[Lady Mystique]

Mere Wujood Mein Waffa Ki Roshni Utaar De,
Phir Itna Pyar De K Mujhko Chahaton Mein Maar De.
Buhut Udaas Tha So Uthh K Tere Paas Aagya,
Kuch Aesi Baat Ker Jo Dil Ko Chaen De,Qarar De.
Suna Hai Teri Ek Nazar Sanwarti Hai Zindagi,
Jo Ho Sake To Aj Meri Zindagi Sanwar De.
Ae Mehtaab Tu Kabhi Jo Mera Chaand Dekh Le,
Qasam Khud Ki Apni Jaan Tu Bhi Us Pe Waar De.
Mera Asasa-e-Hayat Chhin Gaya Hai Dosto,
Do Chaar Din Ki Zindagi Koi Mujhe Udhaar De.
KhushNaseeb main Nahin, to Shaam-e-Ghamm Hi De Mujhe ,
Yeh Kab Kaha K Tu Mujhe Gullab De, Bahar De.
Mujhe Kisi K Ishq Ne Banaya Neer-e-Jahan,
Dua Kero Khuda Yeh Gham Tumhen Bhi Ek Baar De.

( Raheem Yaar Khan, Sattelite Town se Shehbaaz Nayyar Ki Takhleek )

[Lady Mystique]

Ab Darrindon Se Na Haiwano Se Darr Lagta Hai,
Kia zamana Hai K Insanon Se Darr Lagta Hai.
Izzat-e-Nafs Kisi Shaks Ki Mehfooz Nahin,
Ab To apni Hi Nigaahon Se Darr Lagta Hai.
Hurrmat Lafz K Parchamm Ko Main Rakhunga Buland,
Hukmaranon Se Na Aiwanon Se Darr Lagta Hai.
Dannke Ki Chot Pe Zaalim KO Burra Kehta Hun,
Mujhe Suli Se Na Zandanon Se Darr Lagta Hai.
Khoon Raezi ka Yeh Aalam Hai Khuda Khair Kere,
Musalmanon Ko Musalmanon Se Darr Lagta Hai.
Bum Dhamakon Se Khalsh Khofzada Aesa Hun,
Ghar Mein Rakhe Hue Guldaanon Se Darr Lagta Hai..

( Sargodha se Abbas Khalsh Ki Takhleek )

[Lady Mystique]

Tumhari Sard Rawi Ko Saza Bhi Keh Na Sakun,
Tumhare Tarz-e-Ammal Ko Waffa Bhi Keh Na Sakun.
Jo Ek Nazar Teri Majboorion Ko Dekhun To,
Tere Rawwaye Ko Main Na Rawwa bhi Keh Na Sakun.
Maashre Ki Yeh Pabandia Sittamgar Hain,
K Dil Ki Baat Main Tujhse Zara Bhi Keh Na Sakun.
tu Mujhse Dur Hai Leikin Harr Ek Soch Mein Hai,
Main Tujhko Paas Bhi, Khud Se Judaa bbhi Keh Na Sakun.
Kahun To Kese Kahun Aasna-e-Ward-e-Chamman,
Main Tujhko Ward Se Na Aashna Bhi Keh Na Sakun.

( Rawalpindi se Ward Bazmi ki Takhleek)

[Lady Mystique]

Mausam-e-Gull Mein Aggar Shaakh Se Toote Hote,
Kuch Shagoofe Bhi Is Shaakh Se Phoote Hote.
Dil Bada Sakht Tha, Harr Sang-e-Baala Jhael Gya,
Werna hum Shiddat-e-Ehsaas Se Toote Hote.
Tum Ko Jana Tha To Pehle Hi Judaa Ho Jaate,
Is Tarha Roz K Marne Se To Chuute Hote.
Hont Chup Chap Sahi,Aankh Hi Kuch Keh Jaati,
Roothne Waale Saleeqe Se To Roothe Hote.
Hum Ne Hans Hans K Bharam Ehel-e-Waffa Ka Rakha,
Hum Bhi Ro Dete Aggar Ishq Mein Jhoote Hote...

[Rider Of Sucess]

nice collection......

[Lady Mystique]

Originally Posted by Rider Of Sucess

nice collection......

thanx :)

[Lady Mystique]

Ae Dost Kabhi Na Bhool Sakki Main Mele Teri Basti Ka ,
Main Tujhse Kese Duur rahun, Tu Hissa Meri Hassti Ka.
Ae Logo! Na Israar Kero Woh Mujhse Mil na Paae Ga,
Woh Chaand Zameen Pe Utre Kion,Woh Aadi Hai Kab Passti Ka.

