Poetry of Amjad Islam Amjad

t3xPeRt · #1 (**permalink**) 23-08-2007, 01:50 PM

AOA:

Ik thread add ker rahi hoon.. umeed ehy aap sab ko pasand aay ga

Amjad sb. ko kisi intro ki zaroorat nahi.. is leay bina intro start ker rhai hoon.......

Bheer mein aik ajnabi ka saamna achcha laga
sab se chhup kar woh kisi ka dekhna achcha laga

surmaee aankhon k neechay phool se khilnay lagay
kehtay kehtay kisi ka sochna achcha laga

baat to kuch bhi nahi thi lekin uska aik dumm
haath ko honton pe rakh kar rokna achcha laga

chaaye mein cheeni milana us gharee bhaaya buhat
zer-e-lub woh muskurata "Shukriya" achcha laga

dil mein kitnay ehad bandhay thay bhulanay k usay
woh mila to sab iraday torna achcha laga

us adoye jaan ko Amjad main bura kaisay kahon
jab bhi aya samnay woh bay wafa achcha laga

t3xPeRt · #2 (**permalink**) 23-08-2007, 01:50 PM

Mohabat k mausam
Zamanay k sub mausamon se niralay
Bahar-o-khizan in ki sab se juda
Alag in ka sokha alag hai ghata
Mohabat k khit'tay ki aab-o-hawa
Mawra hai un ansir say jo
Zamanay k taghayyur ki bunyaad hain
Ye zamaan-o-makaan k kam-o-besh se
Aisay aazad hain
Jaisay
Subh-e-azal jaisay shaam-e-fana
Shab-o-roz-e-aalam k ahkaam ko
Ye mohabat k mausam nahi maantay
Zindagi ki musafat k anjaam ko
Ye mohabat k mausam nahi mantay
Rifaqat ki khushboo say khali ho jo
Ye koi aisa manzer nahi dekhtay
Wafa k ilawa kisi kam ko
Ye mohabat k mausam nahi mantay......................!!

Amial Khan · #3 (**permalink**) 25-08-2007, 12:45 AM

Very nice ..................Amjad islam amjad my fav poet :)

Kehnay ko us say mera koi waasta nahi
Amjad magar woh shakhs mujhay bhoolta nahi

Darta hoon aankh kholoon to manzar badal naa jayey
Main jaag to raha hoon magar jaagta nahi

Aashaftagi say uski usay bay wafa naa jaan
Aadat ki baat aur hay dil ka bura nahi

Tanha udaas chaand ko samjho naa bay khabar
Har baat sun raha hay magar bolta nahi

Khamosh ratjagoun ka dhuwaan tha chahar soo
Nikla kub aaftaab mujhay to pata nahi

Amjad woh aankhain jheel see gehri to hain magar
Un main koi bhi aks meray naam ka nahi....

Amial Khan · #4 (**permalink**) 25-08-2007, 12:45 AM

Kisi haath nay kisi looh pay jo nahi likha
Wohi aik hurf-e-guman hain hum
Khat-e-gumshuda main likhi gaiee
Koi ajnabi si zuban hain hum
Kisi aur khita-e-dard par jo guzar gaya
Usi waqt ki tag-o-taaz ka
Koi be nishan sa nishan hain hum
Kabhi apnay wahimay say nikal k dunia ko deakhiea
Tu na khul sakay k kahan hain hum
Meri jaan humari ya dastaan
Isi aasmaan ki chat talay
Isi kahkashaan k darmiyan
Kaiee baar likhi gaiee kaiee bar suni gaiee
Ya hadees nagm-e-bay sada
Kabhi surkh phoolon ki taiz khushboon main ruk gaiee
Kabhi aansoon main rawan hwee
Ya woh shame-e-sham-e-wisal ha
Jo tamaam raat jali kabhi
Kabhi aik pal main dhuwan hwee
Kabhi roshni ka yakeen bani
Kabhi tarige ki gumaan hwee
Tu jo hogaya usay maan lay
K wo daag wo hain jo saath behroon
K panioon say na dhul sakain gain
Hwa k rastay main urnay walay udas lamhay
Na ruk sakay hain na ruk sakain gain
Tu jo hogaya usay maan lay...........!!

