nishanyaat-e-ghalib kay sakhtyati mafaheem

maqsood hasni · #1 (**permalink**) 15-09-2007, 08:36 PM

JADAD

Jadad bada noshi-e-rindaan hai shash jayhat
Ghafal gomaan karay hai kah giti kharaab hai

Jadad (Ja’aydad) zatti cheez hoti hai.Es per bila sherk-e-gheray tasaraf ka haq hassal hota hai. Tasaraf ki noeat kiya hai, es ka taalaq jaded kay malak say hota hai. Jadad madi or fikri-o-finni ho sakti hai, almi ho sakti hai, hasool-e-marfat ho sakti hai. Goya gadad ki noeat kay motabaq jaded ki tushreh-o-tafheem mumkin hoti hai. Jab kaha ja’ay jaded main shash jayhat mayassar hain to yah batt hi or hai. Islami nuqta-e-nazar say sari kaenat Allah nay ensan kay lea takhleeq farmae hai jo kavash kartay hain, apni kavash kay tanasab say hessa pa latay hain. Ashya kayestamal kay motabaq hassal mayassar aata hai.yah batt bhe es say wabasta hai kah kaaysay kiya jata hai. Hassal os estamal kay motabaq hi dasyab ho sakay ga.

Rohani noqta-e-nazar say ehhal-e-urfan ka zooq, kaenat ko oon kay lea mosakhar rakhta hai Wo hajat say bala hotay hain es lea kaenat kay estamal ki surat dusroon say mukhtalif hoti hai. Dakhnay wala samjhain gay kah faeda nahain othaya jar aha halanah woe s jaded ko tsaraf main la rahay hotay hain. Mayassr jaded darja charam say motalaq hi kayoon na ho shakhas eskay hawala say jagirdar, samayadar ya sahia-e-jadad hi kehlata hai. Os kay lea e ski bari ehmeat hoti hai. Es kay bagher wo tital say mehroom rehta hai. Jadad aala ya adna nahain hoti. Wo serf or serf jaded hoti hai.Ayain mumkin hai darja chahram ki zameen ki teh main Qaroon ka khzana chupa howa ho jabkah darja awal ki zameen apnay shekam main saim thoor kay aanasar rehti ho. Es lea jaded kay estamal ko awaleat ka darja hassal rahay ga. Ghulam Rasool Mehar kahtay hain:
“Sari kaenat--- eak javaghah hai e ski har shay say haqeqat shanas dil yah
sabq laytay hain kah es kay pas-e-parda eak aazeem Sana’ay ki tadbeer-o-
karfarmae jari hai. Jo lopg urfan ka zooq nahain rakhtay wo samjhtay hain
kah dunya abta or bay’sar-o-pa hai. Jiss ki koe kal sehdi nahin.”(57)
Koe kal sedhi ho ya na ho jaded ki makeat ka es say koe taalaq nahain. Assal taalaq tasaraf say hai.

Jadad ka tasaraf sood-o-zayaan samay lata hai. Sood ki surat main zahmat kam neamat zayada hoti hai. Pert ult kar dekheay zayaan ki surat main ensan dastbardari ka élan kar data hai, hrgez nahain wo jo or jayse bhe hai os kay titak ka zarea hai. Eak tasavar say zayaan wabasta hai kiya yah zaroori hai kah dusray tsaraf say bhe chemta howa ho.

JALVA

Jalva pher araz-e-naz karta hai
Rooz bazaar jaan sapari hai

Neshan jalva kay mafaheem ba’zahar 8 daeroon main mulfoof nazar aatay hain:
1- Ezhar-e-zatt 2- Dedar dayna 3- Vajood main aana
4- Andaz-o-ada 5- Namaesh-e-hosan
6- Dekhava, musnoe sajvat, matasar karnay (kay lea) banao sangar
7- Kisi mukhsoss ka tushreef lana
8- kisi mukhsoss ka tushreeh rekhna

Raad-e-sakhat say es neshan kay maeni taqabal kay baramad hotay hain. Hosan or hosan parastoon ka hosan ghalab aata hai kah hosan parastoon ki hemat-e-aali ki jo tab la sakain gay jab wo pehlo-e-hosan main jaga pa sakain gay. Jo chall bassain gay “havas kho behtain gay” surkharoo therain gay oon kay lea yahhi kafi ho ga kah onhoon nay hosan ko ba’chasham-e-khud malahzah kiaa. Pas-e- sakht jalva kay maeni wo cheez ya namood jiss ki taab na lae ja sakay. Dastanoon main es qessam kay waqayaat mojood hain kah jab hosena /shazadi samnay aae shazada os kay hosan ki taab na la saka or bay’hosh ho gaya. “Musa ki qoom nay jalva-e-khodavandi kay lea esrar kiya, wahein dhaer ho gay. Khud Musa Bay’hosh ho gay” (58).

Chand mazeed mafaheem malahzah hoon:
Namaesh karna, khud ko dusaroon ko dekhana, kisi khas andaz say samnay aana, namudar hona, nazaara karna, noor, ronaq, mashooq ka naz-o-ada say chalna, Dulha dulhan ka aamnay samnay bath kar aaenay main dakhna
Badshah ka jharokay main bathna
Dedar, zeyarat, nazaara, darshan, namaesh, namood, khud namae, hosan, jamal, khobi
Aamad, tashref aavri, warad hona, achanak aamad
Kisi bhalay kay mathay lagna
Kisi parivash say samna hona, dedar hona
Achanak molaqaat
Kisi nae jinis ka bazaar main aana
Sampal, namona
Ronamae, namaesh
Assal roop dakhna, asleat malahzah karna
Dayer say khana chuna jana
Janggi mashqain, askari maharat dakhna
Kartab, kamal, hunarmandi malahzah karna,
Kisi herankun cheez ka daykhna

