Poetry of Dr Bashir Badar

[Khu$h!]

ujale apni yadon ke humare sath rahane do
na jane kis gali main zindagi ki sham ho jaye

koi hath bhi na milaye ga jo gale miloge tapak se
ye naye mizaj ka shahr hai zara fasle se mila karo

koi phool dhoop ki pattiyon men hare riban se bandha hua
ye ghazal ka lahza naya-naya,na kaha hua ,na suna hua

mkaan se kya mujhe lena,mkaan tumko mubarq ho
magar ye ghas wala reshmi qaleen mera hai

kisne jalayin bastiyan, bazar kyon lute
main chand pe gaya tha,mujhe kuchh pata nhin

sar jhukaoge,to patthar devta ho jayega
itna mat chaho use wo bewafa ho jayega

nazar se guftgu, khamosh lub tumhari tarah
ghazal ne sikhe hain andaz sab tumhari tarah

pahali bar nazaron ne chand bolte dekha
hum jawab kya dete,kho gaye sawalon main

aankhon ki kishtiyon men safar kar rahe hain vo
jin doston ne dil ke safine duboye the

[Khu$h!]

Khvaab is aa.Nkho.n se ab ko_ii churaa kar le jaaye
qabr ke suukhe huye phuul uThaa kar le jaaye

mu.ntazir phuul me.n Khushbuu kii tarah huu.N kab se
ko_ii jho.nke.n kii tarah aaye u.Daa kar le jaaye

ye bhii paanii hai magar aa.Nkho.n kaa aisaa paanii
jo hathelii pe rachii meha.ndii u.Daa kar le jaaye

mai.n mohabbat se mahakataa huaa Khat huu.N mujh ko
zindagii apanii kitaabo.n me.n dabaa kar le jaaye

Khaak i.nsaaf hai naabiinaa buto.n ke aage
raat thaalii me.n chiraaGo.n ko sajaa kar le jaaye

[Khu$h!]

sar jhukaoge,to patthar devta ho jayega
itna mat chaho use,vo bevfa ho jayega

hum bhi dariya hain,humen apna hunar maloom hai
jis taraf bhi chal padenge, raasta ho jayega

kitni sachchai se mujhse zindgi ne kah diya
tu nahin mera,to koi doosra ho jayega

main khuda ka nam lekar pee raha hoon dosto
zahr bhi ismen agar hoga,dawa ho jayega

sab usi ke hain,hawa,khushboo,zamino-aasman
main jahan bhi jaoonga,usko pataa ho jayega

[Khu$h!]

socha nahee achcha bura, dekha suna kuch bhee nahee
maangaa khuda se raat din terey siva kuch bhee nahee

socha tujeh, dekha tujeh, chaha tujeh, pooja tujeh
meri khata mei wafa teri khata kuch bhee nahee

jis per hamari aankh ney moti bichaaye raat bhar
bhaija wahee kaghaz use, hamney likha kuch bhee nahee

ek shaam ke dehleez par baithey rahey woh dair tak
aankhon se kiin baateyn bahot monh se kaha kuch bhee nahee

woh char din ki baat hai dil khaak mai so jaiga
jab aag per kaaghaz rakha baqi bacha kuch bhee

[Khu$h!]

log toot jaate hain ek ghar banaane men
tum taras nahin khate bastiyaan jalaane men

aour jaam tootenge is sharaabkhaane men
mosmo ke aane men, mosmo ke jane men

har dharhkate patthar ko log dil samajhte hain
umrren beet jaati hain dil ko dil banaane men

fakhtaa ki majboori thi ye bhi kah nahin sakti
kaun saanp rakhta hai ooske aashiyane men

doosri koi larhaki zindgee men aayegi
kitatnee der lagtee hai oosko bhool jane men

[Khu$h!]

ai husn-e-be-paravaah tujhe shabnam kahuu.N sholaa kahuu.N
phuulo.n me.n bhii shoKhii to hai kisako magar tujh saa kahuu.N


gesuu u.De mahakii fizaa jaduu kare.n aa.Nkhe terii
soyaa huaa ma.nzar kahuu.N yaa.N jaagataa sapanaa kahuu.N


cha.ndaa kii tuu hai chaa.Ndanii laharo.n kii tuu hai raaginii
jaan-e-tamannaa mai.n tujhe kyaa kyaa kahuu.N kyaa na kahuu.N

