~*~Aitbar Sajid~*~

t3xPeRt · #1 (**permalink**) 26-09-2007, 12:41 PM

Tujhe BhooL Tou Jata Main Magar.......
Tujhey Main Bhool to Jata
Magar Terey Taluq se
Jo Chehrey Saamney Aaye
Jo rastey Saamney Aaye
Jo Lamhey Saamney Aaye
Jo Rishtey Saamney Aaye
Unhein Kaise Bhulata Main
Tujhey Kaise Bhualata Main ?

t3xPeRt · #2 (**permalink**) 26-09-2007, 12:42 PM

baton baton main bicharrne ka ishara kar ke
khud bhi roya vo bohat hum se kinara kar ke

sochta rehta hoon tanhaii main anjaam-e-khaloos
phir ussi jurm-e-muhabbat ko dobaara kar ke

jagmaga dii hain teray shehar ki galaiyaan maine
apne her ashk ko palkon peh sitaara kar ke

dekh laitay hain chalo housla apnay dil kaa
aur kuch roz tere saath guzara kar ke

aik hi shehar main rehna hai magar milna nahin
dekhte hain yeh azziat bhi gawaara kar ke

t3xPeRt · #3 (**permalink**) 26-09-2007, 12:42 PM

jo khayaal thay na qayaas thay wohi log mujh se bicharr ga_A
jo mohabbaton ki assaas thay wohi log mujh se bicharr ga_A

jinhain maanta hi nahien yeh dil wohi log meray hain humsafer
mujhay har tareh se jo raas thay wohi log mujh se bicharr ga_A

mujhay lamha bhar ki rafaaqaton ke saraab oor sataain gay
meri umer bhar ki jo piyaas thay wohi log mujh se bicharr ga_A

yeh khayaal saaray hain aarzi yeh gulaab saaray hain kaaghazi
gulay aarzoo ki jo baas thay wohi log mujh se bicharr ga_A

jinhain kar saka na qabool main woh shareek raahay safer hu_A
jo meri talab meri aas thay wohi log mujh se bicharr ga_A

meri dharrkanon ke kareeb thay meri chaah thay mera khawaab thay
woh jo roz shab meray paas thay wohi log mujh se bicharr ga_A

t3xPeRt · #4 (**permalink**) 26-09-2007, 12:42 PM

abhi tuk saada rakha hay chaahat ka kaaghaz
munaasib jub bhi samjhain gay koe paighaam likh dain gay
koe paighaam kiya likhna ek chotay say kaaghaz par
jisay hum chaahtay hain bus usi ka naam likh dain gay

t3xPeRt · #5 (**permalink**) 26-09-2007, 12:43 PM

Us Ne Kaha Ke Ishq Ka Nasha Utar Gaya...
Mein Ne Kaha Husn Bhi Tum Se Mukar Gaya...

Us Ne Kaha Ke Tujh Ko Deelani Hein Choriyaan...
Mein Ne Kaha Ke Aab Woh Zamana Guzar Gaya...

Us Ne Kaha Ke Kya Howi Kajal Ki Dhaar Si...
Mein Ne Kaha Ke Aankh Se Darya Guzar Gaya...

Us Ne Kaha Ke Yeh Teri Chiryoon* Se Dosti...
Mein Ne Kaha Ke Dil Mera Duniya Se Bhar Gaya...

Us Ne Kaha Ke Kya Mila Sab Se Big'aar Ke...
Mein Ne Kaha Ke Waqt To Aacha Guzar Gaya...

Us Ne Kaha Ke Khwab Mein Aane Ka Waqt Do...
Mein Ne Kaha Ke Neend Ka Mosaam Guzar Gaya...

Us Ne Kaha Ke Woh Tere Suraj Ka Kya Bana...
Mein Ne Kaha Ke Woh Mere Dil Mein Utar Gaya...

Us Ne Kaha Ke Woh Nahi Dega Tumhara Saath...
Mein Ne Kaha Ke Woh Chalo Wada To Kar Gaya...

Akhir Ko Tang Aake Kahi Us Ne Itni Baat...
Woh Tum Kahan Gai Woh Zamana Kidhar Gaya...

t3xPeRt · #6 (**permalink**) 26-09-2007, 12:43 PM

Us simt chalay ho to bas itna use kehna
Ab koi nahi hurf-e-tamanna use kehna

Us ne hee kaha tha to yakeen mein ne kiya tha
Umeed pe kaayeem hai yeh duniya use kehna

Duniya to kisi haal mein jeene nahi deite
Chahat nahi hoty kabhi ruswa use kehna

Zarkhez zameenein kabhi banjar nahi hotien
Darya hee badal leite hain rasta use kehna

Who meri rasaayi mein nahi hai tow ajab kia
Hasrat bhi to hai ishq ka lehja use kehna

Us samt chalay ho to bas itna use kehna!!!

