Wasi Shah's Poetry Collection..!!!

fairnas · #1 (**permalink**) 12-12-2007, 02:31 AM

Dear All Members .....Assalamoalikum

Ek New Thread Start Kar raha hoo

aap mein se jis k pass bhi Wasi Shah ki

Collection ho wo yahan post kar saktay hein

Hope App Interest lein gay

Thanx ...

Remembers In Ur Prayers .............

fairnas · #2 (**permalink**) 12-12-2007, 02:48 AM

dayar-e-gair mein kaise tujhe sada dete

dayar-e-gair mein kaise tujhe sada dete
tu mil bhi jata to tujhe ganwa dete

tumhin ne ham ko sunaya na apna dukh warna
dua wo karte k ham asman hila dete

hamein ye zom raha ab k wo pukarenge
unhen ye zid thi k har bar ham sada dete

wo tera gam tha k tasir mere lahje ki
k jis ko hal sunate use rula dete

tumhen bhulna hi awwal to dastaras mein nahin
jo ikhtiyar bhi hota to kya bhula dete

tumhari yad ne koi jawab hi na diya
mere khayal k ansu rahe sada dete

samton ko main ta-umr kosta Syed
wo kuch na kahte magar honth to hila dete

mirzakamran · #3 (**permalink**) 12-12-2007, 02:55 AM

very nice choice bhai is ki kafi poetry achi hain thanQ

Khu$h! · #4 (**permalink**) 22-12-2007, 06:31 AM

Wahh
bOhet KhOob
Zabardast Intekhab e Ghazal
Har Shair Umda

fairnas · #5 (**permalink**) 22-12-2007, 07:19 AM

Quote:

Originally Posted by Afsana

Wahh
bOhet KhOob
Zabardast Intekhab e Ghazal
Har Shair Umda

thanx afshi

Khu$h! · #6 (**permalink**) 22-12-2007, 07:25 AM

Quote:

Originally Posted by fairnas

thanx afshi

ur welcum

fairnas · #7 (**permalink**) 22-12-2007, 07:31 AM

Aaj yun mausam ne dee jashn-e-muhabbat ki khabar
Phoot ker rone lage hain mai muhabbat aur tum

Hum ney joon hi ker liya mehsoos manzil hai qareeb
Raastey khone lage hain mai muhabbat aur tum

Chaand ki kirno ne humko is tarah bosa diya
Devta hone lage hain mai muhabbat aur tum

Aaj phir mehroomiyon ki daastane orh ker
Khak mai sone lage hain mai muhabbat aur tum

Kho gaye andaaz bhi awaz bhi alfaz bhi
Khamshi dhone lage hain mai muhabbat aur tum

fairnas · #8 (**permalink**) 22-12-2007, 07:33 AM

Kis qadar zulm dhaya kertey ho
Yeh jo tum bhool jaya kerte ho

Kis ka ab haath rakh ke seene per
Dil ki dhadhkan sunaya kerte ho

Hum jahan chaye peene jate thay
Kia wahan ab bhi aaya kerte ho

Kon hai ab ke jis ke chehre per
Apni palkon ka saaya kerte ho

Kiun mere dil mai rakh nahee dete
Kis liye gham uthaya kerte ho

Phone per geet jo sunate thay
Ab wo kis ko sunaya kerte ho

Akhiri khat mai usney likha tha
Tum mujhe yaad aaya kerte ho

Khu$h! · #9 (**permalink**) 28-01-2008, 09:03 PM

Yeh kaamyabiyan izzat yeh naam tum se hai
Khuda ne jo bhi diya hai maqam tum se hai

Tumhare dam se hain mere lahoo mai khilte gulaab
Mere wujood ka saara nizam tum se hai

Kahan bisaat-e-jahan aur mai kamsin aur nadaan
Yeh meri jeet ka sab ahtemam tum se hai

Jahan jahan hai meri dushmani sabab mai hoon
Jahan jahan hai mera ahteraam tum se hai

Khu$h! · #10 (**permalink**) 28-01-2008, 09:04 PM

Sumandar mein uturta hoon tu aankhein bheeg jaati hain
Teri aankhon ko parhta hoon tu aankhein bheeg jati hain
Tumhara naam likhney ki ijaazat chin gai jub se
Koi bhi lafz likhta hoon tu aankhein bheeg jati hain
Naa jaaney ho gaya iss qadar hassaas mein kub se
Kissi se baat karta hoon tu aankhein bheeg jati hai
Woh sub guzrey huey lumhaat mujhko yaad atey hain
Tumharey khut jo parhta hoon tu aankhein bheeg jaati hain
Mein saara din buhut masroof rehta hoon magar joonhi !!
Qadam chaukhut pe rakhta hoon tu aankhein bheeg jaati hain
Hazaaron mausumon ki hukmaraani hai merey dil pur
Wasi mein jub bhi hansta hoon tu aankhein bheeg jaati hain