[Khu$h!]

ghazalon ka hunar apnee aankhon ko sikhaayenge
royenge bahut, lekin aansoo nahin aayenge

kah dena sumander se hum os ke motee hain
dariya ki tarah tujhase milne nahin aayenge

vo dhoop ke chhappar hon ya chhanv ki deevaren
ab jo bhi oothaenge mil-jul ke oothaenge

jab sath na de koi, aavaaz humen dena
hum phool sahee lekin patthar bhi hatayenge

[Khu$h!]

ek cheharaa saath saath rahaa jo milaa nahii.n
kisako talaash karate rahe kuchh pataa nahii.n


shiddat kii dhuup tez havaao.n ke baavajuud
mai.n shaaKh se giraa huu.N nazar se giraa nahii.n


aaKhir Gazal kaa taajamahal bhii hai makabaraa
ham zindagii the hamako kisii ne jiyaa nahii.n


jisakii mukhaalafat hu_ii mashahuur ho gayaa
in pattharo.n se ko_ii pari.ndaa giraa nahii.n


taariikiyo.n me.n aur chamakatii hai dil kii dhuup
suuraj tamaam raat yahaa.n Duubataa nahii.n


kisane jalaa_ii bastiyaa.N baazaar kyo.n luTe
mai.n cha.Nd par gayaa thaa mujhe kuchh pataa nahii.n

[Khu$h!]

khush rahe yaa udaas rahe
zindgi tere aas-paas rahe

wah nahin hai to uski aas rahe
ek jaye, to ek paas rahe

jab bhi kasne lagaa utaar diyaa
is badan par kaee libaas rahe

ghul gaye apnee badnaseebee men
jo sitaare humaare paas rahe

aaj hum sab ke saath khoob hanse
aour fir der tak udaas rahe

[Khu$h!]

Parakhna Matt, Parkhnay Main Koi Apna Nahi Rehta
Kisi Bhi Aainay Main Dair Tak Chahra Nahi Rehta

Baray Loogoun Say Milnay Main Hamaisha Fasila Rakhna
Jahan Darya Samundar Say Milla Darya Nahi Rehta

Tumhara Shaher Too Bilqul Naiy Andaaz Wala Hai
Humaray Shaher Mian Bhee Abh Koi Hum Saa Nahi Rehtaa

Muhabat Aaik Khushboo Hai Hamaisha Saath Chalti Hai
Koi Insaan Tanhai Main Bhee Tanhaa Nahi Rehtaa

Koi Badal Haray Mousam Ka Phir Elaan Karta Hai
Khizaan Kay Bagh Mian Jub Aaik Bhee Pata Nahi Rehtaa

[Khu$h!]

kahaa.N aa.Nsuuo.n kii ye sauGaat hogii
naye log ho.nge na_ii baat hogii

mai.n har haal me.n muskuraataa rahuu.Ngaa
tumhaarii muhabbat agar saath hogii

charaaGo.n ko aa.Nkho.n se mahafuus rakhanaa
ba.Dii duur tak raat hii raat hogii


musaafir hai.n ham bhii musaafir ho tum bhii
kisii mo.D pe phir mulaaqaat hogii

[Khu$h!]

mujhase bichha.D ke Khush rahate ho
merii tarah tum bhii jhuuThe ho

ik Tahanii par chaa.Nd Tikaa thaa
mai.n ye samajhaa tum baiThe ho

ujale ujale phuul khile the
bilkul jaise tum ha.Nste ho

mujh ko shaam bataa detii hai
tum kaise kapa.De pahane ho

tum tanahaa duniyaa se la.Doge
bachcho.n sii baate.n karate ho

[Khu$h!]

muhabbato.n me.n dikhaave kii dostii na milaa
agar gale nahii.n milataa to haath bhii na milaa


gharo.n pe naam the naamo.n ke saath ohade the
bahut talaash kiyaa koii aadamii na milaa


tamaam rishto.n ko mai.n ghar pe chho.D aayaa thaa
phir isake baad mujhe koii ajanabii na milaa


bahut ajiib hai ye qurbato.n kii duurii bhii
vo mere saath rahaa aur mujhe kabhii na milaa


Khudaa kii itanii ba.Dii qaayanaat me.n mai.n ne
bas ek ShaKhs ko maa.Ngaa mujhe vo hii na milaa

[Khu$h!]