Amial Khan · #5 (**permalink**) 25-08-2007, 12:46 AM

Humain aakar mana laina kisi bhi kaam se pehlay
Udasi thehar jati hai tumhare naam se pehlay

Kahan bichra hua koi,safar kay baad milta hai
Humain mil kar hi jana tum safar ki shaam say pehlay

Yahi taarey teri aankhon ki chilman main rehtey thay
Yahi soraj nikalta tha, tumharey baam se pehlay

Meri aankhon ko teri ungliyon kion aram aadat hai
Ye aankhen so he jati theen barey aaram se pehlay

Teri aankhon ko dekha to faqt itna khyaal aaya
Guzara kis tarha jewan saloney jam sey pehlay

Dilon main phool khiltey hain tumharay naam say pehlay
Laho main deep jaltey hain tumharey naam say pehley

Dilon ki jagmagati bastiyan aitraz karti hain
Wohi jo log lagtey hain nihayat aam say pehley

Hua hai wo agar munsif, to Amjad ehtiatan hum
Saza tajweez kartey hain kisi anjam say pehlay ..........!!

muslim · #6 (**permalink**) 07-09-2007, 03:27 PM

baat to kuch bhi nahi thi lekin uska aik dumm
haath ko honton pe rakh kar rokna achcha laga

Khu$h! · #7 (**permalink**) 29-11-2007, 03:52 PM

Mohabbat Tor Sakti Hai

Koi Zanjeer Ho Usko Muhabbat Torr sakti hai
Jidhar Chahe ye Bagein Zindagi ki Morr Sakti hai

Muhabbat Roak Sakti hai Kisi Girtey Sitarey Ko
Kisi Jaltey Shararey Ko , Fana Kay Shuaarey ko

Ye Chalna Choor Aaenay Ki krichein Jorr Sakti hai
Koi Zanjeer Ho, usko Muhabbat Torr sakti hai

Muhabbat Per kisi bhi Rasm ka Pehra nahin chalta
Kisi Aamr ,Kisi Sultan ka Sikka nahin Chalta

Ye her Zandaan Ki Aandhi Salakhein Torr sakti hai
Koi Zanjeer Ho Usko Muhabbat Torr Sakti hai

Ye Jab chahe Kisi Bhi khwab ki Tabeer Mil Jaye
Kisi Rastey mein Raasta Poochti ,Taqdeer Mil jaye

Samey kay Taiz Dharoon ko Ye pichey Chorr Sakti hai
Koi Zanjeer Ho , Uss ko Muhabbat Torr Sakti hai

Khu$h! · #8 (**permalink**) 29-11-2007, 03:52 PM

Apnay ghar ki khirkee se main aasman ko dekhon ga
jis par tera naam likha hai , us taray ko dhoondon ga

tum bhi har shab diya jala kar palkon ki dehleez pe rakhna
main bhi roz aik khwab tumharay shehar ki janib bhaijon ga

hijr k darya main parhna lehron ki tehreerien bhi
pani ki har satar pe main kuch dil ki baatien likhon ga

jis tanha se payre k neechay hum barish mein bheegay thay
tum bhi usko chhoo k guzarna, main bhi us se liptoon ga

khwab musafir lamhon k hain , saath kahan tak jaien gay
tum ne bilkul theek kaha hai , main bhi ab kuch sochon ga

Khu$h! · #9 (**permalink**) 29-11-2007, 03:53 PM

Kahan aakey Ruknay thaay Rastey,Kahan Morr thaa usey Bhool Ja
Vo jo Mil Gaya usey Yaad rakh,Jo nahin mila ,Usey Bhool Ja

Vo Teray Naseeb ki Baarishein kisi Aur chatt pay baras gaein
Dil-e-Bekhabar meri baat Suun,Usey bhool ja ,Usey bhool ja

Mein tou Guum thaa teray he Dihan mein,Teri Aas Teray Guman mein
Saba keh gaye hai Meray Kaan mein,Meray Pass aa usey bhool ja

Kisi aankh mein nahin Ashke gham,Teray baad bhi nahin hai Kamm
Tujhay Zindagi nay Bhula Diya,Tu muskura Usey bhool ja

Na Vo Aankh he teri aankh thee,Na Vo khwab he tera khwab thaa
Dil Muntazir hai tu kis liye Tera jaagna ,Usey bhool ja

Ye Jo Raat Din ka hai Khail sa,Usey daikh kay Uus pay yakeen na ker
Nahin Aks koi bhi Mustakil Sarr-e-Aaena usey bhool ja

Vo Jo Bisat-e-Jaan he ulat gaya ,Vo jo raastey say Palat Gaya
Usey rokney say husuul kiya ,Usey matt Bhula usey Bhool ja

Khu$h! · #10 (**permalink**) 29-11-2007, 03:55 PM

Koi lamha bhi kabhi laut kar nahee aaya
Woh shaks aisa gaya phir nazar nahee aaya

Wafa ke dasht mein raasta nahee mila koi
Siwayye gard-e-safar humsafar nahee aaya

Kisi chiraag ne poochi nahee khabbar meri
Koi bhi phool mere naam per nahee aaya

Pallat ker aane lagay shaam ke parinday bhi
Hamara subha ka bhoola magar nahee aaya

Humein yakeen hai Amjad woh wada khilaaf
Yeh umer kaise kategi agar nahee aaya ...

