[Arisha]

mein zindgi dhoondnai chali thi
per zindgi bhala kahan mili thi

shochti thi zindgi hai titlioon mein,baharoon mein,
mager bhanwaray aur khizaein bhi to hoti hain

samajhti thi zindgi hai khushioon mein,muskanoon mein,
mager ghum kai saaey,dhukh bhari sadaein bhi to hoti hai

khiyal tha zindgi hai takmeel-e- khawashoon mein,pur tabeer khaboon
mein,
mager na tamaam hasratein ,udaas nigaheen bhi to hoti hain

shaid mein khoi thi apni asaeshoon mein, aramoon mein,
nahi samajhti thi kaheen in kai liey duaein bhi to hoti hain

na tha yeh khwaboon mein, khiyaloon mein,
keh zindagi mein mot ki ridaaein bhi to hoti hain

aur jub pa lia yeh raz-e-zindagi to janay kion
dil mein bhari hai udasi her soo

mein zindagi dhoondnai chali thi
aur shaid yehi meri galati thi.

[La Ha$!L]

NIce arisha
thnx for sharing :)

[Khu$h!]

nice........................

[Nadan]

Some cool stuff Arisha

Loved it

[Arisha]

Thanks all of u

[Arisha]

lafz jab tak wazu nahi kartey
hum tera zikir nahi kartey

labhon pe is k kabhi bad_dua nahi hoty
bus ik ma hai jo mujh se khafa nahi hoty

likh kar humara naam zameen per mita diya
in ka tha khel khak main huamin mila diya

loog khatey hai duaon main aser hota hai
meri takdeer badle jaye tou main mano

lab peer saza diye they yahi ajnabi se naam
dil main tamam zakhum ashna k they

marne k baad bhi meri ankahin khuli rahi
adat jo pra chuki thi tere intezar ki

[Arisha]

MOHABBAT

Yeh zakham ban ki dil ko dhukata tu bohat hai

Har koi lazaat_e_dard se shanasa nahin hota

****

Mohabbat tu muddat se asaas_e_zamana hai magar

Har koi dil ko yuun dhuka ki nahin rota

****

Koi tu raaz_e_wafa hai madfan seeney main

Har koi izhar_e_tammnaa pe yuun be qal nahin hota

****

Yuun tanz se muskara de halat_e_dil ko jaan kar

Har koi yuun itna bhi sang dil nahin hota

****

Khuch tu hai khaas ae jane jahan tum main

Har koi yuun dil per hakim nahin hota

****

Sang ki barish ho aur gareeban ho chaak

Har koi ulfat main yuun dewana nahin hota

[Arisha]

Pyaas Vo Dil Kii Bujhaane Kabhii Aayaa Bhii Nahin
Kaisaa Baadal Hai Jiskaa Koi Saayaa Bhii Nahin

Berukhii Is Se Barii Aur Bhalaa Kyaa Hogii
Ek Muddat Se Hamein Us Ne Sataayaa Bhii Nahin

Roz Aataa Hai Dar-E-Dil Pe Vo Dastak Dene
Aaj Tak Hamne Jise Paas Bulaayaa Bhii Nahin

Sun Liyaa Kaise Khudaa Jaane Zamaane Bhar Ne
Vo Fasaanaa Jo Kabhii Hamne Sunaayaa Bhii Nahin

Tum To Shaayar Ho Aur Vo Ik Aam Saa Shakhs
Us Ne Chaahaa Bhii Tujhe Aur Jataayaa Bhii Nahin

[Arisha]

dil bhi karta hai yaad chhup ke tujhe
naam leti nahin zubaan tera
kis se poochoon nigaa mein khabar teri
kaun batlaayega nishaan tera
teri rusvaaiyon se darta hoon
jab tere sheher se guzarta hoon

haal-e-dil bhi na keh sakaa tujhe
tu rahi muddaton qareeb mere
tum mujhe chhord ke chali bhi gayi
khair, kismat meri, naseeb mera
ab main kyon tujhko yaad karta hoon
jab tere sheher se guzarta hoon

woh zamana teri mohabbat ka
ik bhooli huwi kahaani hai
kis tamanna se tujhko chaha tha
kis mohabbat se haar maani hai
apni kismat pe naaz karta hoon
jab tere sheher se guzarta hoon

[Arisha]

Ghazal

kuch sitam kerne ko tayar bethein h ain

kuch loog sitam kerne ko t ayar b ethe hain

kuch loog magar hum pe dil haar bethe hain

is kashmakash mein hum se pehchane nahi jaate

kahan dushman aur kahan dost yaar bethe hain

ishq ko aag ka dariya hi samajh lejiye Hazoor

koi is paar betha hai tu hum us paar bethe hain

koun kehta hai k is shehar mein hain saare bewafa

hamare saamne do char wafadaar bethe hain

kal tuk jin ki husrat thi humme badnaam kerne ki

ajj wahi loog apne kiye per sharam saar bethe hain

duniya se rooth jaane ki khawahish hai hamari

kiya karoon is khuwahish pe pehre daar bethe hain

[Arisha]