agar talaash karuu.N ko_ii mil hii jaayegaa
magar tumhaarii tarah kaun mujhe chaahegaa


tumhe.n zaruur ko_ii chaahato.n se dekhegaa
magar vo aa.Nkhe.n hamaarii kahaa.N se laayegaa


naa jaane kab tere dil par na_ii sii dastak ho
makaan Khaalii huaa hai to ko_ii aayegaa


mai.n apanii raah me.n diivaar ban ke baiThaa huu.N
agar vo aayaa to kis raaste se aayegaa


tumhaare saath ye mausam farishto.n jaisaa hai
tumhaare baad ye mausam bahut sataayegaa

[Khu$h!]

Ret bhari hai in aankhon mai aansoo se tum dho lena
Koi sookha ped mile to us se lipat ker ro lena

Us ke baad bahut tanha ho jaise jungal ka rasta
Jo bhi tum se pyar se bole saath usi ke ho lena

Kuchh to ret ki pyas bujhao janam janam ki pyasi hai
Sahil per chalne se pehle apne paaon bhigo lena

Maine dariya se seekhi hai paani ki parda daari
Ooper ooper hanste rehna gehrai mai ro lena

Rote kiun ho dil walon ki qismat aisi hoti hai
Sari raat yun hi jagoge din nikle to so lena

[Khu$h!]

vhee taaj hai, vahee takht hai,vahee zahr hai,vahee jaam hai
ye vahee khudaa kee zameen hai,ye vahee buoton kaa nizaam hai

barhe shauq se mere ghar jalaa, koee aanch tum pe na aayegee
ye zubaan kisee ne khareed lee,ye qalam kisee kee ghulaam hai

yahaan ek bachche ke khoon se,jo likhaa huaa hai,usse parhen
teraa keertan abhee paap hai,abhee meraa sizdaa haraam hai

main ye maantaa hoon mere deeye,teree aandhiyon ne bujhaa diye
magar ek jugnoo hawaaon mein,abhee roshanee kaa imaam hai

meraa fikr-o-fan teree anjuman kaa urooj thaa,na zavaal hai
mere lab pe teraa hee naam thaa,mere lab pe teraa hee naam hai

[Khu$h!]

Agar yaqeen Nahin Aataa to Aazmaaye mujhey,
Woh Aainaa hai to phir Aainaa dikhaaye mujhey!

Ajab Charagh Hoon, Din Raat Jaltaa Rahta Hoon,
Main Thak Gayaa Hoon, Hawa Se Kaho Bujhaaye Mujhey!

Main Jiski Aankh Ka aansoo thaa,Usney kadr Na ki,
Bikhar Gayaa hoon to ab, Rait Se Uthaye Mujhey!

Bahut Dino se Main In Pattharon mein Patthar Hoon,
Koi To Aaye Zara Der ko Rulaaye Mujhey!

Main Chahtaa Hoon ke Tum Hi Mujhey Ijaazat do,
Tumhaari Tarahaa se Koi Galey lagaaye Mujhey!
- (Dr Basheer Badr)

[Khu$h!]

charagh lay k terey shehar sey guzarna hai
yeh tajarba bhi humain aik baar kerna hai

main woh pahar hun jo cut raha hun pani sey
yeh dil nahi hai merey aansuoun ka jharna hai

merey aziz main utri nadi main kia utroon
mujhay charhay huye derya ko paar kerna hai

bohat jadeed hun lekin yeh mera wirsa hai
usi qadeem gali sey mujhay guzarna hai

tumhain khabar nahi suraj bhi aks hai mera
tamam din ka mujhay intizam kerna hai

woh aik shakhs k jis ko ghazal bhi kehtey hain
usi k naam sey jeena, usi sey merna hai

[Khu$h!]

dil shikasta apnay jaisa yahan koi dafan hai
der tak raat ko roney ki sada aati hai

jaisay chashmay peh nahati hui shehzad-e-khuab
chandni raat ab ashkon main naha jati hai

kia yahan dasht-e-tamanna main koi phool khila
ab idher roz kai baad-e-saba aati hai

kis dastak nay bohat chupkay sey sergoshi ki
chand sey chandni nazdeek hui jati hai

meri aankhon main uter aaye hain kaley badal
jao so jao k mausam bara jazbaati hai

khushk patton ko koi rond raha hai shayed
baal bikhraye huye baad-e-saba aati hai