Khu$h! · #11 (**permalink**) 29-11-2007, 03:57 PM

yahi bahut hai ke dil us ko Dhoondh laya hai
kisi ke saath sahi vo nazar tu aya hai

karoon shikayatien takta rahoon ke pyar karoon
gaye bahar ki soorrat vo laut aya hai

woh samney tha magar ye yaqeen na ata tha
woh app hai ke meri Khahishoon ka saya hai

azab hein ke kaisey hein barishein kya hein
faseel-jism giri jub tu hosh aya hai

main kya karoon gan agar woh na mil saka 'Amjad'
abhi abhi mere dil mein Khayal aya hai

Rider Of Sucess · #12 (**permalink**) 29-11-2007, 03:57 PM

zindagi ke mele mein
Khvahishon ke rele mein
tum se kya kahein jana
is qadar jhamele mein
vaqt ki ravani hai
baKht kii girani hai
saKht bezamini hai
saKht laamakani hai
hijr ke samandar mein
taKht aur taKhte kii
ek hi kahani hai
tum ko jo sunani hai

baat go zara si hai
baat umr bhar ki hai
umr bhar kii baatein kab
do gha.Dii me.n hotii hai.n
dard ke samandar me.n
anginat jaziire.n hai.n
beshumaar motii hai.n
aa.Nkh ke dariiche me.n
tum ne jo sajaayaa thaa
baat us diye kii hai
baat us gile kii hai
jo lahuu kii Khilvat me.n
chor ban ke aataa hai
lafz ke fasiilo.n par
TuuT TuuT jaataa hai

zindagii se lambii hai
baat rat_jage kii hai
raaste me.n kaise ho
baat taKhaliye kii hai
taKhaliye kii baato.n me.n
guftaguu izaafii hai
pyaar karane vaalo.n ko
ik nigaah kaafii hai
ho sake to sun jaao
ek din akele me.n
tum se kyaa kahe.n jaanaa.N
is qadar jhamele me.n

fairnas · #13 (**permalink**) 22-12-2007, 07:25 AM

aaNkhoN kaa rang, baat kaa lahjaa badal gayaa
vo shaKhs ek shaam meN kitnaa badal gayaa !

kuch din to meraa aks rahaa aaiine pe naqsh
phir yuN hu’aa ke Khud meraa chehraa badal gayaa

jab apne apne haal pe ham tum na rah sake
to kyaa hu’aa jo hamse zamaanaa badal gayaa

qadmoN tale jo ret bichii thii vo chal paRii
us ne chuRaayaa haath to sehraa badal gayaa

ko’ii bhii chiiz apnii jagah par nahiiN rahii
jaate hi ek shaKhs ke, kyaa kyaa badal gayaa !

ek sar-khushii kii mauj ne kaisaa kiyaa kamaal
vo be-niyaaz, saare kaa saaraa badal gayaa

uThTh kar chalaa gayaa ko’ii vaqfe ke darmiyaaN
pardaa uThThaa to saaraa tamaashaa badal gayaa

hairat se saare lafz use dekhte rahe
baatoN meN apnii baat ko kaisaa badal gayaa

kahne ko ek seh’n meN diivaar hii banii
ghar kii fizaa, makaaN kaa naqshaa badal gayaa

shaayed vafaa ke khel se uktaa gayaa thaa vo
manzil ke paas aa ke jo rastaa badal gayaa

qaayem kisii bhii haal pe duniyaa nahiiN rahii
taa’biir kho gayii, kabhii sapnaa badal gayaa

manzar kaa rang asl meN saayaa thaa rang kaa
jis ne use jidhar se bhii dekhaa badal gayaa

andar ke mausamoN kii Khabar us kii ho gayii
us nau-bahaar-e-naaz kaa chehraa badal gayaa

aaNkhoN meN jitne ashq the jugnuu se ban gaye
vo muskuraayaa aur merii duniyaa badal gayaa

apnii galii meN apnaa hii ghar dhhuNdhtee haiN log
“Amjad” ye kaun shah’r kaa naqshaa badal gayaa

