[winter]

~*~ TUMHARI KHUWAHISH ~*~


Tumhari Khuwahish Hay
k Main Tumhary Sath Hony Wali Batoon Se
Tumhary Hontoon Aor Aankhon Ka Tasawwur Chura k
Zaroorat k BeShumar Auraaq Per
Muhabbat Ka Roohani Aor Jismani Phalsafa Naqsh Kar Don

Main Tumhy Batana Chahta Hoon...
k Mery Pass
Tumhary Hontoon Aor Aankhon Ka
Taswwur b Hay
Rung Birangy Lafz b Hain
Zaroorat k BeShumar Auraaq b Hain
Aor Be Panah Muhabbat b

Magar Main Darta Hoon....
Meri Soch Ki Almaari Mein
Kitnay Khuwaboo k Parindoo k Tootay Hoye Par Hain
Jin Ko Main Ne
Kisi Ki Veeran Neendein Sajany Ko Bheja Tha
Aor Jo Kabi Laut Kar Nahi Aye Thy
Taaqub Per Sirf Un k Par Mily Thy

Kitni Marii Hoyii Titliyaan Hain
Jin Ko Main Ne Muhabbat k Safar Per
Kisi k Hont Choony Ke Liye Bheja Tha
Magar Un Ko Maar Diya Gaya
Ehtajaaj Per Mujhy Kuch Maqtool Jism Mil Saky

Kitny Ghayel Geet Hain
Jo Kisi Ki Zalim Sama'at Ki Be Aatnayi Ki Nazar Ho Kar
Martii Hoyi Sansoon k Saath
Mery Pass Pahunchy

Main Darta Hoon k Kahin Tum b.....
Kahin Tum b...Mujhy Aarzii Sahara Samjh Kar
Kisi Aor Ki Manzil Na Ho Jao
Tum Mery Dar k Andhery Ko
Apny Aitmaad Aor Aitbaar Ki Roshnee Se Khatam Kar Do
To Phir Dekhna.....
To Phir Dekhna...Tumhary Honton Per
Alamatoon Aor Ista,aaron k Kitny Shade Ubhrein Ge
Tumhary Galoon k Afaaq Per
Mere Shairoon k Kitny Chaand Chamkein Ge
Tumhari Kalaiyon Mein
Meri Ghazloon k Kitny Gajry Mehkein Ge
Meri Nazmoon Ki Baliyaan
Tumhary Kanoo Se Liptii Rahein Gi
Mery Geetoon k Haar
Tumhary Dil Se Takraty Rahein Ge
Aor Zindagii !

Zindagii Sirf Muhabbat Ga Rahi Hogii...!!!