JAAMA
Jamaa kartay ho kayoon raqeeboon ko
Ek tamashah howa gilla na howa

Es neshan kay mafaheen jannay kay lea bohat se kaenatoon say guzarna paray ga. Muslin:
· Kisi ghmi khushi kay moqa per ahbab-o-aaqarab ka akth hota hai. Es
§ akth kay lea jama ka neshan estamal main aata hai
· Kisi julsay, jaloos, saminar, bazam, anjman waghera main logoon kay
§ ejtama kay lea yah neshan bola jata hai
· Shahadat,gowahi waghera kay lea aa’ay logoon kay lea jaama ka
§ neshan booltay hain
· Yah neshan ehsab kay eak kulyay kay lea bhe boola jata hai.
· Jaama sarmayadari nazam ki eak estalah bhe hai. Es main kisi khas kay lea ya khas halat main dolat ki gardash rok de jati hai
· Tajar baradri zayada manafa khori kay lea kisi cheez ka zakhera kar
§ lati hai
· Zameen ki pedawar ya lagan kay farad say bandi ka lahqa joor deya jata hai(jaama bandi)
· Bachat kay lea bhe yahhi neshan estamal main aata hai
· Kisi ko zaleal-o-ruswa karnay, kisi moaamlay ka tasfeya karnay ya pher koe safae daynay/laynay kay lea moezzazeine-e-aalaqa ko bola lea jata hai. Oon ka ejtama bhe jaama kehlata hai

Aagha Baqar ka kehna ha
“ Tum gilla karnay kay lea raqeboon ko kayoon jaama kartay
ho. Yah gilla hai ya tamashah.” (59)
Ghulam Rasool Maher nay to saff keh deya hai:
“ Mahboob nay setam zarefi yah ki kah Ghalib kay raqeboon
ko bola lea jo pehlay hi odhar kheay bethay thay” (60)
logoon ko jaama karnay ka yah manfi hawala hai goya jan bujh kar tazleal kay lea logoon ko jaama kiya ja rah hai.

JUNBASH

Mar gaya sadma-e-yak junbash-e-lab say Ghalib
Na’tavani say hareef -e- dam -e- Esa na howa

Yah neshan apnay batan main manfi-o-musbat, donoon tarah kay mafaheem rekhta hai. Junbash ka taalaq harkat say hai. Harkat kay tafeal zindgi kay jumlah silsalay jari-o-sari hain. Harkat ka jamood zindgi kay tamaam hawaloon ko madoom kar dayta hai. Hakam kay lab ki junbash say zara pehlay qedi zinda tha. Hakam kay lab ki junbash say pehlay eak para lekha howa nokari per tha. Nambardar ya gaoon kay chohdri kay lab ki junbash kisi kami kameen ya kamzoor ki hadyaan pasleaan toor kar rekh dayti hai. Zameen ki eak karari junbash hastay bastay aalaqay ko malbay main badal kar rekh dayti hai. Hakam kay lab ki junbash aazad ko bayreaan pehna sakti hai taham junbash kay musbat mafaheem bhe etni hi shedat rekhtay hain. Maslan Badshah kay lab ki junbash kcsh ka kcsh kar sakti hai. Mahboob ki aankhoon ki junbash aashaq ki ragoon main nashat kay payalay ondael dayti hai.

Junbash kay pas-e-sakht dekhain, yah lafaz or maeni bhe rakhta hai. Es she’er kay hawala say junbash ko dekode karain. Junbash-e-lab say pehlay aashaq zinda tha. Esa bhe masehae kay lea ponch gaya tha. Sawal othta hai aashaq maez lab ki junbash say mar gaya. Goya os nay ahwal kehnay kay lea lab kholay hi thay kah na’tavani kay sabab os kay lab ki junbash lay baythi. Mareez kuch kahnay ko tha kah kisi kay laboon ki junbash (kuch kaha nahain) nay mana kar deya. Mareez janbash ki zoban samjh gaya. Kuch kah na paya, agar kah dayta to mun ka bojh halka ho jata or maseha kahay gay ahwal kay motabaq masehae karta. Ya pher Esa kuch perh kar phunkta.

Molana Saha or Yousaf Saleem Chesti nay yahhi maeni lea hain. Apni karamat dakhata.
Kisi kay hontoon ki junbash ki zoban kay mafhoom daryafat karnay kay baad hi she’er ki tafheem mumkin hai. Ho sakta hai kaha gaya ho “Rusva karnay lagay ho?!” Eshaq ki batt logoon main kha wo Esa hi kayoon na ho, kehnay ki nahain hoti. Kuch keh na saknay kay sabab mun ka bojh bher gaya jo marez ki jan janay ka ssbab bana. Taham yah atya junbash ka hi hai kah marez nay hoont kholay bhe nahain kah koe bhaanp gaya kah yah sab kuch baknay wala hai, ossi lamhay os kay lab harkat main aa’ay,. Kissi or nay kuch sonna nahain na’tavaan jo oon laboon ki zoban janta tha, nay unkahi son li. Eshaq ki batt ka etna bojh hota hai. Aashaq ki moot say es ka ba’khobi andaza ho jata hai.

JANNAT

Ham ko maloom hai, jannat ki haqeqat,l ekin
Dil kay kuch rakhnay ko Ghalib yah khayal acha hai

Es she’er ki tafheem ka sara daromadar lafaz “Jannat” per hai. Jannat Arbi essam movans hai. Yaeni wo bagh jiss ki zameen sabaz tehnioon say dhaki ho. Bahesht ka bagh(61)
Sovarg (62) Marnay kay baad sahib-e-eman, naykoon karoon ka maskan, Abakas ka balae hessa (63) Ur’raf main sakoon, aasodgi or madi wasael ki faravani kay lea bhe booltay hain. Es lafz ki tafheem kay lea char kod estamal karnay ki zaroorat mehsoos hoti hai:
1- Mazhabi kod. Naek amal kay selay main marnay kay baad milnay walay
sowaab (Jannat) ka Ghalib mazaq ora rahay hain. Pehli nazar main yahhi
mafhoom samjh main aata hai. Etni asan,sasti or foran samjh main aa janay
wali tafheem Ghalib kay es lafz ki ho hi nahain sakti.
2- Masherti kod. Ghalib kay puraashoob ehhad main aasudgi, aasaesh, ezzat ya kisi
khushi ka mayassar aa jana, dil behlanay say zeyada batt na the. Yah mazmoon/
mafhoom aysa achuta nahain
3- Shakhsi kod. Ghar main etfaq, aasudgi, sakoon, zorooryat ki bohtat, mazaj say
laga khati bevi waghera ka eak sath mayassar aa jana na’mumkinat main dakhal
hai. Ghar ka Jannat ban jana ya Jannat nazeer hona baray nasebay ki balkah na’mumkin batt hai. Es mazmoon main koe jeddat nahain. Dusra es mazmoon ka daera entahae mahdood hai. Es lea yah firkar,lafz Jannat kay sath nathi nahain ki ja sakti.
4- Tarekhi kod. Ehhed-e-Ghalib doo entahoon say guzr raha tha:
A. Mugleya ehhad ka (Baadtareen) zavaal
B. Angrayzoon ka (Masali) aaroj

