[Rider Of Sucess]

harr koi ab tau nazrain churata dikhai de
apne dukho'n ko mujhse chhupata dikhai de

hirs o jafa k daur mai kya pyar kya wafa
harr rishta iss hayat mai sauda dikhai de

koi naheen hai jiss se k ham haal e dil kahain
kehne ko sara shehr shanasa dikhai de

hota kaha'n hai zaahir o batinn ka aik haal
waisa nahee'n harr aadmi jaisa dikhai de

yoo'n to hazaro laug miley dill lagane ko
lekin na shehr mai koi tujhsa dikhai de

ham hain k phir bhi uss se ummid e wafa rakhain
jo shakhs subh o sham badalta dikhai de

phir bhi barh'hao rabt bohot dekh bhaal kar
banda hazar tumko farishta dikhai de

jiss tarha phool khilte hain kanto'n k darmia'n
bazm e jaha'n mai wo mujhe aisa dikhai de

auro'n k aib par hai har ikk shakhs ki nazar
apna magar kisi ko na shisha dikhai de

terey tasavvurat ka itna karam to hai
gham se sulagti raah mai saya dikhai de

hansta tha bazm mai jo baat baat par
tanhaiyo'n mai toot k rota dikhai de

[Beauty Rose]

very nice poetry. Thank U So Much for sharing this poetry here.
and keep it up.
Thanks again.

[Neo]

bohot hi zabardast... :

[** FREE BIRD**]

veryyyy nicee
hansta tha bazm mai jo baat baat par
tanhaiyo'n mai toot k rota dikhai de

[fairnas]

bohat umda , very nice

[chandni kanwal]

nice sharing

[mezzedup]

... i wish i cud understand it !
doosray sher main ... meri urdu jawab day gaye