Khu$h! · #11 (**permalink**) 28-01-2008, 09:04 PM

Tum meri ankh k tewar na bhula paoge
Ankahi bat ko samjhoge to yad aunga

Ham ne khushyon ki tarah dukh bhi ikathe dekhe
Safah-e-zist ko paltoge to yad aunga

Isi andaz mein hote the mukhatib mujh se
Khat kisi aur ko likhoge to yad aunga

Sard raton k mahkate hue sannaton mein
Jab kisi phul ko chumoge to yad aunga

Ab tere ashk main honthon se chura leta hun
Hath se khud inhen ponchoge to yad aunga

Shal pahnayega ab kaun decembar mein tumhen
Barishon mein kabhi bhigo ge to yad aunga

Aj tum mahfil-e-yaran pe ho magrur bahut
Jab kabhi tut k bikhroge to yad aunga

Hadse ayenge jiwan mein to tum ho k nidhal
Kisi diwar ko thamoge to yad aunga

Is mein shamil hai meri bakht ki tariki bhi
Tum siyah rang jo pahnoge to yad aunga

Khu$h! · #12 (**permalink**) 28-01-2008, 09:05 PM

tu ba.De pyaar se ba.De chaao se ba.De aramaan ke saath
apani naazuk si kalaai main cha.Dhaatii mujh ko
aur betaabi se furqat ke KhizaaN lamhon mein
tu kisi soch mein Dubi jo ghumaati mujh ko
main tere hath ki Khushbu se mahak sa jata
jab kabhi mooD mein aa kar mujhe chuma karati
tere honton ki shiddat se main dahak sa jata

raat ko jab bhi tu nindon ke safar par jati
marmari haath ka ik takiyaa banaya karti
main tere kaan se lag kar kai baten karta
teri zulfon ko tere gaal ko chuma karata
jab bhi tu band qaba kholane lagati jana
apani aaNkhon ko tere husn se khera karta
mujh ko betaab saa rakhta teri chahat ka nasha
main teri ruuh ke gulashan mein mahkata rahta
main tere jism ke aaNgan mein khanaktaa rahta
kuch nahin to yahi benam saa bandhan hotaa

kaash main tere hasin haath kaa kangan hotaa

Khu$h! · #13 (**permalink**) 28-01-2008, 09:05 PM

Ab jo bichray hain toh ehsaas hua hai hum ko
Dard kya hotah hai tanhai kisay kehtay hain
Char so gunjti ruswai kisay kehtay hain
Ab jo bichray ko ehsaas hua hai hum ko

Koi lamha ho tere yaad mai kho jatay hain
Ab toh khud ko bhe muyassar nahi aaa patay hain
Raat ho din ho tere pyar mai hum behtay hain

Dard kya hotah hai tanhai kisay kehtay hain
Ab jo bichray hain toh ehsaas hua hai hum ko

Woh jo ghum aye usay dil pay saha kertey thay
aik saith hum mil ker raha kertey thay
Ab akelay he zamanay ke sitam sehtay hain

Dard kya hotah hai tanhai kisay kehtay hain
Ab Jo bichray toh ehsaas hua hai hum ko

Hum Nay khud apni rahon mai bichaye kantay
Gher mai phoolon ke jagah la ker sajaye kantay
Zakham iss dil mai basaye howe khud rehtay hain

Yun toh duniya ki har cheez haseen hoti hai
Pyar say maghar kuch bhe nahi hoti hai
Rastah rok kay har aik say yehi kehtay hain

Ab jo bichray hain toh ehsaas hua hai hum ko
Dard kya hotah hai tanhai kisay kehtay hain
Char so gunjti ruswai kisay kehtay hain
Ab jo bichray ko ehsaas hua hai hum ko

Khu$h! · #14 (**permalink**) 28-01-2008, 09:06 PM

tere firaaq k lamhay shumar kartay hovay
bikhar chalay hai tera intizzar kartay hovay ..

main bhi khush hoon koi ja kar usay yeh keh dain
aghar wo khush hai mujhy beqarar kartay hovay ,,..

main muskurata hova aiyenay main ubhronga
wo ro paray gi achanak singar kartay hovay ... !!