Kuch log safar kae lie mozoo nahi hote
Kuch raste kat-tae nahi tanha ........Use Kehna.

t3xPeRt · #7 (**permalink**) 26-09-2007, 12:44 PM

jo mera or tumhara waqt guzra hansne rone me
use poori tarah se tum bhulado phir chale jana
ye sare perh podhe tum bin ek rut jage hue
tum aake ek baar inko sulado phir chale jana
kisi ko chahne ka aur kisi se chahe jane ka
jo hai ehsaas tum usko bhulado phir chale jana

wo jo ek lafz-e-ulfat hai, juda hai apne maane se
bus in alfaz-o-maane ko mitado phir chale jana

jane kyun hai, lekin dekhne ki tum ko aadat hai
meri ye be-wajah aadat churha do phir chale jana
mere in roz-o-shab ka ek fakat unwaan bas tum ho
mujhe tum doosra unwaan laado phir chale jana!!!

t3xPeRt · #8 (**permalink**) 26-09-2007, 12:44 PM

Aisa nahe kay tujh se MUHABBAT nahe humain
GHUM rooz rooz sehnay ke aadat nahe humain

Her baar tere samnay ser ko jhuka liyaa
Aur phir bhi dekh tujh se shikayat nahe humain

Tu ye aitebaat ker kay tujhay chahtay hain hum
Tere siwaa kisi ke bhi chahat nahe humain

Hum jantay hain tu bhi hai TANHA humaray bin
Auron se pochnay ke zaroraat nahe humain

Tu QATL bhi karay ga to aayengay tere paas
Daikh tere baghair rehnay ke aadat nahe humain...!!

t3xPeRt · #9 (**permalink**) 26-09-2007, 12:45 PM

Kabhi nazrain milanay main zamanay beet jatay hain

Kabhi nazrain churanay main zamanay beet jatay hain

Kisi nay aankh bhi kholi to soonay ke nagrii main

Kisi ko gher bananay main zamanay beet jatay hain

Kabhi kaali siyah raatain humain ek pal ke lagti hain

Kabhi ek pal bitanay main zamanay beet jatay hain...!!

t3xPeRt · #10 (**permalink**) 26-09-2007, 12:45 PM

Kaha us nay bharosa dil pe itna nahe kertay
Kaha main nay MUHABBAT main kabhi socha nahe kertay
Kaha us nay bohat khush rung dunya k nazaray hain
Kaha main nay jab tum ho to hum kuch dekha nahe kertay
Kaha us nay main tum se door hon leken tumhara hon
Kaha main nay sapnay dil ko behlaya nahe kertay
Kaha us nay tumhari chahat tumhain ruswaiyan dein gi
Kaha main nay shohrat say ghabraya nahe kertay
Kaha us nay samajh jao samajh jao aay mere jaaan
Kaha main nay kay dewanay ko samjhaya nahe kertay....!!

t3xPeRt · #11 (**permalink**) 26-09-2007, 12:45 PM

Meray dard mera asasa hain
Meray khawb mera dilasa hain

Teri yaad ko, Tujhay zindaghee se mita dia

Mera kuchh tou khiaal kar
Mujay is tarah se na yaad kar

Mujhay apnay gham tou sehnay day
Meri rooh tou meray paas rehnay day
Teray paas reh ke sakoon tha
Mera ishq, mera janoon tha

Meri aaas meri piyaas rahi
Toa door reh ka bhi paas rahi

Teri wafa ney sub kuchh jala dia
Teri khamshee ney mera khoon baha dia

Isee aaas main mujhay jeenay day
Meri rooh tou meray paas rehnay day

Soach kar abh tujh ko jeeta hoon main
Apni tanhai ke zehr peeta hoon main

Mujay mout nay bhi bhula dia
Teri wafa ney mujhay yeh sila dia

Main tujhay bhool jana chahta hoon
Main apni zindagi jeena chahta hoon

Meri wafa ko aansooon main hee behnay day
Meri rooh tou meray paas rehnay day ........