Mughal sarkar ka suraj ghroob ho raha tha es kay bavajood logoon ki nazraion mughal Badshah per lagi hoe thein jabkah angrayz ki madi taraqi, khushhali or horoon (Maymoon) ka bara shohrah tha. Ghalib logoon ki yah kushfahmi, kah najaat ki zaroor koe surat niklay gi ya Bartanea ki se taraqi-o-kushhali mayassar aa sakay gi, ko dil behlanay ka bahana qarar day rahay hain. Oon per yah haqeqat wazey ho chuki the jiss ka wo barmala ezhar bhe kartay hain. “ Ham ko maloom hai” goya wo jaan chukay thay kah mughal Badshah kabe quvat nahai pakar sakay ga. Es lea yah khitta (Barraysagheer) Jannat nahain ban sakay ga. Bartaneaa ki se khushhali or taraqqi barraysagheer ka moqadar na ban sakay gi. Aaqa Aaqa rahay ga jabkah Ghulam Aaqa ki ayar say mukti na pa sakay ga. Es kod kay hawala say Jannat ka mafhoom kisi haad tak samjh main aa jata hai.

JOOSH

Joosh-e- janoon say kuch nazar aata nahain Asad
Sehra hamari aankh main yak mosht -e- khak hai

Joosh apnay andar obaal ki kafeat rakhta hai. Honay ya karnay ka enhasar obaal ki noeat per hai. Joosh ki shedat, an’honi ko honi bana dayti hai. Yah emkan kay dar wa karta hai ya kamyabi kay bohat qareeb lay aata hai. Haad say barha josh qeyamat dha dayta hai. Joosh ka sakhtyati hawala ghussay or jazbay say jura howa hai. Ghussay main aadmi nafa-o-nuqsan ki perva nahain karta. Jazbay main apni or mokhalif ya kaam kay khathan honay ki parva nain karta. Wo bay’sar-o-saman hi medan main uttar aata hai. Es zeman main badar ka hawala mazboot haseat rakhta hai. Eshaq ka josh, janoon tak lay aata hai. Ghalib ka apna kehna hai:

Aaraz kijea johar -e- andayshah ki garmi kahaan
Kuch kheyal aaya tha wehsht ka kah sehra jal gaya

Sharayhen-e-Ghalib nay josh kay mukhtalif mafaheem daraj kia hain. Shadaan Bilgarami ka kahna hai:

“Es darja josh-e-janoon barha howa hai kah dunya ki jiss
cheez per nazar dalta hoon wo meray janoon kay aagay
koe hasti nahain rakhti” (64)
Ahsan Ali Khan kahtay hain:

“Sehra oon ki dasht novardi kay shooq ki taskeen karnay say
mazoor hai” (65)

Neshan joosh ko jazbay kay sath joor dain ya ghussay kay sath nathi kar dain, es ki entahaoon ko mapna mushkal ho ja’ay ga. Yah nahain dakhta kah fard-e-wahad pahar ka sena cheer kar dodh ki nehar kayoon kar nikal sakta hai ya yah es haqeqat per nazar nahain dalta kah mad-e-moqabal na’serff mosalah hai balkah taqat main bhe kae gonna hai. Obaal lohay ko pani bana dayta hai. Ejez-o-enksari main shakhas zatt say guzar kar zatt-e-aala ka qurb hassal kar layta hai. Zatt-e-aala kay nazdeek jumlah kaenatoon ki haseat hi kiya. Ghalib ka kehna hai:
Eshrat-e-qatrah hai darya main fana ho jana
Darad ka haad say guzarna hai dava ho jana
Darya nadi nalay ko kiya samjhta hai. Joosh main sehra ki bhala heseat hi kiya hai?!
Chand mafaheem malahzah hoon:

Obaal, khudbud, hijan, jazbat ka bay’qabo hona, valvala, mooj, hararat, tezi, zeyadti, kasrat, zoor, masti, shahvat, ghussa, ta’assab, sargarmi, shooq, tughyani, dhun, kuch kar guzarnay ka jazba, lagan
Horreat, jazba-e-jehad
Taseer, assar
Faeda
Hassal
Nateja, jo akhaz kiya gaya ho
Kamae, manafa, bachat, jama punji
Penshan, pravedant fund, GP Fund waghera
Kamal, vasf, seft,
Aaghi, alam
Bal, tavanae, qoovat, shakti, taqaat
Dastaras
Sahbao, vertara, dad-o-satad
Takhlikqi salaheat, takhliqi mada, mada manveaa, veraj
Dam kham, sakt
Sanad, degree
Aas, ommeed
Aakhrat kay lea jaama kiya gaya saman
Haraf-e-aakhar, aakhri kalma/kalmaat, jo puray kahay ka aahata ki’ay howay ho
Pura pura, na kam na zeyada, mutvazan, mokammal, saalam, apni zatt main mokammal