[Lady Mystique]

Apni Hasti Ko Hi Mitane Chale The
Na Chahkar Bhi Tujhko Bhulane Chale The.
Na Rah Sake Yaad Tere Ghar Ka Pata Isliya
Woh Aakhri Khat Bhi Jalane Chale The.
Rukh Badal Liya Teri Rahon Se
Teri Nazaron Mein Gir Jaane Chale The.
Kehte Hain Dourr Ke Chali Aati Hai
Isliye Dar Pe Kharre Mout Ko Bulane Chale The.
Sholo Pe Chalne Ki Bebak Gustakhi
Kaanto Pe Sokar Raat Bitane Chale The.
Tu Aa Jati Saath Hamara Dene Ko
Ye Sochkar Sadiyon Is Dil Ko Behalane Chale The.
Tere Jaane Ke Baad Ye Halat Thi Hamari Ke
Sukhe Raet Se Dhah Jaane Chale The.
Reh Na Sake Tanha Tum Bin Isliye
Tanha Mout Ko Aazmaane Chale The.
Dil Mein Tere Dard Ka Dariya Sambhale Hain
Dabi Si Muskurahat Muskurane Chale The

[Lady Mystique]

Chand ko sitaron se aur mujhe tum se Mohabbat hai
Phoolon ko baharon se aur mujhe tum se Mohabbat hai


Mehfil main jo milna nighahein jhuka lena
koi samjh na paye ke mujhe tum se Mohabbat hai


Ab tere hijr main bus ek kaam hai Aasman takna
Tum sitaron pe likh dena mujhe tum se Mohabbat hai


Hai hamain ehsas tum ko bhi hum se Pyaar hai lekin
Yeh mere ru - ba - ru kehna mujhe tum se Mohabbat hai

[Lady Mystique]

Kab Tak Rahoge Aakhir
Yunh Duur Duur Hum Se
Milna Padega Aakhir
Ek Din Zarur Hum Se
Daaman Bachae Wale
Yeh Be Rukhi Hai Kesi
Keh Do Ager Hua Hai
Koi Kasoor Hum Se
Hum Chheen Lainge Tum Se
Yeh Shan-e-Benyazi Tumse
Tum Mangte Phiro Ge
Apna Gharuur Hum Se

[Lady Mystique]

Mere Toote Hue Dil Mein Woh Basa HAi Ab Bhi
Laaut Aaao K Meri Dil Mein Jagah Hai Ab Bhi
Usko Apni Jafaon Se Shikayat Ho NA Ho
Ham Ko Apni Wafaon Se Gila Hai Ab Bhi

[Lady Mystique]

Zoq-e-junoon Ko Hadd Se Guzar Jaane Do
Woh Samaitne Aaega Humen Bikhar Jane Do
Abhi Dastras Mein Hun To Ehsas Nahin Usko
Ro Ro K Pukare Ga Humen Zarra Marr To Jane Do

[Lady Mystique]

Judai Se MArra Woh Bhi NAhin Main Bhi NAhin
Donon Insaaan Hain Khuda Woh Bhi Nahin Main Bhi Nahin
Woh Mujhe Aur Main Usse Ilzam Dete Hain Magr
Apne Andar Jhaankta Woh BHi Nahin Main Bhi Nahin
Zamane Ne Kerdia Paeda Dono Mein Ikhtilaaf
Warna Fitrat Ka Bura Woh Bhi Nahin Main Bhi Nahin
Mukhtalaf Simton Mein Dono KA Saffar Jari Raha
Ek Lamhe Ko Ruka Woh Bhi Nahin Main Bhi NAhin
Chahte Dono Buhut Hain Ek Doosre Ko Magr
Yeh Haqiqat Manta Woh Bhi NAhi Main Bhi NAhin

[Mairoo]

[Lady Mystique]

Originally Posted by Mairoo

Thanx : )

[Lady Mystique]

Woh Baar Baar Mujhe Aazmata Raha
Mishal-e-Shamma Woh Jalata Raha
Dost Bhi Kaha Us Ne Mujhe
Magr Dushmano Ki Tarha Tarpata Raha
Ungli Pakkar Ker Aksar Andhere Raaste Mein
Woh Baar Baar Muhko Girata Raha
Aesi Bhi Bhalla Kia Dosti Saaghar
Main Rota Raha Or Woh Muskarata Raha

[Lady Mystique]

Ek Ladki Challi Ja Rahi Thi
Ek LAdke Ne Awaz Di
O Deewani Sunn !!
Tera Duppatta Zameen Se Ghaseeta Ja Raha Hai
Ladki Boli
O Deewane Tu Kia Jaane
Yeh Bhi Apna Farz Nibha Raha Hai
Koi Choom Na Le Mere Qadmon Ki Mitti Ko
Islie Nishaan Mitata Jaa Raha Hai

[Life Is Joke]

Originally Posted by Lady Mystique

Ae Dost Kabhi Na Bhool Sakki Main Mele Teri Basti Ka ,
Main Tujhse Kese Duur rahun, Tu Hissa Meri Hassti Ka.
Ae Logo! Na Israar Kero Woh Mujhse Mil na Paae Ga,
Woh Chaand Zameen Pe Utre Kion,Woh Aadi Hai Kab Passti Ka.

hijar ki pyas ma qatra B boht hota ha
Deed k wastey lamha B bohut hota ha
Jin k milne ki nhi door talak kuch umeed un k kho jane ka khadsha B bohut hota ha
Tum ager pass nhi ho to koi baat nhi
Sirf ahsas ka dhoka B bohut hota ha
Jin pe hota ha boht maan bohat gehra maan
Wo badal jayain to sadma B boht hota ha