Tujae panae ki Dua kun karoon

"Ho ker Zameen Ka, Aasmaan Ki Chaah Kyun Karoon
Main Tujh ko Paanay Ki Tamanna Kyun Karoon

Mujh ko Khabar Hai Judai Tarpayegi Tujhe Har Pal
Is hi liye Bata de Main Tujh se Wafa Kyun Karoon

Aman Ko Mere Chot Lagay gi Gar Tu Na Mili Mujhe
Tujhe Apna Bana ne Ki Phir Dua Kyun Karoon

Teri Masoomiyat Ko Rab Ne Banaaya Hai Mohabbat Ke liye
Tujhe Na Chahne Ki Phir Main Khata Kyun Karoon

Farishtay Bhi Tadap Jaatay Hain Jab Teree Aankh Se Ashk Chalaktay Hain
Yeh Dard Tujhe De ker Main Koi Gunnah Kyun Karoon

Teri Meri Qismat Ki Raahain Hain Judaa Judaa
Main Phir Tera Banjanay Ki Aarzoo Kyun Karoon

Meri Hathoon Ki Lakiroon Mein Nahi Hai Naam Tera
Main Tera Naam Apne Naam Se Milanay Ki Justajoo Kyun Karoon

Meri Baatain Tere Dil Mein Hamesha Bass Jaati Hain
Is Baat Ki Khabar Rakh Kar Main Koi Guftagoo Kyun Karoon

Batoon Batoon Main Benaam Fasaanay Banjaate Hain
Aur Aisi Adhuri Kahaani Ko Main Shuroo Kyun Karoon

Joo Bhi Jazbaat Hai Dil Mein Dil Tak Mehfooz Hain
Yeh Bataoo Ke Main Unka Zikar Dubara Kyun Karoon

Mana Ke Mohabbat Bhari Nazar Dil Par Gehra Asar Karti Hai
Usay Pyaar Se Dekh Ker Us Par Koi Jaadoo Kyun Karoon

Mere Liye Yeh Mumkin Nahi Ke Main Tera Banjaoun Kabhi
Lekin Main Tujhse Mohabbat Ka Izhaar Kyun Karoon

Itna Dukhaaya Dil Ko Tunay Mere, Itna Rulaaya Hai Mujhe
Sub Kuch Sahoon Phir Bhi Tujhse Bay intiha Pyaar Kyun Karoon

[Arisha]

Mita Rahi To Yeh Dunya ... Tumhara Nam Hai.
Magar Jo Dil Pay Likha Hai .... Koi Mita Na Sakay.
Fakat Yeh Khail Mohabbat ... Jo Hum Nay Khiala Hai.
Main Mit Bi Jaoon Aghar ... To Duja Koi Sama Na Sakay.
Sahar Say Sham o Talak ... Tu Hi Tu Samai Hai.
Karoon Bhi Kya ... Koi Lamha Tujay Bhola Na Sakay.
Tu Jaan Ban Kay ... Mere Jaan Mujh Main Rahti Hai.
Main Khudh Ko Rook Loon ... Dharkan Koi Ruka Na Sakay.
Main Jee Bhi Sakta Nahi Bin Teray ... Tu Mere Hai.
Hai Pyaar Jitna Tujh Say ... Utna Koi Chah Na Sakay

[Arisha]

mera likhna to ek bahana tha,
paas kuch aur unke, aana tha,

maine likha jise, fasana tha,
ye tarika bhi kuch, purana tha,

jisko gujre hue, zamana hua,
woh mera khwab tha, khajana tha,

yaad aate hain sabhi pal, jo kabhi beet gaye,
aakhri saans tak unke thhe, ye batana tha,

koshishein aur bhi thi, unko batane ki "hasib"
waqt bhi kam tha aur, nabj toot jaana tha

[Arisha]

Pyar Kya Hey ?


Pyar Heyrat Hey Jisey Koi Chupa Bhi Na Sakey
Pyar Dolat Hey Jisey Koi Chura Bhi Na Sakey
Pyar Afat Hey Jisey Koi Bhula Bhi Na Sakey
Pyar Naghma Hey Jisey Koi Ga Bhi Na Sakey
Pyar Nalah Hey Jisey Koi Daba Bhi Na Sakey
Pyar Shikwa Hey Keh Honton Peh Jo Aa Bhi Na Sakey
Pyar Qisa Hey Jisey Koi Suna Bhi Na Sakey
Pyar Qarza Hey Jisey Koi Chuka Bhi Na Sakey
Pyar Fitna Hey Jisey Koi Sula Bhi Na Sakey
Pyar Kitna Hey Koi Itna Bata Bhi Na Sakey
Pyar Tamgha Hey Jisey Koi Saja Bhi Na Sakey
Pyar Wadah Hey Jisey Koi Nibha Bhi Na Sakey
Pyar Dhoka Hey Koi Khaye To Kha Bhi Na Sakey
Pyar Pardah Hey Jisey Koi Hata Bhi Na Sakey
Pyar Hey Naaz Jisey Koi Utha Bhi Na Sakey
Pyar Shola Hey Jisey Koi Bujha Bhi Na Sakey
Pyar Ki Aanch Sey Dil Koi Bacha Bhi Na Sakey
Pyar Basti Hey Jisey Koi Basa Bhi Na Sakey
Pyar Taqat Hey Jisey Koi Hara Bhi Na Sakey
Pyar Shokhi Hey Jisey Koi Rula Bhi Na Sakey
Pyar Tootey To Koi Us Ko Bana Bhi Na Sakey
Pyar Roothey To Koi Us Ko Mana Bhi Na Sakey

