Z a i n o's Collection - Page 9

Zaino · #**161** (**permalink**) 14-05-2008, 12:44 AM

BaiTh jaataa huuN jahaaN chaaNv ghanii hotii hai
haaye kyaa cheez Ghareeb-ul-vatanii hotii hai

Din ko ek nuur barasataa hai merii turbat par
Raat ko chaadar-e-mahataab tanii hotii hai

luT gayaa vo tere kuuche mein rakhaa jis ne qadam
is tarah kii bhii kaheen raah_zanii hotii hai

hijer mein zahar hai saaGar kaa lagaanaa muuNh se
may kii jo buuNd hai hiiron kii kanii hotii hai

maikashon ko na kabhii fikr-e-kam-o-besh hu_ii
aise logon kii tabiiyat bhii Ghanii hotii hai

huuk uThatii hai agar zabt-e-fuGhaaN kartaa huuN
saaNs rukatii hai to barchhii kii anii hotii hai

pii lo do ghuuNT ki saaqii kii rahe baat "Hafeez"
saaf inkaar mein Khaatir-shikanii hotii hai...

Zaino · #**162** (**permalink**) 14-05-2008, 12:49 AM

bahut pahale se un qadamon kii aahaaT jaan lete hein
tujhe ai zindagii ham duur se pahachaan lete hein

merii nazarein bhii aise qaatilo'n kaa jaan-o-imaaN hai
nigaahein milate hii jo jaan aur imaan lete hein

tabiyat apanii ghabaraatii hai jab sun-saan raaton mein
ham aise mein terii yaadon kii chaadar taan lete hein

Khud apanaa faisalaa bhii ishq mein kafii nahii hotaa
use bhii kaise kar guzaren jo dil mein Thaan lete hein

jise suurat bataate hein pataa detii hai siirat kaa
ibaarat dekh kar jis tarahaa maanii jaan lete hein

tujhe ghaaaaTaa na hone deinge kaarobaar-e-ulfat mein
ham apane sar teraa ai dost har ehasaan lete hein

hamaarii har nazar tujhase nayii sau****h khaatii hai
to terii har nazar se ham nayaa paiGhaam lete hein

'Firaq' aksar badal kar bhes milataa hai ko_ii qaafir
kabhii ham jaan lete hein kabhii pahachaan lete hein

♥ρяιη¢єѕѕ♥ · #**163** (**permalink**) 14-05-2008, 09:49 PM

Quote:

Originally Posted by Zaino

BaiTh jaataa huuN jahaaN chaaNv ghanii hotii hai
haaye kyaa cheez Ghareeb-ul-vatanii hotii hai

Din ko ek nuur barasataa hai merii turbat par
Raat ko chaadar-e-mahataab tanii hotii hai

luT gayaa vo tere kuuche mein rakhaa jis ne qadam
is tarah kii bhii kaheen raah_zanii hotii hai

hijer mein zahar hai saaGar kaa lagaanaa muuNh se
may kii jo buuNd hai hiiron kii kanii hotii hai

maikashon ko na kabhii fikr-e-kam-o-besh hu_ii
aise logon kii tabiiyat bhii Ghanii hotii hai

huuk uThatii hai agar zabt-e-fuGhaaN kartaa huuN
saaNs rukatii hai to barchhii kii anii hotii hai

pii lo do ghuuNT ki saaqii kii rahe baat "Hafeez"
saaf inkaar mein Khaatir-shikanii hotii hai...

nice.....

Zaino · #**164** (**permalink**) 21-05-2008, 10:24 PM

Tera dard tha, teri yaad thi..
Main jahan raha, main jidhar gaya...

Mera din tou yunhi guzar gaya..
Junhi shaam hui main bikhar gaya...

Is abr ka mere yaar se..
bara milta julta mizaaj tha..
Kabhi toot k baras gaya...
Kabhi berukhi se guzar gaya..

Jab mein chor dunga wo gali...
Usay yaad ayegi tab meri...

Khojay ga wo tab mujhe...
Usay khabar miley gi main guzar gaya...

Abhi tang hai wo mere naam se..
Mere baad ayega wo doston...

Wo tumhein ko rouk k pooche ga..
Wo kahan pe hai, Wo kidhar gaya.../

Zaino · #**165** (**permalink**) 21-05-2008, 10:42 PM

Uski chahat ka sila yaad nahi..
Yaad hai jurm.. Saza yaad nahi...

Torr kar humsafari ka raasta..
Wo kahan chor gaye, Yaad nahi...

Apney girney ka sabab yaad tou hai...
Ki bulandi se girey, Yaad nahi...

Yaad hai uska bicharna humko..
Phir hamein jo bhi mila, Yaad nahi...

Zaino · #**166** (**permalink**) 21-05-2008, 10:49 PM

Ajnabhi hai tou merer zehan mein kyun rahta hai...?
Wo jo patthar hai, tou sheeshon ka maseeha kyun hai ..?

Wo hawa hai tou guzar jaye,, hawaon ki tarhan ...
Wo samader hai tou bahta rahe, therha kyun hai..?