Khu$h! · #14 (**permalink**) 22-12-2007, 07:27 AM

Quote:

Originally Posted by fairnas

aaNkhoN kaa rang, baat kaa lahjaa badal gayaa
vo shaKhs ek shaam meN kitnaa badal gayaa !

kuch din to meraa aks rahaa aaiine pe naqsh
phir yuN hu’aa ke Khud meraa chehraa badal gayaa

jab apne apne haal pe ham tum na rah sake
to kyaa hu’aa jo hamse zamaanaa badal gayaa

qadmoN tale jo ret bichii thii vo chal paRii
us ne chuRaayaa haath to sehraa badal gayaa

ko’ii bhii chiiz apnii jagah par nahiiN rahii
jaate hi ek shaKhs ke, kyaa kyaa badal gayaa !

ek sar-khushii kii mauj ne kaisaa kiyaa kamaal
vo be-niyaaz, saare kaa saaraa badal gayaa

uThTh kar chalaa gayaa ko’ii vaqfe ke darmiyaaN
pardaa uThThaa to saaraa tamaashaa badal gayaa

hairat se saare lafz use dekhte rahe
baatoN meN apnii baat ko kaisaa badal gayaa

kahne ko ek seh’n meN diivaar hii banii
ghar kii fizaa, makaaN kaa naqshaa badal gayaa

shaayed vafaa ke khel se uktaa gayaa thaa vo
manzil ke paas aa ke jo rastaa badal gayaa

qaayem kisii bhii haal pe duniyaa nahiiN rahii
taa’biir kho gayii, kabhii sapnaa badal gayaa

manzar kaa rang asl meN saayaa thaa rang kaa
jis ne use jidhar se bhii dekhaa badal gayaa

andar ke mausamoN kii Khabar us kii ho gayii
us nau-bahaar-e-naaz kaa chehraa badal gayaa

aaNkhoN meN jitne ashq the jugnuu se ban gaye
vo muskuraayaa aur merii duniyaa badal gayaa

apnii galii meN apnaa hii ghar dhhuNdhtee haiN log
“Amjad” ye kaun shah’r kaa naqshaa badal gayaa

fantasticcccccccccc

Arain.faizan · #15 (**permalink**) 25-05-2008, 04:48 AM

Khud apne liye baith k sochenge kisi din
yun hai k tujhe bhul k dekhenge kisi din

bhatake hue phirte hain kai lafz jo dil main
duniya ne diya vaqt to likkhenge kisi din

hil jayenge ik bar to arshon k dar-o-bam
ye khaknashin log jo bolenge kisi din

apas ki kisi bat ka milta hi nahi vaqt
har bat ye kahae hain k baithenge kisi din

ai jan teri yad k be-nam parinde
shakhon pe mere dard ki utrenge kisi din

jati hai kisi jhil ki gahrai kahan tak
ankhon main teri dub k dekhenge kisi din

khushbu se bhari sham main jugnu k qalam se
ik nazm tere vaste likkhenge kisi din

soyenge teri ankh ki khlvat main kisi rat
saye main teri zulf k jagenge kisi din

khushbu ki tarah ,asl-e-saba khak numa se
galiyon se tere shahar ki guzrenge kisi din

'Amjad' hai yahi ab k kafan bandh k sar se
us shahar-e-sitamgar main jayenge kisi din

