[Im_Sha]

Namkeen Ghazal.
----------------------

Main Shekaar Hoon Kisi Or Ka, Mujhay Marta Koee Or Hai
Mujhay Jis Nay Bakri Bana Dia, Wo Tu Bheriya Koee Or Hai


Kaee Sardiyaan Bhi Guzar Gaee, Main Tu Us Kay Kaam Na Aa Saka
Main Lehaaf Hoon Kisi Or Ka, Mujhay Ourhta Koee Or Hai


Mujhay Chakaroo Main Phasa Dia, Mujhay Eshq Nay Tu Rula Dia
Main Tu Maang Thi Kisi Or Ke, Mujhay Mangta Koee Or Hai


Main Tanga Raha Mundair Per Keh Kabhi Tu Aaye Ga Sehan Main
Main Tha Muntazir Kisi Or Ka, Mujhay Ghoorta Koee Or Hai


Sar -e- Bzam Mujh Ko Utha Dia, Mujhay Maar Maar Lita Dia
Mujhay Marta Koee Or Hai, Wlay Hanpta Koee Or Hai


Mujhay Apni Bivi Per Fakhar Hai, Mujhay Apnay Salay Per Naaz Hai
Nahi Dosh Dono Ka Is Main Kuch, Mujhay Daanta Koee Or Hai


Main Tu Phaint Phaint Kay Phat Gia, Main Phata Howa Wahi Tash hoon
Mujhay Khailta Koee Or Hai, Mujhay Phainta Koee Or Hai


Meray Roub Main Tu Wo Aa Gia, Meray Samnay Tu Wo Jhuk Gia
Mujhay Laat Kha Kay Khaber Hoee, Mujhay Peet-ta Koee Or Hai


Hai Ajab Nazaam Zakat Ka, Meray Mulk Main Meray Dees Main
Usay Kaat-ta Koee Or Hai, Usay Banta Koee Or Hai


Jo Garajtay Hoon Wo Barastay Hoon, Kabhi Esa Ham Nay Suna Nahi
Yaha Bhonkta Koee Or Hai, Yaha Kaat-ta Koee Or Hai


Ajab Aadmi Hai Yeh Qasmi, Isay Be Qasoor He Janiyey
Yeh Tu Dakiya Hai Janab -e- Mann, Isay Bhejta Koee Or Hai

[ Zia ul Haq Qasmi ]

[untruefeelings]

Meray Roub Main Tu Wo Aa Gia, Meray Samnay Tu Wo Jhuk Gia
Mujhay Laat Kha Kay Khaber Hoee, Mujhay Peet-ta Koee Or Hai
ha ha ha
bht funnny hai
TFS

[Style Mantra]

nice...........