Mere aangan mein nahi hai koi umeedon ka gulaab..
Phir ye mausam mere aangan mein utarta kyun hai ..?

Jis k chehre pe sabhi jhoot ki tehreerein hain...
Dil usi shakhs k waadon se behalta kyun hai ..?

Ye mera DIL, ye MAUSAM, ye ANJAAN sa DIL..
Phir najaney itna DHARAKTA kyun hai..?

Zaino · #**167** (**permalink**) 21-05-2008, 10:56 PM

Teri ulfat mein har ek hadd se guzar jana hai ...
Tere bin ab hamein jeena nahi, mar jana hai..

Bin tere ab kaise mukammal ho ye safar jeevan ka..
Saamne aagayi manzil tou tehar jana hai..
Apni saanson ko tere naam kia tha humne..
kia khabar kabhi tujh se bhi bichar jana hai ...

Saaray kaanton ko teri raah se hata dene k baad..
Ban k gul khud tere raste mein bikhar jana hai..

Meri hasti hai faqt rait mein likha hua naam..
Ek zara tez hawa ayi, tou urr jana hai..

Tou na karna kabhi SHAH kisi waadey pe yaqeen..
Ahl-e-Dunya ne tou waadon se mukar jana hai..//

Zaino · #**168** (**permalink**) 21-05-2008, 11:07 PM

Uski hasti mein utar janay ko G chahta hai..
Kaam mushkil sahi, kar janey ko G chahta hai..

Shoq-e-Awaargi ab itna hai k ab ban k lahoo..
Us ki rag rag se guzar janey ko G chahta hai..

Pattahron k yehi anjaam hua karte hain..
Toot k aaj bikhar jaaney ko G chahta hai..

Takhta-e-Dar pe hum, Mahver-e-Tamasha Dunya..
Munfarid sab se nazar aaney ko G chahta hai..

Lab pe muskaam ho aur Dil mein ho mehshar barpa..
Aisey haalat mein mar janay ko G chahta hai..

Jis jaga ja k koi laut k phir aata nahi...
Janay kyun aaj udhar janay ko G chahta hai..
Aaj tan mann ko jalati hai hawa bhi kyun...
Aaj matti mein utar janay ko G chahta hai..//

♥ρяιη¢єѕѕ♥ · #**169** (**permalink**) 22-05-2008, 07:07 AM

Ye gaye dinon ki baat ha usi rah pay tum meray saath thay
Main naye safar pay hoon gamzan mujhay door ja k sada na day
Mujhay dushmanoon say gila nahi, sila dostoon say mila nahi
Mujhay jitna jeena tha jee chuki, mujhay aur jeenay ki dua na day

Zaino · #**170** (**permalink**) 26-05-2008, 01:16 AM

Kabhi yaadein kabhi sapney suhaney bhej deta hai...
Mujhe aksar wo Yaadon k khazaney bhej deta hai...

Main jab guzre dinon ki talkhiyon ko bhool jata hon ..
Wo mujhe phir se koi beetey zamaney bhej deta hai...

Kabhi qasmein bhi ahd-e-wafa O hosla de kar...
Hamein wo zinda rahne k bahaney bhej deta hai...

Zaino · #**171** (**permalink**) 26-05-2008, 01:18 AM

Koi aisa pal bhi hua karey..
Main kahon aur wo bas suna kare...

Meri fursatein , Meray mashgaley...
Sabhi apne naam likha kare...

Koi baat ho kisi shaam ki...
Koi zikar ho kisi raat ka...
Jo sunaney bethon usey kabhi..
Wo suney tou sun k hansa kare...
Jo main kahon chalo us nagar..
Jahan jugnoun ka hujoom ho..
Wo palat k dekhe meri taraf..
Aur mujhko PAGAL kaha kare..

Zaino · #**172** (**permalink**) 30-05-2008, 04:54 PM

Rog aise bhi Gham-e-Yaar se lag jate hain...
Dar se uthtey hain tou Dewaar se lag jatey hain..

Pehlay pehaly hawis ki aadhi dukan khulti thi..
Phir tou bazar k bazar se lag jatey hain..

Bebasi bhi kabhi firqat ka sabab banti hai ...
Ro na payein tou galay, yaar se lag jatey hain..

Daagh daaman k hon, DIL k hon, ya chehrey k hon..
Kuch nishaan umar ki raftaar se lag jatey hain.../

Zaino · #**173** (**permalink**) 30-05-2008, 05:11 PM

Kabhi yaad aye tou poochna..
Zara apni khalwat-e-Shaam se...
Kisey ishq tha teri zaat se..
Kise pyar tha tere naam se..

Zara yaad kar k wo kaun tha..
Jo kabhi tujhe bhi azeez tha..

Wo jo ji utha tere naam se ..
Wo jo mar mita tere naam pe...

Hamein berukhi ka nahi gila..
K yehi wafaon ka hai sila...

Magar aisa jurm tha kaunsa..
Gaye hum Dua-o-Salam se..

