[shahumers]

Ahmad Hasan ka khat uske samne pada tha. uske eik - eik shabd se jaise pyaar ke chahme phoot rahe the. use yoon mahsoos ho raha tha, tapti dhoopon aur chatiyal maidano se guzar kar vah achanak hi eik hari bhari aur sundar vadi mein aa nikli hai jisme ubalte huye chahme hain, sabza hai, ghane pedon ki khushbu hai, subha ki hava ki avargi hai, thandi gili mitti hai aur pakshiyon ka shor hai. sukoon aur khushi ke ahsas se uski aankhen band hone lagi. Ahmad Hasan ke liye uske dil mein muddton se eik jazba tha. khandan ke sare nuajavano mein vahi tha jo uske dil ke itne nazdik aaya tha. bus kuch halat hi aise ban gaye the ki vah samajh bhi na pai aur vah uske dil mein maze se ghus kar baitha raha.

Un dino vah apne gaun se kisi pariksha ke liye shahar aaya hua tha. qareebi rishtedar hone ke karan unhin ke yahan thahra. vah un dino midil mein padh rahi thi aur ghar ke mahual mein jahan uske baap ke siva doosra koi padha likha admi na tha. use pariksha ki tayeyari badi mushkil nazar arhi thi. idhar maa aur dadi ki har vaqt ki chikh pukar, chote bhai bahno ka hangama shor, koi eik shabd bhi batlane vala na tha. Ahmad Hasan ne use choti si gudia ko lamp ki roshani mein kitab par jhukte dekha to use us par bahut pyaar aaya. uska mukhda tamtamaya hua tha aur vo bar - bar bikhre huye balo ki laten kano ke piche thoons rahi thi jo padhne mein sar ki eik hakat se phir uske chehre par bikhar jatin. uski aankhon mein eik piyas si, eik talab si thi - Ahmad Hasan uske nazdik ja baitha.

Kya padh rahi ho ?

Usne savalo ki kopi uske samne kar di - vah muskuraya "achha yah saval ? lao abhi hal kiye deta hoon"

Phir saval par saval hal hote rahe. English ke jumle sikhe aur sikhaye jate rahe aur imtehan khairiyat se guzar gaya. ab Ahmad Hasan ki bari thi. vah padh raha tha aur shanaaz duad duadkar uska kam kar rahi thi. use yoon lapak jhapak kam karti shanaaz bahut achhi lagi. vah har subha uska munh dekhkar parcha karne jata - parche ummid se achhe huye - result aaya to dono second division mein paas huye the. shanaaz midil mein aur vo metrik mein - vo uske liye bahut si mithai le aaya. shanaaz ne doosri baar use ghuar se dekha is baar vo use pahle se bhi achha laga - phir har baras aisa hi hota raha vo uske imtehano se zara pahle aa jata …. use tayari karata - phir apni tayari karta phir chupke se bina kisi ko batlai har subha munh dekhkar parcha karne jata - har sal vo dono paas hote. har sal vo use mithai khilata. do sal ke baad usne matrik kar liya to ghar vale piche pad gaye, "bus ab padhai khatam karo aur trening le lo."