Khu$h! · #15 (**permalink**) 28-01-2008, 09:06 PM

Yeh kaamyabiyan izzat yeh naam tum se hai
Khuda ne jo bhi diya hai maqam tum se hai

Tumhare dam se hain mere lahoo mai khilte gulaab
Mere wujood ka saara nizam tum se hai

Kahan bisaat-e-jahan aur mai kamsin aur nadaan
Yeh meri jeet ka sab ahtemam tum se hai

Jahan jahan hai meri dushmani sabab mai hoon
Jahan jahan hai mera ahteraam tum se hai

Khu$h! · #16 (**permalink**) 28-01-2008, 09:07 PM

TAIRAY FIRAK K LAMHAY SHUMAR KRTAY HUAY
BIKHER CHALAY HAIN TAIRA INTEZAAR KRTAY HUAY

TO MAIN BHI KHUSH HUN KOI US SE JA K KH DAINA
AGAR WO KHUSH HAI MUJHE BEQARAR KRTAY HUAY

TUMHAIN KHABAR HI NAHIN HAI K KOI TOOT GAYA
MAHABATON KO BOHAT PAIDAR KRTAY HUAY

MAIN MUSKURATA HUA AAINAY MAIN UBHROON GA
WO RO PRAY GI ACHANAK SINGHAAR KRTAY HUAY

MUJHAY KHABAR THI K AB LAUT KR NA AAONGA
SO TUJHKO YAD KIYA DIL PE WAR KRTAY HUAY

WO KH RAHI THI K SAMANDAR NAHIN HAIN ANKHAIN HAIN
MAIN UN MAIN DOOB GAYA AITBAAR KRTAY HUAY

BHANWAR JO MUJH MAIN PRAY HAIN WO MAIN HI JANTA HUN
TUMHARAY HIJR K DARYA KO PAAR KRTAY HUAY"

Khu$h! · #17 (**permalink**) 28-01-2008, 09:08 PM

Kissi Ki Ankh Se Sapney Chura Ker Kuch Nahi Milta
Mandeiron Se Chiraaghon Ko Bhuja Ker Kuch Nahi Milta

Koi Ik Adha Sapna Ho Tou Ho , Acha Bhi Lagta Hai
Hazaron Khawb Ankhon Mein Saja Ker Kuch Nahi Milta

Sakoon Unko Nahi Milta Kabhi Pardes Bhi Ker
Jinhen Apne Watan Se Dil Laga Ker Kuch Nahi Milta

Issay Kehna Ke Palkon Per Na Tanke Khawbon Ke Jhalar
Samandar Ke Kinare Ghar Bana Ker Kuch Nahi Milta

Yeh Acha Hai Ke Apas Ke Bharam Na Tootne Payen
Kabhi Kabhi Doston Ko Azma Ker Kuch Nahi Milta

Mujhe Aksar Sitaron Se Yehi Awaaz Aati Hai
Kissi Ke Hijr Mein Neendein Ga’nwa Ker Kuch Nahi Milta

Jigar Ho Jayega Chalni Yeh Ankhein Khoon Royengi
Wasi Be Faiz Logon Se Nibha Ker Kuch Nahi Milta

fairnas · #18 (**permalink**) 30-01-2008, 07:30 AM

Quote:

Originally Posted by Afsana

tere firaaq k lamhay shumar kartay hovay
bikhar chalay hai tera intizzar kartay hovay ..

main bhi khush hoon koi ja kar usay yeh keh dain
aghar wo khush hai mujhy beqarar kartay hovay ,,..

main muskurata hova aiyenay main ubhronga
wo ro paray gi achanak singar kartay hovay ... !!

main muskurata hova aiyenay main ubhronga
wo ro paray gi achanak singar kartay hovay ... !!

kya baaat hai

Khu$h! · #19 (**permalink**) 31-01-2008, 02:44 AM

Quote:

Originally Posted by fairnas

main muskurata hova aiyenay main ubhronga
wo ro paray gi achanak singar kartay hovay ... !!

kya baaat hai

kya baat hai..........

fairnas · #20 (**permalink**) 31-01-2008, 03:12 AM

Quote:

Originally Posted by Afsana

Tum meri ankh k tewar na bhula paoge
Ankahi bat ko samjhoge to yad aunga

Ham ne khushyon ki tarah dukh bhi ikathe dekhe
Safah-e-zist ko paltoge to yad aunga

Isi andaz mein hote the mukhatib mujh se
Khat kisi aur ko likhoge to yad aunga

Sard raton k mahkate hue sannaton mein
Jab kisi phul ko chumoge to yad aunga

Ab tere ashk main honthon se chura leta hun
Hath se khud inhen ponchoge to yad aunga

Shal pahnayega ab kaun decembar mein tumhen
Barishon mein kabhi bhigo ge to yad aunga

Aj tum mahfil-e-yaran pe ho magrur bahut
Jab kabhi tut k bikhroge to yad aunga

Hadse ayenge jiwan mein to tum ho k nidhal
Kisi diwar ko thamoge to yad aunga

Is mein shamil hai meri bakht ki tariki bhi
Tum siyah rang jo pahnoge to yad aunga

Is mein shamil hai meri bakht ki tariki bhi
Tum siyah rang jo pahnoge to yad aunga
kya baaat hai ,,,,,,,,,zabae10