[Neo]

Baarha un sy na milny ki kasam khata hon mein,
Aur phir ye baat kasadan bhool jata hon mein,

Dobtay dekhay hain in aankhon sy itny aftaab,
Roshni k naam sy bhi ab laraz jata hon mein,

Itni afsarda dili Allah kisi dusman ko bhi na dy,
Log hanstay hain to ji hi ji mein sharmata hon mein,

Bey rukhi ko un ki such moch bey rukhi samjha kia,
Aaj apni us galat fahaymi py pachtata hon mein,

Chahta ye hon k duniya mujh ko tanha chor dy,
Janay kiun ab gum gusaari sy bhi ghubrata hon mein.