Padhai khatam kane ko uska mann to nahin chahta tha magar vo badi farma badar beti thi. valdain ka kaha bhala kaise tal sakti thi. chup chap trening lene chali gayee. trening ke duaran bhi vahi tha jo uski har zaroorat ka khayal rakhta. use khat likh likhkar uska huasla bandhata - aur mahine mein eik aad bar shahar ka phera bhi zaroor hi laga leta. usse jakar milta aur zaroorat ki chizen kharid kar de aata varna ghar vale to use normal bhejkar mutmayeen ho gaye the - abba din bhar kachhari mein sir khapate aur baqi vaqt amaa ke saath romance mein guzar dete. amma sara din bachcho ki khep palti, ghar ka kam kaj karti aur dadi se ladti aur der raat tak abba ke pair dabati. idhar bachcho ki vah bharmar ki allah ki panah, har sal naya muadel muajood hota - isliye jo bachche zara haath pair ke ho jate vah unki taraf se munh modkar naye mehmano ki dekhbhal mein masrooph ho jati - unhe bhala itni fursat kahan thi ki vah shanaaz ki khair khabar leti. vaise bhi yah kam abba ka tha. amma ko bhala bahar ke kamo se kya vasta is chatiyal registan mein bus khazoor ka eik hi jhund aur mithe pani ka eik hi chashma tha aur vo thi aur Ahmad Hasan ki zaat … ghar valo ke sukhe ravaiye se tang akar vo uske liye sochti aur vaqti tuar par use sukoon mil jata. normal paas karke nikli to Ahmad Hasan hi ki koshisho se eik primari school mein jagah mil gayee. aur tab yakayak use apni ahmiyat ka ahsas hua. abba usse kainchi marka cigaretton ke liye paise mangte. ammi suit ka kaoda pasand karke uske samne dal deti. chote bahan bhai kitabo aur kapiyon ke liye uski taraf lapakte aur jab tak tankhua ka paisa paisa usse vasool na kar lete uski jaan na chodte aur vah thi ki mare khushi ke phooli na samati. apni bartari ka ahsas uski gardan mein tanav paida kar deta … vah kitni badi thi …. Vah kitni aham thi … ziyada kamane ke khayal se usne apni padhi zari rakhi. vo chahti thi ki vo itni bahut si tankhuah le jo ghar valon ki zarooraton se ziyada ho. tankhuah badhti gayee magar uske saath hi ghar valon ki zaroorton mein bhi izafa hota gaya. abba ne uski tankhuah ki kameti dalkar do hazar rupaye ki kuch zamin kharid li phir doosri kameti dalkar makan banvana shuru kar diya. nayee - nayee masrufyat mein khokar vah khud ko bhoolti ja rahi thi aaj kameti nikalvai ja rahi hai, kal dali ja rahi hai. aaj pahli tarikh hai pement hoti hai. ghar valo ki pharmaisho ki eik lambi soochi pars mein padi hai. aaj kisi kuling se ladai ho gayee. kal kisi ka tabadla ho gaya. aaj haid mistres ne office bulakar yoon hi danta. aur ab shanaaz taransphar ke liye aidi choti ka zor laga rahi hai. ladkiyon ke timahi, chhe mahi aur salana imtehan ho rahe hani. pache tayar karne hain, imtehan lena hai, phir kapiyan check karke resalt dena hai. ghar vale khush hain vo bhi khush hai phir saath saath apni padhai. aaj form manvane ke liye khat likha hai. logon ki minnat khushamad ki phir form bharke sifarishe karvane ka chakkae chala.haid mistres ne jhalla kar form door fenke ….. koi zaroorat nahin hai aage padhne ki ab ijazat aur sifarish ke liye haid office ke chakkar laga rahe hain uda uda rung …. Bujha bujha chehra …. Do sal baad kahin khuda khuda karke imtehan mein sharik hone ki ijazat mili to phir paas hone ka gham. idhar haid mistres ne kam ki bhar mar ka di free tim mein office mein bulakar ulte sidhe kam lene shuru ka diye. uski class ke ziyada se ziyada round lene lagi goya faisla kar chuki hai ki use paas nahin hone degi raat bhar moti moti kitabon se ulajhti, din bhar haid mistres, ustaniyon aur ladkiyon se nimat ti, khuda khuda karke imtehan diya to ab resalt ki fikr mein ghul rahi hai. haid mistres pahle hi ailan ka chuki hai ki …. Yeh kya paas hogi. paas hone ki shakl bhi hai uski ? ustaniyan ajeeb nazron se usse pooch rahi hain.

"Parche kaise huye tumhare miss …. ?"

Ustaniyon ki sikhai hui aur haid mistres ki shai pai hui ladkiyan hont hi hont muskura rahi hain.

Aur uska khoon chuluon khushk ho raha hai - resalt aaya to jaan mein jaan ayee. phir do sal ke baad doosra imtehan gharaj in hi masrufyat mein dher sara samai chupke se guzar gaya aur vo atthais sal ki ho gayee. tab eik din Ahmad Hasan unhe mila. vo B.A kar rah tha. dono ne eik doosre ko dekha aur kuch ajeeb sa mahsoos kiya. vo to pagalo ki tarha use dekhta rah gaya bhara bhara sharir chehre par gulab aankhon mein sharaab, chal mein aatm vishvas, honto par eik khusoorat muskurahat ladakpan mein kalpna ne jo aade tirche nakshe banaye the vah ab poori tasveer bankar samne aa gaye the. yoon hi uska dil chaha ki use janam - janam ke liye apna le, ittefaq se halat bhi kuch aise ban gaye the ki bite dino ki yaad qadam qadam par dilo mein chutkiyan lene lagti.dimagh ke kisi kone mein vah naksha abhi tak surakshit tha ki eik gudia si ladki lakp ke samne timtimata hua chehra liye baithi balon ki aavara laton se ulajh rahi hai. vahi ghar tha vahi kamra …. Isi tarha uljhe uljhe baal liye vo lamp ke aage baithi kitabon se ulajh rahi thi, ghar mein aaj bhi koi usse ziyada padha hua na tha ki uski madad karta. ab to abba bhi piche rah gaye the. Ahmad Hasan darwaaze par khada uska josh dekhta raha phir ahista se khankhara …. Shanaaz ne chuank kar aankhen kitab par se hatai, raat bhar jagne aur musalsal padhne ki vajha se uski aankhen lal ho rahi thin. dono ki nazren mili, vah der tak eik doosre ki aankhon mein dekhte rahe, raat ka vaqt tha, vah eik bahut romani qism ki kaveeta padh rahi thi, aise mein Ahmad Hasan chupke se uske samne aa khsds hua. shahnaaz ne aankhen jhapkai to laha bhar ke liye uske chuade chakle sine par atak gayee. use yoon laga jaise uska thakan ke mare sara sharir choor choor ho kar kisi nakhlistan mein pahunch gaya hai aur pedo ke jhund tale zara der ko sustane ki eik yoon hi si umang uske dil mein jagi vah uske nazdik aa gaya .

