[Rider Of Sucess]

yuu.N na mil mujh se Khafaa ho jaise
saath chal mauj-e-sabaa ho jaise

log yuu.N dekh kar ha.Ns dete hai.n
tuu mujhe bhuul gayaa ho jaise

ishq ko shirk kii had tak na ba.Daa
yuu.N na mil hamase Khudaa ho jaise

maut bhii aa_ii to is naaz ke saath
mujhape ehasaan kiyaa ho jaise

aise a.njaan bane baiThe ho
tum ko kuchh bhii na pataa ho jaise

hichakiyaa.N raat ko aatii hii rahii.n
tuu ne phir yaad kiyaa ho jaise

zindagii biit rahii hai "daanish"
ek bejurm sazaa ho jaise

[Rider Of Sucess]

Ek tooti huwi zanjeer ki faryaad hain ham
aur dunya ya samajhti hai k azad hain ham

kyun hamein log samajhtay hain yahan pardesi
ik muddat se esi shahar mein abad hain ham

kahay ka tark-e-watan kahay ki hijrat baba
esi dharti ki esi desh ki aulaah hain ham

ham bhi tameer-e-watan mein hain barabar k shareek
dar-o-dewar agar tum ho tu bunyaad hain ham

ham ko es daur-e-taraqee ne diya kiya 'meraj'
kal bhi barbaad the aur aj bhi barbaad hain haim

[Rider Of Sucess]

mohabat tark ki mein ne gareban see liya mein ne
zamane ab tu khush ho zahar ya bhi pee liya mein ne

abhi zinda hoon lekin sochta rehta hoon khalvat mein
ki ab tak kis tamanna ke saharay jee liya mein ne

unhein apna nahi sakte magar itna bhi kiya kam hai
ki kuch muddat haseen khuwabon mein kho kar jee liya mein ne

bas ab tu daman-e-dil chor do bekar umeedo
buhat dukh sah liya mein ne buhat din jee liya mein ne

[Rider Of Sucess]

ye husn teraa ye ishq meraa
rangiin to hai bad_naam sahii
mujh par to ka_ii ilzaam lage
tujh par bhii ko_ii ilzaam sahii

is raat kii nikharii rangat ko
kuchh aur nikhar jaane de zaraa
nazaro.n ko bahak jaane de zaraa
zulfo.n ko bikhar jaane de zaraa
kuchh der kii hii taskiin sahii
kuchh der kaa hii aaraam sahii

jazbaat kii kaliyaa.N chunnaa hai
aur pyaar kaa tohfaa denaa hai
logo.n kii nigaahe.n kuchh bhii kahe.n
logo.n se hame.n kyaa lenaa hai
ye Khaas ta'alluq aapas kaa
duniyaa kii nazar me.n aam sahii

rusvaa_ii ke Dar se ghabraa kar
ham tark-e-vafaa kab karte hai.n
jis dil ko basaa le.n pahlu me.n
us dil ko judaa kab karte hai.n
jo hashr huaa hai laakho.n kaa
apnaa bhii vahii anjaam sahii

[Rider Of Sucess]

neeyat -e-shouq bhar na jaye kahin
tu bhi dil se utar na jaye kahin

aj dekha hai tujhe der k baed
aj ka din bhi guzar na jaye kahin

na mila kar udaas logon se
husn tera bikhar na jaye kahin

arzoo hai ke tu yahan aaye
aur phir umar bhar na jaye kahin

jee jalata hoon aur ya sochta hoon
rayegan ya hunar na jaye kahin

aao kuch der ro hi lein 'Nasir'
phir ya dariya utar na jaye kahin

[Rider Of Sucess]

Zindagi ke railay mein, khuahishon ke mele mein
tumse kya kahein jana isqadar jhamele mein

waqt ki rawani hai baqkht ki girani hai
sakht bezamini hai sakht la makani hai

hijr kay samaundar mein takht aur takhtay ki
ek hi kahani hai jo tum ko sunani hai


baat go zara si hai baat umr bhar ki hai
umr bhar ki baatein kab do ghari mein hoti hai

dard ke samaundar mein unginat jazeeray mein
bay shamar moti mein


ankh ke darichay mein tum ne jo sajaya tha
baat us diye ki hai baat us gilay ki hai

ji lahu ke khalut mein choor ban ke aata hai
nabz ki fasilon pe toot toot jata hai

zindagi se lambi hai baat raat jaage ki hai
raaste mein kaise ho baat takhliye ki hai

takhliye ki baaton mein guftagu izafi hai
pyar karne walon ki ek nigah kafi hai



ho saake to sun jao ek din akele mein
zindagi kai mele mein khuahishon ke rele mein

tum se kya kahein jana is qadar jhamele mein
zindagi kay mele mein khuahoshon ke rele mein

[~pari~]

nice collection keep it up.....