response chaiye mujhy zarur btaiye ga k kesi lagi...

[freeek]

app post karo we are here to appreciate you and give u confidence to write more : )

[freeek]

Get Well soon : )

[Kool Guy]

Ahan welcome janab!

INshhalah u will get really good response frm al of us .

just don't worry n share!!

n GET WELL SOON!

[fairnas]

jee bilkul aap story post tu karein

[fairnas]

get well soon

[Mahira414]

Thanx alot guys

[Adi_pk]

Mahira ji ! welcome and get well soon !! jaldi se theek ho jayen.. aur jab aap comfortable feel karo to kahani post karna... we can wait.. kahaani se ziyaada aap ki sehat important hai.. jaldi se theek ho jayen.. God bless you !!

[Mahira414]

"ye kia baat hui bhai....?? bhabhi lene ja rahy hyn pta to chale akhir larke wale hyn" 13 saal ki Saira ne apna samaan rakh ker seat per bethty huey kaha
"han han bhai!!! Saira theek keh rahi kuch shor to ho hi jaye...." Zeeshan bhi bol para jo moqey k intizaar mai hi betha tha
"acha bhai enjoy to karna per itna bhi khyal rkhna k hamrey sath or bhi log train mai mojood hyn wo pareshan na hon" Mrs Iqbaal ne bacchon ko nasihat kartey huey kaha

Mrs Iqbaal k shohar ka intiqaal 2 saal pehle ho chuka tha aur aaj unke ghar mai 2 saal baad ik khushi aaney ki muntazir thi unkey sab se barey betey Affan ki shadi Lahore mai uski chacha zaad Safia se teh hui thi dono bachpan mai sath hi parhtey they per Iqbaal sahab ka transfer karachi hogya tha per is sab k bawajood aakj ye rishta honey ja raha tha sabhi barey khush they khas tor per Affan ki behen Saira to nand banne ki khushi ma phooley nahi sama rahi thi Affan, Zeeshan aur Saira Mrs.Iqbaal ki puri kaynaat thy unke bacchey hi to thu jinhon ne unhen apne shohar ki maut k sadme se bahar nikala per aaj... aj khushi ka din tha sb k chehre khushi , umeed or sukoon se khiley huey thy
____________________________________________

[Adi_pk]

Very good writing skill Mahira ji.. seems like a professional writer.. loved your style.. and loved the beginning too.. post more jaldi !!!

[Mahira414]

thanx alot

[Mahira414]

usi train mai ik naya shadi shuda jors safar kar raha tha larke ka naam Athar jb k larki ka naam Farah hy, Farah ik nihayat saliqa shiaar larki hy or us ke sath Khuda ne usey khoobsurti se bhi nawaza tha doosri janib Ather bhi ik suljha hua larka tha aur ik bamk mai kaam krta tha in dono ki shadi ko 2 maah hi huey they dono hi ik doosrey k sath bohat khush they k ik din unhen khabar mili k Farah ki walida bohat beemar ho gaeen hyn or un dono se milna chahti hyn issi liye wo dono Lahore k liye nikal parey

"tum bilawja pareshan horahi ho ammi theek hojaen gi unki dekh bhaal k liye kitne log hyn wahan per or hm bhi to jaa hi rahey hyn un ke paas" Athar ne usey samjhaya or Farah ne bhi apne aap ko sambhala..
____________________________________________

[Mahira414]

Kesi lagi Adi bhaiyya

[Arisha]

Ahan janabbbbbbbbbb Salamzzzzzzzz app ko wait krwaya bouhat apne view ka

skill power Zabardast hain mahira.........

good going kya ye srf adhy story h poory kab hogy

App ki story tu zabardast ha Font dey kar aur style dey kr aur bhi ziyada khoubsurat banaiye story ko

aur sub se phale story ka theme batahen

hope u understand

Regards Arisha

[Mahira414]

raat ki chai pee k Zeeshan or Saira leedo khelne lage or Affan ne apne mobile per fm laga lia jab k doosri janib mrs.Iqbal apne zouq se majboor koi shairi majmua'a parh rahi thi or thori hi dair mai thakan k baais neend ne unhen aa lia
"Kyun Saira! mouqa acha badle ka" Zeeshan ne Saira k kaan mai sargoshi ki
"han bhaiyya sahi kehtey ho! Affi bhaiyya ko sataney ka is se accha mauqa hamey nahi miley ga" Saira boli or moun daba k hansne lagi
"to Saira plan no.420 per amal karne ka waqt agya hy"Zeesahn ne kisi khufiya agent ki tarah kaha to be ikhtiaar Saira hans pari
Zeeshan or Saira Affan k daein baein ja k beth gaye
"kyun bhaiyya barey pareshan lag rahey ho" Zeeshan bola
"han bhai!! soch rahey honge kab subh hogi or ham Lahore pohanchen ge" Saira hansi roktey huey boli
"kia Saira kuch bhi bolti ho bhaiyya kyun aisa sochen ge bhaiyya to bhabhi se hi baaten kar rahey honge .... kyun bhaiyya" Zeeshan bola
"nahi baba mai tumhari bhabhi se baat nahi kar raha acha thori lagta hy" Affan tezi se bola
"to bhaiyya kar lijiye naa baat thori dair hi sahi ... kia pta safia bhabhi INTIZAAR kar rahi hon" Zeeshan ne intizar pe ghair maamooli zor dete huey kaha
"chalo bhago yaha se bohat raat hogyi hy so jao ja ker" Affan ne ghussa dikha ker kaha jis ka matlab Zeeshan or Saira dono hi samjh gye they per uth ker apni apni seat per chale gye or ankhon hi ankhon ma ishara ker k hanse or aankhen band ker k lait gye

