[Khu$h!]

gehraa sannaaTaa hai
kuch makaanoN se Khamosh uThtaa hu’aa
gaaRhaa kaalaa dhuuaaN
mail dil meN liye
har taraf duur tak phailtaa jaataa hai
gehraa sannaaTaa hai

laash kii tarah bejaan hai raastaa
ek TuuTaa hu’aa Thelaa
ulTaa paRaa
apne pahiye havaa meN uThaaye hu’e
aasmaanoN ko hairat se taktaa hai
jaise ke jo bhii hu’aa
uskaa ab tak yaqiiN isko aayaa nahiiN
gehraa sannaaTaa hai



ek ujRii dukaaN
chiiKh ke baad muuNh
jo khulaa kaa khulaa rah gayaa
apne TuuTe kivaaRoN se vo
duur tak phaile
chuuRii ke TukRoN ko
hasratzadaa nazroN se dekhtii hai
ke kal tak yahii shiishe
is pople ke muuNh meN
sau rang ke daaNt the
gehraa sannaaTaa hai


gehre sannaaTe ne apne manzar se yuuN baat kii
sun le ujRii dukaaN
ai sulagte makaaN
TuuTe Thele
tumhiiN bas nahiiN ho akele
yahaaN aur bhii haiN
ham inkaa maatam kareNge
magar pahle unko to ro leN
ke jo luuTne aaye the
aur Khud luT gaye
kyaa luTaa
iskii unko Khabar hii nahiiN
kamnazar haiN
ke sadiyoN kii tehziib par
un bechaaroN kii ko’ii nazar hii nahiiN

[Khu$h!]

ab ke yuN dil ko sazaa dii hamne
us kii har baat bhulaa dii hamne

ek, ek phuul bahut yaad aaya
shaaKh-e-gul jab vo jalaa dii hamne

aaj tak jis pe vo shermaate haiN
baat vo kab kii bhulaa dii hamne

shah’r-e-jahaaN raaKh se aabaad huaa
aag jab dil kii bujhaa dii hamne

aaj phir yaad bahut aaya vo
aaj phir us ko du’aa dii hamne

ko’ii to baat hai us meN “Faiz”
har Khushii jis pe luTaa dii hamne

[Khu$h!]

Thak jaao gar pathreele raaston pe chalte hue
Kabhi soch na lena ki wahan tanha ho tum
Moond kar palkon ko apni jo tum dekhoge
Apne saath hi sada mujh ko paaoge tum

Har waqt bura kat jaat hai, yaqeen karna
Ankhon main kabhi tum ashk na bhar lena
Ghum barh jaaye, muskurahat khone lage
Apni duaaon main mujh ko paaoge tum

Ishq naam to nahin hai milan ka, deedar ka
Dil se dil ka mil jaana hai naam-e-mohabbat
Jo yaad aa jaaye meri, na samjhna ki door hoon
Apne seene main dhadakta mujh ko paaoge tum

Waqt ki garmi jo jhulsaane lage wujood
Meri chahat ki nami ko mehsoos karna
Jo sard hawaain zamane ki aane lagen paas
Meri wafaaon ki garmi ko mehsoos karna
Main tumse juda to nahin hoon mere humdum
Apne saath hi sada mujh ko paaoge tum !!

[Rider Of Sucess]

nice collection... thz for sharing.

[Khu$h!]

Yeh zindagi bari ajeeb si Kabhi gulzar si kabhi bezar Si

Kabhi khushi hamaray sath sath Kabhi gammon ki Barsat si

Yeh zindagi bari ajeeb si

Kabhi to tofanon main Bhi hain rastay Kabhi manzilon ka pata nahi

Kabhi do Kadam pay zindagi Kabhi saddeuon tak intizar si

Yeh Zindagi bari ajeeb si Kabhi her pal emtihan hai

Kabhi Bin mangay Inaam hai Kabhi kuch nahi Kabhi sab kuch si

Yeh zindagi bari ajeeb si Kabhi gulzar si kabhi bezar si

[Khu$h!]

