[easy_sums_life1]

Dear friends,
Ahmed faraz ki yaad main main yeh thread yeh soch kar aap ki khidmat main paish kar rahi hun
k un k chahne waale un ki khubsoorat nazmon aur ghazlon se is thread ko sajayein ge..

Ahmed Faraz humare mulk ka aik buhut barat surmaya the aur shayad ab unke mutabadil jaga shayad hi koi le saki...Allah unko karwat karwat Jannat Al firdus main jaga ata farmaye (Ameen)

Now i post one...

Is qadar musalsal thi shdatein judai ki
aaj pehli baar us se main ne bewafaai ki

warna ab talak yun tha khwahishon ki baarish main
ya tu toot ke roya ya ghazal sarayi ki

tej dia tha jin ko hum ne teri chahat main
aaj unse majbooran taaza aashnayi ki

ho chala tha jab mujhe ikhtilaaf apne se
tu ne kis ghari zalim meri humnavayi ki

tanz-o-taana-o tehmat sab hunar hain naseh k
aap se koi pooche humne kia burayi ki??

phir qas mein shor utha qaidiyon ka aur sayyad
dekhna uraday ga phir khabar rehayi ki

dukh hua jab us dar pe kal FARAZ ko dekha
laakh aaib the us main khu na thi gadayi ki...