JOHAR

Joshanda
Qemati pathar, kholasa, lub-e-labab, atar, sat, wo cheez jo ba’zatt-e-khud qaem ho, talvar ya folad kay naqoosh jin say oon ki khubiaan undigi zahar hoti hi
Haseat, gon, khobi, hunnar, kamal, liaqat, estadad
Bhayd, assal haqeqat, raaz, chalaki, chatrae
Aaenay ki aab-o-taab, nafes lakri ki ragain
Khud kushe, lartay lartay mar jana, rajpoot jab dushman say maghloob honay lagtay thay to beve bachoon ko halaak ya nazar-e-aatesh karkay khud bhe halaak ho jatay thay
Atom, taqseem na honay wala zarra (66)
Moti (67)
Marvareed
Nachoor,rooh, wo joz jo qaem bilzatt ho (68)
Malkiat khatam hona
Raqam dubna, devaleaa nikalna, zaya hona
Taalaq tootna
Nazroon say girna
Sakh khtam hona
Jovani khatam hona
Her qessam ki munfi tubdeli

CHARA

Aalaj, tadbeer, daroo, anjam, madad (69
Tareqa, zareaa, vasela
Hull, dava (Medicine), dast-e-sawal daraz karna
Rajoo, dooaa(Prayer)
Koshesh, sae-o-johad, bhag door
Minnat samajat, reshvat, muk’moka, TC, cha’palose
Qaraz, zokaat, khareat, Allah kay naam per jo deaa ja’ay, sadqa, bheak
Saya, saeban
Moot, khud kushi, qatal, qaeed
Shadi, nekah, bhandan
La’taalaq, aaq karna, bay’dakhal karna
Shakaet, nalesh,patetion, dawaa, (Kay khalaf) darkhsat
Aah-o-zari, rona dhona
Aaza ka katna
Marham pati, tona totka, taveez dhaga, dam darood
Payar, mohabbat, dosti
Begarna, ghusa, sakhti karna
Sabr, shukr, Qanaat
Aaladgi, dast bardari, ta’yaag
Safar,hijrat, mahajrat
Mehnat moshaqqat
Tasleem kar layna, kisi sharat ka aakharkar maan layna
Dhokah, faraeb, jhut, maker, hela, bahana
Maazrat, ma’aafi
Pa’zanjeer karna, jakarna
Za’ar dast hona

CHARAAG

Wo bartan jis main tail or bati dall kar roshan karein, Deya, lump, Bati (Dewa),
bayta, farzand, ghoray ka pechlay pa’oon per khara hona (70)
Badshah, sarbarah, ameer-e-shehar, khandan ka bara, bap, maan
Chand, suraj
Lakht-e-jegar, putar, poot
Jiss per enhasar ho
Hazoor Akram, Rasta dekhanay wala, Nabi, Ammam
Peer, faqeer, shahib-e-taqva, hadi, murshad
Wakeel, consal, mashwara daynay wala
Pehla qatra, aaghaz karnay wala, jo shuroo karay
Mohabbat, chahat, ulfat
Molaqat, vesal
Nazaam, Dene, mazhab, nazreya, Islam, thuri
Ebadat gah (Masjad, Mandar, Gerja, Goroo Davara, Ammam Bargah ,Daer, Haram waghera)
Jiss per moaashi enhasar ho, Mal-o-manal, tunkha, moaavza, evzana, mazduri, mehnatana
Nazam, aalaqay ka me’ar. MNA. MPA, BD member, ameer, surbarah-i-mumlakat, sarbarah
Doctor,Hakeem, vayd
Zaraat officer, inspector co. op socities
Dalal
Khubsurat batt
Govah, shahadti
Mahboob,mashuq, sathi, ham’rahi
Tavan karnay wala, madadgar
Charag, qutab nama, qutabi setara
Odhar daynay wala, banya, soodeaa
Gari, acha waqat, khushgovar lumhay,mahboob kay sath betay lumhay

CHARCHA

Batt ka phelna, batt ka chall nikalna
Kisi batt ka kehna, batt batana
Aaga karna, jankari dayna,waran karna, tunbeh karna
Mashhori, eshtahar, kamarshal, doondi
TV, radio, akhbar waghra main khabar shapna, internet par batt aana
Pehlana, aaghah karna
Raz khoolna, posheda na rehna, bohat say logoon ko maloom ho jana, pehalna
Salah mashvara
Hakeem kay nuskhay, dasavar say aae kisi cheez ya jinis say motalaq logoon ko maloom hona
Tazkara, shohrat, guftago, beass-o-mobasa (71)
Elan,vesal, nobat,haran say aagahi dayna
Govahoon or barateoon ki mojodgi main nikah hona, nikah kay patashay taqseem karna
Khusi kay movaqey per khushi kay élan kay lea koe shay ya ashya taqseem karna

CHAMAN

Molah, ghar, mohalah, elaqa, janam bhomi
Parevar, khandan, kunba
Khushaan, rahatain, mosaratain
Arman, tamanna, khaesh
Cheray kay badaltay rang (Ghusa,dukh,peshani, khusi waghera)
Jahaan say rezaq hassal ho raha ho, dokan, karobar ki jaga
Achchay karam, amal-e-saleha
Achchay or mazaj say mail khatay logoon ka sang
Sharab kay nasha say cheray kay badaltay rang
Ek no’bahar-e-naz ko takay hai pher negah
Chehra farogh-e-meh say gulstan keay howay
Sabza, Palat, keyari, khayabaan (72)
Wo jaga jahaan sabza waghera boein, bagh kay qetaat, gulzar, phulvari
Sabaz kiyari, chota sa baghecha jo ghar kay andar lagatay hain, bostaan sara, phuloon ka baghecha (73)
Sataroon kay jhurmat
Bachoon kay khalnay ki gaga, jahaan bachay khal rahay hoon