Main andheri raat ka musafir keroon roshni ka intezaar kia??
Tay ker loon musafatain raat main sulaghtay din ka etabar kia??
Mujhay rastay main nafratain mili or kuch phool bewafai k..
Main kia janoo kia hai muhabat kia samjhoon hai yeh pyar kia??
Main tanhaiyon main zinda hoon main per katta parinda hoon..
Koi aa k mujhay bata jaey hota hai wisaal-e-yaar kiaa??
Koh-e-toor per to pohanch gaey sang le ker kuch ahl-e-nazar..
Jis nazar ko taab-e-deedaar nahi woh nazar keray deedar kia??
Yeh rog ishq ka rog hai yeh saaz nahi yeh soz hai…
Is rog ki koi dawa nahi phir dawa keray beemaar kia??
Us ne jaan meri maang li sadqay main apnay pyaar k…
Yeh dum to usi humdum ka tha phir kerta main inkaar kia??
Main thak ker baitha tha Majid ik shajar ki ghanni chaon main..
Jis ne tan man mera jala diya woh shajar tha sayadaar kia??

[Khu$h!]

Originally Posted by Rider Of Sucess

i think k koi BURA nahi huwa.....

acha G...aap kaisay kah saktay hain:)

[Rider Of Sucess]

Originally Posted by Khu$h!

acha G...aap kaisay kah saktay hain:)

ya phir kabhi bcz its time to khisco.. nice talking with u apna bohat sara khayal rekhna or duaon may yaad rekhna.. Allah hafiz

[Khu$h!]

Originally Posted by Rider Of Sucess

ya phir kabhi bcz its time to khisco.. nice talking with u apna bohat sara khayal rekhna or duaon may yaad rekhna.. Allah hafiz

Ok G khair naal jao te khair naal aao...:)

[Khu$h!]

vaqt-e-safar qariib hai bistar sameT luu.N
bikharaa hu_aa hayaat kaa daftar sameT luu.N

phir jaane ham mile.n na mile.n ik zaraa ruko
mai.n dil ke aa_iine me.n ye manzar sameT luu.N


Gairo.n ne jo suluuk kiye un kaa kyaa gilaa
phe.nke hai.n dosto.n ne jo patthar sameT luu.N


kal jaane kaise ho.nge kahaa.N ho.nge ghar ke log
aa.Nkho.n me.n ek baar bharaa ghar sameT luu.N

sail-e-nazar bhii Gam kii tamaazat se Khushk ho
vo pyaas hai mile to samandar sameT luu.N


'Ajmal' bha.Dak rahii hai zamaane me.n jitanii aag
jii chaahataa hai siine ke andar sameT luu.N

[Rider Of Sucess]

Paas apne ager wah bulate
kissa-e-gam unhe ham sunate

sar mera apne pahloo me lekar
kash koi gazal wah sunate

der kitni laga di unho ne
mar na jaun kahin aate aate

mujh se hoti ager unko ulfat
wah rakibun se keun dil lagate

elm eska to thaa aam hona
ishque aakhir kahan tak chupate

har jafa har setam bhool jate
tum bulate to keya ham na aate

jaan karte feda tum pe zahid
kash unko kabhi aazmate

[Rider Of Sucess]

Unki yaad aaye to dil kya kare
Yaad dil se na jaye to dil kya kare


Socha tha sapno main mulakat hogi magar
Neend na aaye to dil kya kare


Kaash wo meri taqdeer ho jaye
main uska aena wo meri tasveer ho jaye,


zameen asman se cut jay mera nata,
uski yad ka her lamha meri jageer ho jay


zuban khamosh, aankhon main nami hogi,
yahi bus ek daastan-e-zindagi hogi,


bharne ko to har zakhm bhar jayega,
kaise bharegi woh jagah jahan aapki kami hogi