Arain.faizan · #16 (**permalink**) 25-05-2008, 04:51 AM

MOHOBBAT

Mohobbat oas ki surat!
piyasi pankhari ke hont ko sairab kerti hai
gulon ki aastinon main anokhay rung bharti hai
seher ke jhutputay main, gungunati, muskurati, jagmagati hai
mohobbat ke dinon main dasht bhi mehsoos hota hai
kisi firdous ki surat
mohobbt oas ki surat
Mohobbat abr ki surat!
dilon ki sar-zameen per ghir ke aati aur barasti hai
chaman ka zarra zarra jhoomta hai, muskurata hai
azal ki be-namu matti main sabza sar uthata hai
mohobbat un ko bhi aabad aur shadaab kerti hai
jo dil hain qabr ki surat
mohobbat abr ki surat
Mohobbat aag ki surat!
bujhay sinon main jalti hai tou dil baidaar hotay hain
mohobbat ki tapish main kuch ajab israar hotay hain
ke jitna bharakti hai, uroos-e jaan mehekti hai
dilon ke sahilon pe jama hoti aur bikharti hai
mohobbat jhaag ki surat
mohobbat aag ki surat
Mohobbat khuab ki surat!
nigahon main uterti hai kisi mahtaab ki surat
sitaray aarzu ke is tarah se jagmagatay hain
ke pehchani nahi jati, dil-e be-taab ki surat
mohobbat ke shajar pe khuab ke panchi utertay hain
tou shakhain jaag uthti hain
thakay haary sitaray jab zameen se baat kertay hain
tou kab ki muntazir aankhon main
shammein jaag uthti hain
mohobbat un main jalti hai, chiraagh-e aab ki surat
mohobbat khuab ki surat
Mohobbat dard ki surat!
guzishta mousamon ka ista'aara ban ke rehti hai
shaban-e hijr main roshan sitara ban ke rehti hai
mundairon per sitaron ki loain jab thartharati hain
nagar main na-umeedi ki hawaein sansanati hain
gali main jab koi aahat, koi saaya nahi rehta
dukhay dil ke liye jab koi bhi dhoka nahi rehta
ghamon ke bojh se jab tootnay lagtay hain shanay tou
yeh un pe haath rakhti hai
kisi hamdard ki surat
guzer jatay hain jab saray qaaflay jab dil ki basti se
fiza main tairti hai dair tak
yeh gard ki surat
mohobbat dard ki surat.

Arain.faizan · #17 (**permalink**) 25-05-2008, 05:00 AM

Koi mousam ho dil main hai tumhaari yaad ka mousam
ke badla hee nahi janaan, tumharay baad ka mousam

Nahi tou aazma ke daikh lo kaisay badalta hai
tumharay muskuranay se dil-e nashaad ka mousam

Sada taishay se jo nikli, dil-e Shireen se uthi thi
chaman Khusru ka tha laikin raha Ferhaad ka mousam

Parindon ki zubaan badli kahin se dhund lay tu bhi
naee tarz-e fighan aye dil ke hai ijad ka mousam

Ruton ka qayida hai waqt per yeh aati jati hain
hamaray sheher main kyun ruk gaya feryaad ka mousam

Kahin se us haseen awaz ki khushbu pukaray gi
tou us ke saath badlay ga dil-e berbaad ka mousam

Qafas ke baam-o dar main roshni si aayi jati hai
chaman main aagaya shayad lab-e azaad ka mousam

Na koi gham khizan ka hai, na khuahish hai baharon ki
hamary saath hai Amjad kisi ki yaad ka mousam

SANTIO · #18 (**permalink**) 10-08-2008, 06:37 PM

SUB TUMHARAY LIAY

SUB TUMHGARAY LIAY
JAN-E-JAAN YEH JAHAN,YEH ZAMEEN ASMAAAN
YEH MERAY RAAAT DIN ,KHAAAK HAIN TERAY BIN
YEH MERI ZINDAGI,DOSTI DUSHMANI
RAASTAY,WASTAY,SUB TUMHARAY LIAY
SUB TUMGARAY LIAY

TUM Jo DEKHO TO MERAY SHAB-0-ROZ KO
KOI MATLBA MILAY
TUM JO POOCHAY TO MERAY HER IK HARF KO
KOI RUTBA MILLAY,KOI MANSIB MILLAY
TUM JO SOCHO MERAY WASRATAY KUCH BHI
MAIN SITARON KO MUTHI MAIN BHAR LAOONGA
TUM AGAR AIK DIN MUJH KO AWAZ DO
MAIN JAHAN PER BHIHOON, LOUT AAOONGA
YEH MERAY JISM-O-JAAN ,MERAY SHER-O-SUKHAN
MERI TANHAYIAAN
BAZM ARAAEAAAN
AB TUMHARAY LIAY
SUB TUMHARAY LIAY
SUB TUMHARAY LIAY

By
Amjad Islam Amjad

fairnas · #19 (**permalink**) 15-08-2008, 02:24 AM

Quote:

Originally Posted by Khu$h!

Koi lamha bhi kabhi laut kar nahee aaya
Woh shaks aisa gaya phir nazar nahee aaya

Wafa ke dasht mein raasta nahee mila koi
Siwayye gard-e-safar humsafar nahee aaya

Kisi chiraag ne poochi nahee khabbar meri
Koi bhi phool mere naam per nahee aaya

Pallat ker aane lagay shaam ke parinday bhi
Hamara subha ka bhoola magar nahee aaya

Humein yakeen hai Amjad woh wada khilaaf
Yeh umer kaise kategi agar nahee aaya ...

very nice ......................