HALL

Mojooda zamana,halat, kafeat, haseat, asloob, too tareeq, wajad, bay khudi, reqat, zekar, beyan, taaqat, sakt, dam, es waqat, felha, essi waqat (74)
Yah neshan eak waqat main bohat say kuroon say jura howa hai. Maslan
Samaa: Hamdeaa nateaa kalam,murshadeaa kalam, es kay lea Urdu main eak mohavra hall aana/khalna mustamal challa aata hai.
Halat: Mada, shakhas, jandar, poday
Maasheat: Mall, bhao, satak, karobar, endustri, qemat, qadar
Aarza: Maraz kis sata per hai
Mareez: Bemari ki surat, sehatmandi ki surar, care, adveyat ki noeat or farahmi,
Temardari, kahaan or kiss mahool main rakha gaya hai
Mada: Ashya, khaam ya tayar shuda halat main
Waqat: Darkar ya saraf howa
Selab,Toofan: Pashgoe, rafter, sad-e-bab, nuqsan
Aafat Aafat bohat kuch cheen kar lay jati hai or badlay main bohat kuch day
Jati hai. Kiya lay gae kiya day gae
Khushi; Khushi ki noeat, kuch milla ya bigra,sawanra
Ghami Ghami ki noeat, kiya bigra, kiya nuqsan howa
Tameer: Naqsha, material ki noeat
Ejad: Haz or aasodgi kay lea ya qatal-o-ghrat say motaalaq
Takhleeq: Madi, fikri, samaji, qalam-o-kaghz kay zareay
Taghaeraat: Samaji, mosharti emrani, moaashi, seyasi, nafasyati
Eman, Nazreaat: kiya thay kiya hain. nataej, rovaeay, rujhaan or salook kay hawala say

HASAL

Khayti bari, aamdeni, nafa, nateja, phal, pedawar(75)
Kisi cheez ka baqya, naqdi, bikri, matlab, kholasa, manafa, faeda(76)
Hasal ki hoe cheez(77) pae hoe cheez (78) hath lagna, mil sakna(79)
Mayassar aana,hath lagna jo dastyab ho sakay
Karobar: Envestment
Taalaq : Ulfat, payar, Chahat, mohabbat, lagao, qurbat
Mehnat : Evzana, mehnatana, mazdoori
Tehqeeq: Nataej
Kulya waghera kay apply karnay say jo fovaed ya nuqsan samnay aaein
Koshesh: Sae-o-johad baraavar hoe ya kisi haad tak behtar rahi ya nakami ka samna
Karna para
Parvaresh: Ensan ya janvar ki parvaresh kay kiya netaj rahay
Enaet : Jiss per enaet hoe, ki halat badal gae ya moaamlah pehlay sa raha
Odhar : Deya gaya odhar gharat ho gaya ya manafa bakjsh sabat howa
HAAD

Haadbandi, emtayaz, rokna(80)
Kinara, oofaq, sarhaad, entaha, aqqalidess ka maqarara assool, rovana honay ki jaga, ahata,, bara saza jo sharet-e- Islamia kay motabaq de ja’ay, bohat zayada (81)
Faraq(82)
Moqarar or teh shuda(83)
Makiaat jo taeyar shuda ho
Oqaat, heseat
Heffz-e-moratab (kay motabaq) protokool
Sharae or gher sharae hadood ka fasla
Offcer or matehat kay darmeyan ekhtayarat ka fasla
Hejaab, posheda, parda main
Reshtoom main sharae ehtaram, mehram or na’mehram ka emteyaz
Merit per, estehqaaq kay motabaq asool, qaeda or qanoon kay motabaq
Dehleez, burji,bani, batti
Teh shuda, moqarara sharah
Tadaad-e-nazar
Bokh kay motabaq,
Ta’eayan (ehkhtayaraat ka)
Mumkinna
Paymana, (kay motabaq) taqseem, aanaet
Zoqat, fitrana, vajbaat
Sharah sood
Umer, arsa, girvi ki mudat, mudat
Peer ka khencha howa daerra

HASRAT

Kisi shay kay na millay ka afsoos, afsoos, pashmani, aarzoo, arman, daraygh (84)
Khaesh, Tamanna
Shooq
Ta’saf, ranj, dukh
Kaash falaan cheez mil jati, ya falaan kaam es tarah say ho jata
Kisi jaga jannay ki khaesh, koe cheez khreed karnay ki aarzoo

HAQ

Sach, sedaq,laeq,vajab, darost, bayja, theak, sabat, qaem, faraz, zemadari, jaez, mobah
Ensaf, sillah, badlah, moaavzah, mazdoori, ennam,neak,aadal,
Asleat, waqeah, monsab, ekhtear, darosat (85)
Merit
Nekah, aaqad
Zarori hona, haq-ul-amer,aagah hona, haq-ul-khabar (86)
Sachae, assal main, ahwal-e-waqeaa
Jiss ka kah ho, jiss ki malkiaat ho
Pura tool
Haiseat kay motabaq protokol
Jitna kah banta ho, (kay) motabaq
Farman-e-elahi, Farman-e-nabi, mamoon ka kahna, hadi or murshad ka farmaya howa
Tovazan, tarteeb, moqarra, teh’shuda, pura
Motaalaq, assal kay motabaq, mosadqah
Gurba or massakeen ka hessa
Mokammal, saalam, pura, kisi khrabi ya kaji kay bagher
Seraat-e-mustaqeem
Shak-o-shuba say bala
Khalas, khara, sacha,sucha

HOSAN
Khubi, undgi, bhalae, khushnamae, dilrabae, khubsurti, jamal, ronaq joban, bahar (87)
Chamak, nekhar, rang nikalna, wazey hona
Jo motasar karay
Shabab
Jachna, phab, bhalla lagna, bha jana
Tarteeb, tunzeem, tovazan
Methay bool, shaesta guftago, ba’maeni guftago
Sajavat, aaraesta, tamkaya howa
Banao singhar
Jo bohat suoon main nemayaan ho
Jaa-e-nazar, apni banavat kay hawala say maqnateseat ka hamal ho
Safae suthrae
Ehtamam, unda pash kash
Asool kay motabaq, sach, haqeqat
Jo mohtabar , mohtaram or mahboob theray
Jiss ki janab raghbat peda ho
Sametri, galaemar
Deyanatdari
Puri puri bant, estaqaq kay motabaq taqseem, pura tool
Doo took, billa lagi lipti
Aadal, ensaf
Gher’janabdari
Namoo, nash-o-nama, phutna, namudar hona
Shanakht, pehchan
Khud’dari, anna
Merit
Naz, nakhray, adaein
Ladla’pun
Leh, tarang, gheet kay motabaq thaap
Khush’navesi
Taqat, eqtadar, sakhti
Sukh, sakoon, aaram,
(Peat bher) mayassa
Barabar ka mail, mutvazan jora
Garam joshi, warm welcome, khush aamdeed
Unda paeking, unda pesh’kash
Kam magar umda, khush zaeqa
Khalas, pak saff, povetar
Kush lebasi
Kisi kaji or mazoori kay bagher
Chup, khamoshi