[Rider Of Sucess]

Koi Aarzoo Nahi Hai Koi Justujoo Nahi Hai
Tera Gham Rahe Salamat Mere Dil Mein Kya Nahi Hai

Tu Bachaaiy Laakh Daaman Mera Phir Bhi Hai Ye Dawa
Tere Dil Mein Main Hi Main Hun Koi Doosra Nahi Hai

Tumhein Keh Diya Sitamgar Ye Qusoor Tha Zubaan Ka
Mujhe Tum Maaf Kardo Mera Dil Buraa Nahi Hai

Mujhe Dost Kehne Waale Zara Dosti Nibhaa Le
Ye Mutaalba Hai Haq Ka Koi Iltijaa Nahi Hai

Meri Aankh Ne Tujhe Ba Khuda Mujhsa Paaya
Main Samajh Raha Tha Mujhsa Koi Doosra Nahi Hai

[Rider Of Sucess]

Patta Patta boota boota Hal hamara janay hay
Janay najanay Gul hi na janay, Bagh to sara janay hay

Charagari bimariye dil ke rasme shehre husn nahi
Warna dilbar ay nada.N bhi is dard ka Chara janay hay

Mehr o wafa o lutf o inayat ik se waqif in main nahi
aur to sab kuch tanz o kenaye ramz o ishara janay hay.

[Rider Of Sucess]

Jaanay kyun loag pyar kartay hain?
Sach poocho to waqt barbaad kartay hain,

Kya rakha hai aise fazool kaamon main?
Raaton ki neend apni haraam kartay hain,

Kuch nahi milta dil lagaanay main,
Jeena aur bhi dushwaar kartay hain,

Jhoot hain sab ishq o pyaar ki baatain,
Yeh lafz kitaabon main hi sajaa kartay hain...,

[Rider Of Sucess]

Mera khamosh reh kar bhi unhain sabb kutch suna dena
Zuba'n se kutch na kehna dekh kar aansoo baha dena

Nasheman ho na ho ye to falak ka mashghala thhehra
K do tinkey jaha'n par dekhna bijlee gira dena

Ijazat ho to kehdoo'n qissa e ulfat sar e mehfil
Mujhey kutch to fasana yaad hai kutch tum suna dena

Mai mujrim hoo'n mujhey iqrar hai jurm e mohabbat ka
Magar pehley khata par ghaur kar lo phir saza dena

Mai jiss haalat mai pohncha hashr waley khudd pukar utthey
Koi faryad karne aa raha hai raasta dena

[Rider Of Sucess]

mudaat howi hay yaar ko mahmaan kiye howay
joshe qadha se bazam charagaan kiye howay



karta hon jama phir jigar e lakht lakht ko
arsa howa hay dawat e mishgaan kiye howay


phir wazha e ahtiyaat se ruknay laga hay dam
barso howay hain chaak garaibaan iye howay


phir garm e nala haye sharar baar hay nafas
muddat howi hay sairae charagaan kiye howay


phir purshishe jarrahate dil ko chala hay ishq
saman e sad hazar namakdaan kiye howay


baham digar howay hain dil o deeda phir raqeeb
nazzara o khayal ka saman kiye howay


dil phir tawafe koey malamat ko jaye hay
pindaar ka sanam qada weeraan kiye howay


phir shoq kar raha hay kareedaar ki talab
arze matae aqal o dil o jaan kiye howay


doray hay phir har aik gul o lala par kahayl
sad gulistaan nigah ka saman kiye howay


phir chahta hon,naamae dildaar kholna
jaan,nazrae dil faraibi onwaan kiye howay


mangay hay phir,kisi ko lab e baam par hawis
zulf e siyaah,rukh pe preshaan kiye howay


chahye hay phir,kisi ko muqabil main,aarzoo
surmay se taiz dashna e mishgaan kiye howay


ik no bahar naaz ko takay hay phir nigaah
chera faroge may se gulistaan kiye howay


phir,jee main hay k dar pe kisi k paray rahain
sar zair baar e mannat e darbaan kiye howay


jee,dhondta hay phir,wohi fursat k,raat din
bhaithay rahay tasawurr e jaana kiye howay


ghalib,humain na chair k phir josh e ashk se
bhaitay hain hum tahiyyae tofaan kiye howay