t3xPeRt · #12 (**permalink**) 26-09-2007, 12:46 PM

jab koi sanihaa,
zindagi kay darechay kholay,,
jab koi hadsa,,
sham-e-gham k bujhay khado khal ko mukamal keray,,
ek pal
beetay lamho ka gham,,
bhol jaya keroo,
meri khatir sahii
"muskuraya kero"

t3xPeRt · #13 (**permalink**) 26-09-2007, 12:48 PM

"Zindagee ki rahoon main..
Barha ye dekha hai..
Sirf sun nahi rakha..
Khud bhi azmaya hai..
Tajurbon se saabit haii..
Jo bhi perhtay aaye hain..
Us ko theek paya hai...
Is tarha ki baton say..
Manzilon sey pehley hii,
Sath *****h jatay hain..
Log rooth jatay hain…
Yeh tumhain bata doon main,
Chahtoon key rishtey main..
Phir girah nahi lagti,
Lag bhi jaye to un main.
Woh kashish nahi hoti..
Ek pheeka pheeka sa..
Rabta to..hota hai..
Rooh key taluk main Tazgee nahi rehte…
Zindagee nahi rehti,
Baat who nahi bantee,
Dostee nahi rehtee,
Lakh baar mil ker bhi..
Dil kabhi nahi miltay,
Zehn key jharokon main..
Yaad key dareechon main..
Titliyoon kay Rangoon main..
Phool phir nahi khiltey…
Is liye main kehta hoon..

Is terha ki baton main..
“EHTYAT KERTY HAIN”
Is terha ki baton sey……….
“IJTANAB KERTY HAIN”!”

t3xPeRt · #14 (**permalink**) 26-09-2007, 12:48 PM

Woh dil ka bura, na bewafa tha
Bus,mujh say yoonhi bicharr gaya tha

Lafzoon ki hadoon say mawara tha
Aab kis say kahoon woh shakhs kaha tha?

