[Izzat]

Sheeshay ki ek Guriya
Mae kia bataoun tumhein k wo kia thee
Bus sheeshay ki ik guria thee
Phir kaise wo bikhar gayee
Ye aik taveel kahani hai
Jo us ki apni zubani hai
Aik raat suhani aayee thee
Pariyoon ki baraat liye
Khushiyoon k lamhaat liye
Aur us ko apne saath liye
Wo aik roop nagr ka shahzada tha
Mae apne mun ki rani thee
Phir rahoon mein mulaQat hoee
Aur us se mun ki baat hoee
Yun chahat ki barsaat hoee
Phir mere chaman ka hur guncha
Aik nayee shaQal mein khil utha
Jub khushbu ki mehkaar hoee
Tu saray mosum must hoay
Ab mera mun bhee shaad howa
Aik sapna hur aik raat hwa
Yun sapnon ki baraat hoee
Aur sawan ki barsaat hoee
Per khwaab kahan such hota hai
Ye neendon mein ik dhoka hai
Ab saray mosum beet gay
Aur mere mun ki hur hulchal
Du pal mein youn veeran hoee
Bus sheeshay ki mae tu guria thee
Aik thees se toot ker bikhar gayee
Jo Qadr na janay hum guriyoon ko
Wo gahuk hamein kion le jatay hain
Na Qaid karo hum guriyon ko
Hum itna kehna chahtay hain
Hum dil k rehne wale hain
Hum dil mein achay lagte hain
Per Qadr kissi shehkerr ki
be-dard zamana kia janay ...