[Rider Of Sucess]

Wafa mein ab yeh hunar ikhtiyaar karna hai
Woh sach kahay na kahay aitbaar karna hai
.
.
Yeh tum ko jaagtay rehnay ka shoq kab se hua?
Mujhe tau khair tera intizaar karna hai!!
.
.
Hawa ki zadd mein jalanay hain aansu-on k charagh
Kabhi yeh jashan sar-e-raah guzaar karna hai
.
.
Woh muskura k naye was-wason mein daal gaya
Khayyal tha yeh k ussay sharamsaar karna hai
.
.
Misaal-E-Shaakh-E-Barehna khizaan ki rut mein
Khud apnay jism ko barg-o-baar karna hai
.
.
Tere firaq mein din kiss tarah kaatay hain
K shughal-e-shab ko sitaray shumaar karna hai
.
.
Chalo yeh ashk hi moti samajh k baich aayein
Kissi tarah tau humain rozgaar karna hai
.
.
Kabhi tau dil mein chhupay zakhm bhi numaayaan hon
Quba samajh k badan taar taar karna hai
.
.
Khuda khabar yeh koi zid hai k shauq hai MOHSIN
Khud apni jaan k dushman se piyar karna hai....!!!

[Rider Of Sucess]

Sham-E-Gham bikhar gayee ho gi
Janay kiss kiss k ghar gayee ho gi
.
.
Itni larzaan na thi charagh ki la'u
Apnay saaye se darr gayee ho gi
.
.
Chandni ik shab ki mehmaan thi
Subah hotay hi mar gayee ho gi
.
.
Dair tak woh khafa rahay mujh se
Door tak yeh khabar gayee hogi
.
.
Aik dariya ka rukh badaltay hi
Aik nadi phir utar gayee ho gi
.
.
Jiss tarah woh safar pe nikla tha
Sari raunaq udhar gayee ho gi
.
.
Raat suraj ko dhhondnay k liye
Taa ba hadd-e-sehar gayee ho gi
.
.
Meri yaadon ki dhoop chhaaon mein
Us ki surat nikhar gayee ho gi
.
.
Ya talluq nibh na saka us se
Ya tabbiyat hi bhar gayee ho gi
.
.
Teri pal bhar ki dosti MOHSIN
Us ko badnaam kar gayee ho gi.....!!!

[Rider Of Sucess]

Hum tere shehr main aye hain musafir ki tarha
sirf ek bar mulakat ka moka de day...

Hum tere shehr main aye hain musafir ki tarha..

meri manzil hai kaha mera thikana hai kaha?
subho tak tujh say bhichar kar mujhay jana hai kaha?
sochnay k liye ek raat ka moka de day..

Hum tere shehr main aye hain musafir ki tarha..

apni ankho main chupa rakhay hain jugno mai nay
apni palko main saja rakhay hain ansu main nay
meri ankho ko bhi barsaat ka moka de day..

Hum tere shehr main aye hain musafir ki tarha..

aj ki raat mera dard-e-muhabat sun lay
kapkapatay huay honto ki shikayat sun lay
aj izhaar-e-khayalaat ka moka de day..

Hum tere shehr main aye hain musafir ki tarha..

bhoolna tha tu ye iqraar kya hi kue tha?
bewafa tunay mujhay pyar kya hi kue tha?
sirf do char sawalaat ka moka de dy..

Hum tere shehr main aye hain musafir ki tarha..
sirf ek bar mulakat ka moka de day...