KHAK

Matti, dhool, zameen, dherti, kuch zarray, kuch nahain bilkul nahain, rakh, bhabhoot
Kayoon’kar, kis tarah, khameer, sa’resht (88)
Ensan ka mada-e-takhleeq
Daman main samoo laynay wali
(Khazanay) Ogalnay wali
Maloom, na’maloom
(khoraak) peda karnay wali
Nafi, nahi ki aalamat
Mazay jahaan kay apni nazar main khak nahain
Sova’ay khoon-e-jegar, so jegar main khak nahain
Naram-o-malaem, sakht, sanglakh, bhurbhari, shoor, seam
Segha-e-malamat
Pani mohaya karnay wali
Aanasar ka mamba
Panah gah
Bay’reham darendoon ka maskan
Badalti rutoon ka markaz
(Halaat or zoroorat kay motabaq) dhal janay wali
Phelany or sukarnay ki khaseat rakhnay wali
Jiss kay senay per khana-e-khoda hai, povetar
(Dherti)mata, (Janam)bhomi
Peyar,mohabbat,nafrat, bughaz, hasad, hamdardi waghera ka markaz
Jahaan mutzad rovaeay or saliqay eak sath chaltay hain
Mitna, mita howa
Kis qadar khak howa hai dil-e-majnoon para
Naqash her soveda - e - beyabaan nikla
Khak, ensan ayse ashraf-ul-makhlooqat ka mada-e- takhleeq hai. Sakhtyati hawala say degar madoon say yah afzal mada hai. Khak say takhleeq honay walay ensan kay lea aag, pani, hawa, sardi, garmi, khushki, tari waghera ki khedmaat , es ki marzi, mansha or zaroorat kay motabaq makhsoos hain. Noor, jo khososi ehmeat ka hamal hai, bhe es khak ki khedmat per maamoor hai. Es khaki ko adrak, fehem-o-farasat, vahi, alhaam kashaf waghera ayse naymatain mayassar hain. Khak kay es putlay main rooh (Ammer-e-Rabi), kheal, khaab, khaesh, tameez, gherat, mohabbat, tamanna, nafrat, hasad, gham,ghussa waghera chezain rekh de gae hain. Khak kay mafaheem jannay kay lea en omoor ko janna bohat zoroori hai.

Khak bay’ball-o-par urti or orati hai. Es say or es per taameer ka na’qabal-e-yaqeen haad taak kaam hota aaya hai. Yah apni kokh main bhej rekhti hai or pher ossay apnay johar ojagar kanay kay movaqey faraham karti hai. Bhej kay johar ki hafazat or nash-o-nama karti hai. Khak khaki ko os ki kartoon samaat apnay daman main chopa layti hai. Jaltay ko bhojati or thandak ponchati hai. Mukhtasar yah kah khak main na’seraff tameri johar posheda hain balkah tamer ki hefazat or sehat ka bhe kheal rakhti hai.

Zara aagay bhertay hain to dusri noeat kay johar bhe khak main penhaan miltay hain. Khak main milna eak aam mohavra hai essay ghrat hona kay maenoon main estamal kiya jata hai. Kaha jata hai, yah tum nay khak kaam kiya hai. Yaeni jo kiya gaya ba’kar-e-maez tha. Khak ki koe moaashi qadar nahain es kay ba’vajood es ki shanakht mosalm rahi hai.

Khak ko mazeed aagay ja kar malahzah ki jeay yah vasela-e-zatt hai. Es ki zatt ka ehtayhar bhe. Jiss tarah kah Ghalib kay es she’er kay pehlay misray main wazay kiya gaya hai taham dusray misray nay es ki kaya hi palat kar rekh de hai. Qaes aashqi main es haad taak gaya kah khak ho gaya. Nateja-e-kar beyabaan ko os kay es jazbay kay sabab qaes ki boli boolna pari yaeni her zera naqsh-e- soveday dil beyabaan ho gaya. (89)Sakhtyati hawala say khak kay goya chay(6) shades samnay aa’ay hain:
1- Ensani takhleq ka aaghaz khak say hota hai or khak main mil jata hai.
2- Khak ki khedmat per ungli nahain rakhe ja sakti.
3- Khak hai, nahain ka ezhar karti hai.
4- Khak shakhas kay jazbay or ehsas say ham’aahang ho kar apna vojood barqarar nahain rekh pati
5- Khak kay khameer main shaktiaan penhaan hain.
6- Khak balandeoon or pasteoon say ham’kinar hoti rehti hai

KHABAR

Etla, aagahi, waqfeat, pegham, sandaysa, afwa, hades-e-nabvi
Pata, nishan, soraagh, hosh ,sudh budh, hall
Pati shohrat, khoj, osan, havas, halat, kayfeat, Elan(90)
Aaghi,alam hona, maloom, jankari
Bhao niklana, daray ki aavaz, dara niklana, daray ka nambar maloom hona
Pesh goe
Atkal, huner, kasab say motaalaq kisi shakhas ka aaga hona
Mukhbari, mukhbar ki de gae etla
Bheed, raz ka afsha hona
Khaseat, johar ya kamal ka khulna
Taalaq vasta maloom hona
Sanaoni
Moot ki etla
Nae rah, naya tareqa sujhna
Motalqaat, mutradfaat samnay aana
Tajarba, moshahida, nateja

KHODA

Zindgi apni jab es shakal say guzri Ghalib
Hum bhe kiya yaad karain gay kah khoda rakhtay thay