Woh meree ghazal ka aaeina tha
Her shakhs yeh baat janta tha

Her simat ussi ka tazkara tha
Her dil main woh jaisay bus raha tha

Mein uss ki ana ka aasara tha
Woh mujh say kabhi na roothta tha

Mein dhoop k bun main jal raha tha
Woh saya-abr ban gaya tha

Mein banjh rutoon ka aashana tha
Woh mosam-e-gul ka zaiqa tha

Ek bar bicharr kay jab mila tha
Woh mujh say lipatt kay ro pada tha

Kia kuch na ussay kaha gaya tha?
Uss nay to laboon ko see liya tha

Woh chand ka hamsfer tha shayed
Ratoon ko tamam jagta tha

Hontoon main guloon ki naram khushboo
Batoon main to shehad gholta tha

Kehnay ko juda tha mujh say lekin
Woh meree ragoon main gonjata tha

Uss nay jo kaha, kiya woh dil nay
Inkar ka kis main hosala tha

Yoon dil main thi yaad uss ki jaisay
Masjid main charragh jal raha tha

Mat pooch hijab k qareenay
Woh mujh say bhi kam hee khul saka tha

Uss din mera dil bhi tha paresha'n
Woh bhi meray dil say kuch khafa tha

Mein bhi tha dara howa sa lekin
Rang uss ka bhi kuch udda udda tha

Ek khof sa hijar ki rutoon ka
Dono pay muheet ho chala tha

Ek rah say mein bhi tha gurezaa'n
Ek mod pay woh bhi ruk gaya tha

Ek pal main jhapak gaein jo aankhein
Manzer he nazer main dosara tha

Socha to theher gaey zamanay
Dekha to woh door ja chuka tha

Qadmoon say zamee'n sirak gaee thi
Soraj ka bhi rang sanwala tha

Chaltay howay log ruk gay thay
Thehra howa sheher ghoomata tha

Sehmay howay paid kanpatay thay
Patoon main heeras reengata tha

Rakhta tha mein jis main khawab apnay
Woh kanch ka ghar chatakh gaya tha

Hum donoo ka dukh tha aik jaisa
Ehsas mager juda juda tha

Kal shab woh mila tha dostoo'n ko
Kehtay hain uddas lag raha tha

Mohsin Yeh Ghazal Keh Rahi Hai
Shayed tera dil dukh howa tha

t3xPeRt · #15 (**permalink**) 26-09-2007, 12:48 PM

Mere hum safar mere hum nasheen
Me ne Rab se manga to kuch nahi
Me ne jab bhi mangi koi duaa
Nahi manga kuch b “Tere Siwa”
Ye talab kia k mere Khuda!
Sabhi rahtein
Sabhi chahtein
Wo atta kare tujhe manzilen
Ye talab kia k mere Khuda!
Tujhe bakht de
Tujhe taaj de
Tujhe takht de
Mere hum safar
Mere chara gar
Ye hai dosti ka kathin safar
Mere sath chalna zara soch kar
Zara dekh to mera hosla
Mere pas jo bhi wo hai tera
Nahi aur kuch b tere siwa
Meri dosti
Meri zindagi
Meri khamoshi
Meri be basi
Mera ilm bhi
Mera naam bhi
K meri subah
Meri shaam bhi
K jo mil sakein mere daam bhi
Wo sabhi kuch tujhe atta kare
Mere chara gar tu yakin to kar
Mujhe mangna to na aa saka
Me ne phir bhi mangi yehi dua
K gawahi de ga mera Khuda
Me ne jab bhi us se talab kia
Nahi manga kuch bhi “Tere Siwa”

t3xPeRt · #16 (**permalink**) 26-09-2007, 12:49 PM

AASMAAN SEY INAAYAETIN NA TUJHEY MILEIN NA MUJHEY MILEIN
mohabbatoN sey raahateiN na tujhey mileiN na mujhey mileiN

hameiN aashiqi meiN sach mila hameiN zindagi meiN sab mila
magar be'wafaai ki aadateiN na tujhey mileiN na mujhey mileiN

udhar tu duwa meiN laga raha idhar meiN duwa meiN laga raha
par mannatoN sey haajateiN na tujhey mileiN na mujhey mileiN

thi aarzu kabhi saahiloN pe terey saath saath hum chal sakeiN
par samandaroN sey ijazateiN na tujhey mileiN na mujhey mileiN

jis zindagi ki khaahishoN meiN so rat'jagoN meiN sajood keeye
us zindagi ki bashaarateiN na tujhey mileiN na mujhey mileiN

hasratoN ke deeyoN ko aag kabhi tu ney di kabhi meiN ney di
magar roshni ki alaamateiN na tujhey mileiN na mujhey mileiN

na to terey dard rukey kaheeN na merey zakhm bharey kabhi
sabar-o-shukar ki haalateiN na tujhey mileiN na mujhey mileiN

t3xPeRt · #17 (**permalink**) 26-09-2007, 12:54 PM

Kuch Roz Bohat Dil Tarpey Ga
Kuch Roz Rahein Gi Nam Aankhein
Kuch Roz rahey Gi Bechaini
Kuch Roz Yeh Seena Sulgey Ga
Pani Mein Safeena Sulgey Ga
Rafta Rafta .........
Dheerey Dheerey .......
Phir Haalat Hij'r Gazeeda ki
Ik Roz Sanbhal hi Jaye gi
Ik Zakh'm Bharey ga Chahat ka
Ik Dard Thamey Ga Shiddat ka
Ik Diya Bujhey Ga Qurbat ka

Lakin Kya Aisa Mumkin Hai ?
Tum Khud Socho
Kya Yeh Namumkin, Mumkin Hai ?
Tum Khud Socho !

blade · #18 (**permalink**) 27-09-2007, 11:22 AM

aoa

have this one...

w/s

Nain

Khu$h! · #19 (**permalink**) 03-10-2007, 03:21 AM

Quote:

Originally Posted by blade

aoa

have this one...

w/s

Nain

berrry berrry nice

Khu$h! · #20 (**permalink**) 03-10-2007, 03:22 AM

Quote:

Originally Posted by Texpert Appii

Kuch Roz Bohat Dil Tarpey Ga
Kuch Roz Rahein Gi Nam Aankhein
Kuch Roz rahey Gi Bechaini
Kuch Roz Yeh Seena Sulgey Ga
Pani Mein Safeena Sulgey Ga
Rafta Rafta .........
Dheerey Dheerey .......
Phir Haalat Hij'r Gazeeda ki
Ik Roz Sanbhal hi Jaye gi
Ik Zakh'm Bharey ga Chahat ka
Ik Dard Thamey Ga Shiddat ka
Ik Diya Bujhey Ga Qurbat ka

Lakin Kya Aisa Mumkin Hai ?
Tum Khud Socho
Kya Yeh Namumkin, Mumkin Hai ?
Tum Khud Socho !

Ana ki qaid se nikle muqabla to kare
woh mera saath nibhane ka hosla to kare
kabhi na tootnay wala hisaar ban jaon
woh meri zaat main rehnay ka faisla to kare