Na kabhi visal ki chah ki..
Na kabhi firaaq mein aah ki...

K mera tareeqa-e-bandagi...
Hai juda tareeqa-e-aam se...

Zaino · #**174** (**permalink**) 12-06-2008, 04:44 PM

Ek lafz MOHABBAT hai isey kar k dekho...
Barbaad na ho jao tou mera naam badal dena...

Ek lafz MUQADDAR hai is se lar k dekho..
Haar na jaao tou mera naam badal dena...

Ek lafz WAFA ka hai , jo zamane mein nahi milta..
Kahin se dhoond k lao tou mera naam badal dena...

Ek lafz AANSOO hai, isey dil mein chupa k dekho...
Aankhon se na beh jaye, tou mera naam badal dena...
Ek Lafz JUDAI hai, isey seh k dekho...
Toot kar na bikhar jao , tou mera naam badal dena...

Zaino · #**175** (**permalink**) 25-06-2008, 05:41 PM

Zara paaney ki chahat mein bohat kuch chhot jata hai...
Na janey sabar ka dhaga kahan pe toot jata hai.../

Kisey hamrah kahte ho, yahan tou apna hi saya hai...
Kahin pe saath rahta hai, kahin pe chhot jata hai.../

Jaba shay hai ye rishta bhi, Bohat mazboot lagta hai ...
Zara si bhool se lekin bharosa toot jata hai.../

Zaino · #**176** (**permalink**) 03-07-2008, 05:18 PM

Mere Ishq ko bhi nidhaal kar...
Kabhi hijar ko bhi wisaal kar...

Meri aankhon ko binaai de,
Mere qalb ko ujaal kar.
Mujhe dars de tu fana ka,
Mere ishq mein bura haal kar.

Mujhe de saza koi sakht si,
Mujhe is jahan mein misaal kar.

Meri asal surat bigaar de,
Kisi ishq bhatti mein daal ker.

Mujhe bhi pila koi aisi shay,
Kabhi meri aankhein bhi laal ker.

Wo jo us jahan mein halal hai,
Kabhi is jahan mein halal ker.

Teri talb mein ho main darbadar,
Kabhi is taraf bhi khayal kar.

Zaino · #**177** (**permalink**) 03-07-2008, 05:22 PM

Maine ek Khwaab dekha hai...!

Aur khuwaab mein maine ,
Ek chupi haqeeqat ko benaqaab dekha hai..
Maine is mein dekha hai k
Tumhare bin meri zindagi adhori hai..
is adhorey jeewan mein iztiraab dekha hai...

Maine ek Khwaab dekha hai...!

Meine ye bhi dekha hai..
Bin tere main zinda hon..
Dharkanein tou saaqit hain..
Sirf saans leta hon...
Aur saans lena bhi ek azaab dekha hai...

Maine ek Khwaab dekha hai...!

Jab bhi saans chalti hai..
Tera naam japti hai..
Teri muskurahat se..
Aarzo machalti hai..
Tera pyar is dil mein behisaab dekha hai..

Maine ek Khwaab dekha hai...!

Zaino · #**178** (**permalink**) 06-07-2008, 08:35 PM

Muskuratey raha karo yunhi...
Jagmagatey raha karo yunhi../

Tum baharon ko saath latay ho..
Aatey jatey raha karo yunhi../

Hum hain petey tumhari aankhon se..
Tum pilatey raha karo yunhi../

Ek din wo zaroor sun le ge..
Tum sunatey raha karo yunhi../

Pattharon se wafaein kis ko milein..
Bas nibhatey raha karo yunhi../

Us ki aadat hai roothna aisey...
Tum manatey raha karo yunhi../

Zaino · #**179** (**permalink**) 13-07-2008, 04:49 PM

Sabse chupa ker dard, Jo wo muskura diya...
Uski hansi ne tou aaj mujhko Rula diya..../

Lehjay se uth rahi thi har ek dard ki daastan...
Chehra bata raha tha k sab kuch ganwa diya.../

Awaaz mein thehrao tha, Aankhon mein nami thi ...
Aur kah raha tha k maine sab kuch bhula diya.../

Jaaney kia thien logon se usko Shikyatein...
Tanhaaiyon k Dais mein khud ko basa diya.../

Khud bhi wo humse bichar k Adhora sa ho gaya...
Mujh ko bhi itney logon mein tanha bana diya.../

Zaino · #**180** (**permalink**) 13-07-2008, 04:50 PM

Is Qadar mujhko satatey ho tum...
Bhool janey per bhi yaad atey ho tum.../

Sard raaton k sannaton mein...
Meray dil ko behlatey ho tum.../
Kabhi kabhi tou mehsoos hota hai aisey...
Mera naam baar baar dohratey ho tum.../

Bara tumko bhoolna chaha maine...
Phir bhi har baar yaad aatey ho tum.../
Jab bhi khuda se kuch manga maine...
Meray dil ki Dua ban jatey ho tum.../

Yaad tou meri bhi tumko zaror aati hogi...
Kyun is baat ko jhutlatey ho tum.../