Es she’er ka kaledi lafaz “Khoda” hai. Khoda farsi esam mazakar hai. Es kay maeni Allah taala, aaqa, hakam khodavand (91)
Banday kay moqabal, khalq-e-kaenat ka zatti naam, eshvar, bhagwan (92)
Esa ebn-e-maryam kay lea bhe yah lafaz bola jata hai (93)
Lafaz khoda ki tafheem kay lea teen kod estamal karnay ki zaroorat mehsoos hoti hai:
A- Mazhabi kood “Khoda” per yaqeen honay or os ki aata’at gozari kay bavajood
zindgi na’khushgowar guzri. “hum bhe kiya yaad karain gay”
awami mohavara hai. Shakaet or gillay ki surat main boltay hain
Pehli nazar main khoda ka yahhi mafhoom samjh main aata hai.
Ghalib gustakhi kay murtakib ho rahay hain lekin khoda ka yah
mafhoom tasleem nahain kiya ja sakta kayoonkah:
1- Forun samjh min aa jata hai
2- Koe Musalmam etna gustak nahain ho sakta
3- Aasulan pehlay miray main gilla jabkah dusaray misray main tobah hoti to batt ban sakti the
B- Masharti kood: Ghalib kay moaashray main dhanvaan, sarkari ohdaydar,
nawab waghera khud ghulam thay. Koe jaddi pushti ameer ya
nawab na raha tha. Ohdaydar khud mukhtar na rahay thay. Es
lea oon say kisi ata ki tovaqqo ka sawal hi peda nahin hota .
dusri taraf angrayz billa’ghaddari sellah dayta hi nahain tha. Es
lea lafaz khoda oon kay lea nahain ho sakta
C- Tarekhi kood Badshah bay’ekhtayar ho kar bbe Badshah hi kehlata tha. Wo
Khud muflass tha kisi or ko kiya day sakta tha. Ghalib darbar-e-
Shah say wabasta ho kar bhe osrat ka shaker thay. Dusri taraf
(Baad jang-e-aazadi) angrayz ki khedmat main darkhastain
gozarein. Qaseday bhe kahay kah onhain reaaya pervari ka
dawa bhe tha. Es kay ba’vajood kuch hath na laga.Mohaveray
ko bhe dakhain khoda rakhna yaeni jiss ka koe palnay wala bhe
ho. Mughal Badshah ki chakri os ki muflasi kay baess kaam
na aae. Angrayz bahadar ki “Chapolosi” os ki raoonat, fitri
kameengi, shaki tabeat or give and take, after take put on death
assool kay tehat samarbar na ho saki. Khoda ka es mafhoom
kay baad Ghalib ka khahna samjh main aa jata hai.

KHAT

Lakirain, haroof, aabroo,laboon per sabza, maqtoob, lekhae, line, rasta, rute (94)
Tehreer, noveshta, neshan, nama, naya sabza jo marad kay chehray per aata hai. Hath ka lekha howa
Hajamat, Eslah (95)
Check, hondi,
Sefarshi chett, chethi, ruqa
Hand writing, kush khati
Kisi daftar ki janab say jari ki gae chethi
Dari ki thap
Moaalaj ka nuskhah, Nuskhah
Farmula
Parvana rahdari, raseed, shanakhat kay motaalaq dastavaz
Professional dastavaz (Driving licince)
Koaaef kay motaalaq dastavaz (CV)
Samun, FIR, challan, search warrant, machalkah waghera

KHATA

Qasur, jurm, Taqseer, ghalti, saho, bhool, chook, china ka eak shahar jo mushak kay lea mashhoor hai (96)
Ghaddari, Mukhbari, mulki raz dushmun ko mahaya karna
Choori asmagling
Naap tool main baad deyanti
Dhokha dahi, faraeb, helah, hayra phayri
Bherya dekha kar ghatya dayna
( Baraysagheer main) Nekh-e-sani
Zana
Azdvagi hoqooq say faraar
Bhanjpun
(Taraqi pazeer or pasmanda mulkoon main) Oolad ka zeyada hona
Nan-o-nafqa faraham na karna
Zun moredi ekhtayar na karna
Apnay azizoon say nata toor kar susrali reshtadaroon ka pani na bherna
Sach, sach boolna, emandari, deyanat, serat-e-mustaqeem
Hakamti tabkay (haqeqat main tubqa) ki haan main haan na milana, boss ki khush aamad na karna
Gher fitri, gher akhlaqi, gher assoli halaat say samjhta na karna
Halaat say monh moor layna
Aflass, gurbat, ghurbat, bay’chargi, bay’basi,bay’kasi
Haqooq ki talab karna, haqooq say aaghi, haqooq ghsab na karna, ghsab na karna
Sha’oor
Gher janab dari
Khlas ashya farokhat karna, zayada monafa hasal na kamana
Fahashi ki mozammat karna
Borae ko borae kehna
Mazahmat, kisi baray ki reass karna, barabarri ki batain karna
Nishana chookna

KHANJAR

Eak hatyar jo churi ki qesam ka hota hai
Chura, katar, talvar, bechwa(97)
Kharapan, sach, sachi batt
Zoban, zobandarazi, galigaloch, bura bhala, taana mayna
Bara bool, takabr, gharoor, Okaat say bhar kar batt
Dhamki
Ghussa, karood, aapay say bahar aana
Zayaan, nuqsan
Puchtava, ta’asaf
Entaqam, badla
Gurbat, muflasi, bay’chargi, bay’basi, mujburi
Mehngae, bhao bherna
Ghurbat, vatan say doori, perdas
Bay’sakoni, bay’chayni
Entazar
Eztarab
Chinta, taradad,parshani
Shak-o-shubah
Bukh,peyas
Shavat, jinsi khashaat ka bherna, humjinsi, aghlam
Havas, tama, lalch, mofad parasti
Ghaddari
Bay’wafae, jafa, falart karna
Asmagling, thagi
Laraki, mayka pall, khud gharaz, zania
Gher monafa bakhsh karobar main raqam lagana, devaleaa, raqam dabona
Munfi aqdar daramad karna
Markaz say dori, ooqat main na rehna, ooqat bhulna, tajavaz karna
Sehat mand aqdar ki mokhalfat
Haasad, bughz, nafrat, dushnani
Shadi
Zimmadari, gher zimmadari
Zeerdasti, ghulami, anna ka mujrooh hona/hona, khudi ka qatal
Waqat ki nazaqat na samjhna, na’dani, baywaqufi, sada lohi

