[Neo]

Cheyra hai sur-e-shaam kahin saaz kisi ney,
Ya, duor sy di hai mujhey awaz kisi ney,

Totay hoay taaron ko abhi jor raha tha,
Hathon sy meray cheen liya saaz kisi ney,

Eik aah to karli hai magar, soch raha hon,
Peychaan na li ho meri awaz kisi ney,

Hum kar na sakay juraat-e-Ayzaar-e-Tamana,
Is tera kia, baat ka agaaz kisi ney,

Gayron py anaayaat hain apno sy shikaayaat,
Samjhay na kabhi aap k andaaz kisi ney,

Toba ki jabeein par hai nadamut ka pasina,
Randaana uthai nigha-e-naaz kisi ney,

Mujh pey aanso bhi amanat hain kisi ki,
Paya na gum-e-dost ka ye raaz kisi ney.