[Adi_pk]

Awesome !! sounds soo real so far.. Mahira great work.. as i said earlier.. you write like a professional writer !! post more jii jaldi

[nuttee]

Thats Fantastic !!!!!!!!!!! Nice Efffort!!!!!!!!!!!!! You Can Do Much Better Job.......

[Mahira414]

Thori dair baad Saira apne plan no.420 k tehet uthi or Affan k paas aayi
"Bhaiyya mujhey neend nahi aa rahi aap thora sa ghuma laao ge train mai apko pata hy mujhey chehel qadmi k bina neend nahi aati plz bhaiyya Zeeshan bhai so raha hy warna uskey sath chali jati chalo naa bhaiyya" Saira ne zid kartey huey kaha
"mai baad mai baat karta hoon" Affan ne ahista se keh ker mobile ki hand free kaanon se nikalior bola "chaliye Saira madam"
Affan or Saira k jane k baad Zeeshan uttha or Mrs.Iqbaal ko jagaya
"ammi mujhey neend nahi aa rahi kia karoon"Mrs Iqbaal uttheen to Zeeshan unki taraf barha or phir ik dum hi seat ki taraf jhuka
"ye Affan bhai kis se baat kar rahey they , ammi zra dekhen to..." Zeeshan ne masoom si shakal bana ker mobile Mrs.IQbaal k hawale kar dia
"hello"mrs.Iqbaal mukhatib hueen
"Assalam o alikum anti"doosri janib se Safia ki aawaz ubhri
"arey Safia tum itni raat gye kesy phone kia" mrs.Iqbal zer-e-lab muskurate huey boleen
"nahi anti!! wo ghalti se Sania ne number mila dia or caal mil gyi maafi chahti hoon is waqt disturb kia Allahafiz"or rabta munqata hogya
or mrs.Iqbaal be ikhtiyaar hans pareen
Affan or Saira jesy hi seats k paas pohnche to Affan ne dekha k Mrs.Iqbaal jag chuki hyn or Affan ka mobile bhi unhi k hath mai tha
"kyun Affan miyan kaha gye thy" mrs.Iqbaal ne tevri charha ker poocha
"wo...mama Saira ko neend nahi aa rahi thi usey le ker gya tha" Affan bola
"or ye phone .... is pe kis se baat ho rahi thi"mrs Iqbaal ne agla sawal poocha
"phone....phone.... haan wo ghalti se mujh se Safia ka number dial hogya tha" Affanne sir khujatey huey be dhyani mai kaha
or sab achanak se beikhtiaar ho ker hans parey
"aa.... aap log hans kyunrahey hyn!!"Affan ne ghabra ker poocha
"bhai aap dono to abhi se ik doosrey ka sath deny lagy hyn Safia ji ne kaha k un se number mila ... aap keh rahey hyn aap se ghalti hui bhai humey to lagta hy k aap dono k service centers ki sazish hy"mrs.Iqbaal muskuratey huey boleen or Affan ne sir jhuka lia or SAira zeeshan fatihaana andaz mai muskurane lage
"or aap dono........"mrs.Iqbal ne Zeeshan or Saira ki twajja apni janib mabzool karatey huey kaha
"hum..........hum dono kia" Zeeshan or Saira satpataye
"Affan bhaiyya k sath ab or koi shararat nahi"mrs.Iqbaal boleen or wo dono hi chonk parey
"hum dono ne kia shararat ki bhaiyya k sath"Saira tezi se boli
" aap dono kitne masoom hyn hm sab jantey hi hyn" mrs.Iqbaal muskuratey huey boleen
"ab lait jao or sojao"mrs.Iqbaal ne baat mukammal ki
Affan ne Zeeshan or Saira ko ghoora or wo dono apni chadaron mai dubak gye
__________________________________________________ _____

[winter]

ahan wow very nice tryyyyyyyyyyy

good work

[Kool Guy]

excellent job!!!!
really appreciate your effort....
Keep going