[Arisha]

Kaash!

Key Mein Aik Qalam Hoti
Jab Tum Likhte Tanhai Mein
Dil Ki Baat!
Chupke Se Kaghaz Per Utarti
Aur Teray Haathon Ke Lams Se
Samajh Pati Teray Jazbon Ko
'Shaam Ke Surmai Andheron Mein
Jab Tu Nikalta Almari Se
Mera Dil Khushi Se Jhoomta
Phir Zara Deir Talak Teri Unglion Mein Qaid Rehti
Kaash Tu Mujhey Umer Qaid Dedey!
Phir Teri Baatein Khatam Hoti
Tu Mujhey Chor ker chala jata
Intizar Kerney Key Liye!
Per Woh Intizar Bhi Bemaza Na Hota
Kuch Milney Ki Tarap Hoti
Kuch Dil Beqarar Hota
Mujhey Aadat Hoti Teri Qurbat Ki
Tu Pyar Ki Baatein , Meray Liye Na Sahi
Per Mujh Se To Likhta...AniYa
Kaash Mein Aik Qalam Hoti

[Arisha]

Na Umeedain


Na Umeedain Kisi Se Rakhtey To Acha Hota


Aitbar Na Kisi Pe Kartey To Acha Hota


Sabaq Daita Hai Zamana Yeh Auron Ko Giraney Ka


Sahara Na Kisi Ko samjhtey To Acha Hota


Yaqeen apni Kamyabi ka kisi Ko Kab Hota Hai


Taqdeer k Muqabil Na Hotey To Acha Hota


Sochtey They Aitbar Andha Ho Ga DeWaNa Tum Per


Na Khuwaab Jagtey Main Daikhtey To Acha Hota


Na Chatey Tum Kisi Ko Na Koi Tumheen Poojta


Na achey Kisi Ko Lagtey To acha Hota


Darya Mohabbat Ka Kab Koi Paar Karta Hai Dost


Na Mohabbat Kisi Se Kartey To Acha Hota..

[Arisha]

Terey Naam Ghazal Likh Raha Hoon

Terey Naam Ghazal Likh Raha Hoon
Ek Hijar Ka Wasal Likh Raha Hoon

Terey Chehrey Ki Khoobsoorti Ko
Ek Chaand Likh Raha Hoon

Teri Bheggi Huwi Zulfoon Per
Ek Deewaan Likh Raha Hoon

Terey Hoontoon Ki Piyaas Ko
Ek Sharaab Likh Raha Hoon

Terey Hansney key Andaz Ko
Ek Shabbab Likh Raha Hoon

Terey Aashkoon Ki Barsat Ko
Ek Darya Likh Raha Hoon

Teri Nazuk Aadaoon Ko
Ek Gulab Likh Raha Hoon

Teri Dilkash Aawaz Ko
Ek KoYal Likh Raha Hoon

Teri Aakhoon Ki Kashish Ko
Ek Jaam Likh Raha Hoon

Terey Naam Ke Intisaab Per May !
Bus Ek Kitab Likh Raha Hoon

[Arisha]

kuchh din to baso merii aa.Nkho.n me.n

*kuchh din to baso merii aa.Nkho.n me.n
phir Khvaab agar ho jaao to kyaa

koii rang to do mere chehare ko
phir zaKhm agar mahakaao to kyaa

ik aaiinaa thaa so TuuT gayaa
ab Khud se agar sharmaao to kyaa

mai.n tanahaa thaa mai.n tanahaa huu.N
tum aao to kyaa na aao to kyaa

jab ham hii na mahake phir saahib
tum baad-e-sabaa kahalaao to kyaa

jab dekhane vaalaa koii nahii.n
bujh jaao to kyaa jal jaao to kyaa*

[Arisha]

Ye zindagi bhi najaane kitne mod dati hai
Har mod pe naye sawaal deti hai
Dhondhte rehte hain hum jawab zindagi bhar
Jawab mil jaye to wo sawal badal deti hai

[armaan_baloch]

very very nice A+
lafz jab tak wazu nahi kartey
asume