KHUMAAR

Daytay hain junnat hayat-e-dahar kay badlay
Nashah ba’andaza -e- khumar nahain

Neshan khumaar umoomum charty howay nashay kay lea estamal hota hai. Ghanoodgi kay maeni bhe lea jatay hain. Taqat doolat or eqtadar kay lea bhe yah neshan estamal main aata hai. Lekin apni assal main nashah tootnay ki halat kay lea mukhsoos hai. Zara ghoor karnay say maloom parta hai kah yah lafaz nashay ki zaroorat or hajat ka pemana bhe hai. Mazeed ghoor karnay say yah neshan tovaqo say jur jata hai. Tovaqqo teen tarah ki ho sakti hai:

· Sakhi ki sakhvat kay hawala say
· Mehnat or moshaqat kay motabaq
· Hunermund ki hunermundi kay hawala say khumaar kay es she’er kay hawala say Sharaein-e-Ghalib nay doo tarah kay maeni lea hain:
1. Takaleef ka moaavza(97)
2. Zaroorat ka evzana, mabaad ki beja’ay naqad milna /chahea(98)
Es she’er main es neshan kay teen tarah kay or maeni bhe mojood hain:

· Ensan dunya main tumknat, nakhvat or tantanay ki zindgi guzarta
hai. En tenoon aanasar ki havass bherti challi jati hai. Wo jiss nuqtay per en aanasar ko choor jata hai es say bher kar en aanasar kay hasool ki tamunna karta hai. Jahaan ensan aazad ho wahaan koon talvay chatty ga
· Ensan dunya main havass lalch or zaroortain aziz rakhta hai. Yah
aavamal es ki fitrat main mojood hain. Hayat-e-dahar kay en
tashna aavamal ki kayoonkar sairi ho sakay gi
· Khumaar darhaqeqat aysi bukh ka naam hai jiss ki takmeel emkan say bahar hai. Es hawala say ghalib ka yah she’er malahza ho:

Ba’qadar -e- zaraf hai saqi khumar-e-tashnakami bhe
Jo too darya-e-meh hai to main khamyaza hoon sahel ka

Dr Khalefa Abdal Hakeem ka kehna hai:

“ Alam-e-kabeer kay moqablay main ensan alam-e-sagher sahi
lekin sara alam es main moaaqas hota hai. Kaenaat jitni wase
hai es say zeyada es kay nafas main vosaat ki salaheat hai”(99)
Goya sahel ki peyas darya pe kar bujh sakti hai jabkah peas ka daera mazeed wase ho jata hai.

KHOO.

Khoo nay teri afsurda kiya vehshat-e-dil ko
Mashuq - o-bay’hoslagi turfa bala hai
Khoo, fitri ravish or omumi chalun ka naam hai. Khoo kay motabaq reshtay, wastay, hawala or taalaq bantay hain. Khoo ki takmeel samaj kay sabhao ka natija hoti hai. Khoo ko char kurroon main taqseem kar saktay hain. Her kurra ensan kay kisi na’kisi garoh say jurra howa hai:
1- Neak khoo 2- Khoo-e-baad
3- Zoomaeni khoo 3- monafqana khoo

Khoo kay yah charoon kurray kisi moqam per eak dusaray main madghm bhe ho jatay hain balkah eak wahdat dekhae daytay hain or es wahdat kay char shades dekhae partay hain.
1- Khoo ensani saleqay ka khoj dayti hai. Yah saleqa social taalaqaat bananay begarnay ki rah humvar karta hai.
2- Khoo manners ki mutradaf halat ka naam hai.
3- Mahboob ka nakhra, naz-o-ada, andaz waghera nazar aatay hain. Vajbe say mahboob ki havas shekan adaein parsaoon kay eman main shagaf kar dayti hain
4- Pass-e-sakht es kay“khud sakhta atvar” kay mafaheem bhe miltay hain

KHAAB

Wo batt jo ensan neend main daykhay, roya, sapna, neend, kheal, vehham, khaab ghaflat(100)
Pakistan,aazadi
gevan, zindgi, zeeast
mazi, yaadain
ayse cheez jiss ka hath lagna na’mumkinaat main ho lekin os ki tamunna ho
Bay’maqsadeat, bay’maenevat, La’yaenieat
Amli zindgi say gher motaalaq
La’hasal

KHAESH

Khaesh ko ahmaqoon nay parastesh deya qarar
Kiya pujta hoon os butt-e- bay’dadgar ko main?!
Khaesh, jo mayassar na ho, os kay mayassar aanay ki tamunna ko kahtay hain. Mayassar aanay ki tamunn ka taalaq rujhaan or zarooat say hai ya pher oroon ki daykha daykhi hi kuch chahna jo wo chah rahay hoon ya onhain dastyab ho. Yah bhe emkan main hai kah kisi kay pass kuch dakh kar vesa hi apnay paas honay ki tamunna karna. Es ki zaroorat hai ya nahain, es per tovajo nahain de jati. Khaesh ki shedat, shay ki noeat per enhasar karti hai taham her doo suratoon main yah assool lagu nahain hota. Noeat kay tehhat khaesh, janoon ki haad tak ponch jati hai or butt-e-la’shareek ka darja hasal kar kay talab ko aabad bana kar rakh day. Es moqaam per talab ki zatti shanakht or tashkhas fana ho jata hai.

KHOSH

Saabqa(Khoshboo, khushgovar, kushtabba waghera)
Shad, khoob, bhalla, achcha(101)
Kisi batt ya moaamlay ka achcha anjam
Khubsurat, behtar zaeqa, ajar, ennam, jo dakhnay main achcha lagay
Jo rovaea main behtar tabdeli la’aa
Zatti malkeaat honay ka ehsas
Razi, razamundi, haan, mytfeq
Koe etraz na ho
Sehatmund, bhalla changa, tundrusti
Jiss main koe kaji ya maazuri na ho, jo khraab ya ****a na ho
Masroor, shadaan, shadman, khursund, khuram, tarotaza, shadab, sarsabaz, ba’moraad, achcha, unda(102)
Jo behtar asraat moratab karay