[Sav3rA]

Aankh ban jati hai sawan ki ghata shaam k baad
Laut jata hai agar koi khafa shaam k baad

Woh jo tal jati rahi ser se bala shaam k baad
Koi tu tha jo deta tha dua shaam k baad

Aahien bharti hai shab-e-hijar yateemon ki tarah
Sard hojati hai her roz hawa shaam k baad

Shaam tuk qaid raha kertey hain dil k under
Dard hojatey hain sarey hi riha shaam k baad

Log thak haar ker sojatey hain lekin jaanan
Hum ne khush hoker tera dard saha shaam k baad

Shaam se pehley tuk laakh salahien rakhien
Jaag uthti hai mohabbat ki anna shaam k baad

Khwaab takraaker palat jatey hain band aankhon se
Janey kis jurm ki kis ko hai saza shaam k baad

Chand jab roo ker sitaron se galey milta hai
Ek ajab rang ki fiza hoti hai shaam k baad

Hum ne tanhai se pocha milogee kab tuk
Us ne bechaini se foren kaha shaam k baad

Main agar khush bhi rahon phir bhi mere dil main
Sogawari koi roti hai sada shaam k baad

Tum gaye ho tu siyah rang k kaprey pehney
Phirti rehti hai mere ghar main qaza shaam k baad

Din ko ajab muthi main jakrey hoye rakhta hai mujhey
Mujh ko is baat ka ehsaas huwa shaam k baad

Koi bhoola huwa gham hai jo musalsal mujh ko
Dil k paataal se deta hai sada shaam k baad

Maar deta hai ujar jaaney ka dohra ehsaas
Kash koi ho na kisi se juda shaam k baad

[untruefeelings]

hmmmmm achi hai

[HULK]

shaam ke baad.................wah, nice one savera:)