"kya ho raha hai ... meri madad ki zaroorat to nahi ...!"

Shanaaz ne socha bachpan se ab tak to use uski zaroorat rahi hai, ab jhooth
kaise kah de ki zaroorat nahi ! balki uski asli zaroorat to usne abhi isi lamhe mahsoos ki thi ... usne khamoshi se apni ki hui viyakhiya uske samne kar di ! bilkul jaise midil ki tayari karte samai savalo ki ki kopi uske samne rakh diya karti thi ! ahmad hasan ka dil is ada aur sadgi par be akhtiyar marjane ko chaha aur vah bade khubsoorat jazbati kavita ki viyakhiya karne laga ... shanaaz hairan baithi uski or dekhti rahi ... vo kitni budhiman aur yogiy hai ... usne socha aur uska kanyapan eik akshan ke liye uske samne jhuk gaya.

"jane kya prbadh kiya hai,
"abhi tak to kuchbhi nahi,
"kahan hai tumhari pariksha,
kahan hai tumhari pariksha,
"univarsiti collige mein...,
univarsitikabhi dekhi hai,
"abhi tak to nahi...,

Ahmad Hasan ne ashchariy uski or dekha, kitni sada aur masoom hai yeh ladki atthis varsh ki hone ke bavajood ayee magar hal yeh hai ki ghar se school aur schoolse ghar iske alava usne kuch dekha hi nahi, uske mardana svabhav ne is sadgi ke age jhuk gayee.

Doosri sham vah use univarsiti le gaya. dayen bayen khubsoorst bagh ..lal...haryali, machalti lahre, cmakta hua nahron ka jal ghane hare bhare virkshon ke say aur hava ke sharir jhonko ki shokhiyan shanaaz ne burka utha rkha tha. kale burke mein uska rung chamak raha rha tha, havaon mein eik ajeeb si boo thi magar shanaaz ke jisam ki kunari khushvbu ahmad hasan ke dimagh par nasha bankar chha rahi thi,vah uske barabar chal raha tha aur har mohabbat kane vale dil ki tarha uska dil bhi chah raha tha ki yah safar kabhi khatam na ho,
yah jaadu kabhi na tute collige mein xaminetion hal dekhkar vah phir unhin
raston par vapas huye uar us jazbati lamhe mein ahmad hasan ne use hamesha
hamesha ke liye apna lene ka faisla kiya.

Imtehan dekar school se luati to ahmad hasan ka prem patr pahle se aaya
rakha tha. Eik akshan ke liye uska dil chaha ki udkar uske paas pahunch
jaye zindagi itni khubsoorat kabhi nahin lagi thi. usne khayalon hi khayalon mein kitne mahal bana dale ..apna ghar aur is apne pan ki lazjat se sharabor hokar usne choti bahan ko sari baat likh di, ... vah ghar banana chahti hai ... vah zindagi banana chahti hai, vah kisi ka sahara chahti hai ... aur jaise ghar mein bhuachal aa gaya ho. Abba dahadne lage...nvah kameena hai... vah badmaash hai ... vah cigarette pita hai... vah philme dekhta hai ... main use apni beti hargiz nahin doonga.

[Khu$h!]

Originally posted by shahumers
Ahmad Hasan ka khat uske samne pada tha. uske eik - eik shabd se jaise pyaar ke chahme phoot rahe the. use yoon mahsoos ho raha tha, tapti dhoopon aur chatiyal maidano se guzar kar vah achanak hi eik hari bhari aur sundar vadi mein aa nikli hai jisme ubalte huye chahme hain, sabza hai, ghane pedon ki khushbu hai, subha ki hava ki avargi hai, thandi gili mitti hai aur pakshiyon ka shor hai. sukoon aur khushi ke ahsas se uski aankhen band hone lagi. Ahmad Hasan ke liye uske dil mein muddton se eik jazba tha. khandan ke sare nuajavano mein vahi tha jo uske dil ke itne nazdik aaya tha. bus kuch halat hi aise ban gaye the ki vah samajh bhi na pai aur vah uske dil mein maze se ghus kar baitha raha.

Un dino vah apne gaun se kisi pariksha ke liye shahar aaya hua tha. qareebi rishtedar hone ke karan unhin ke yahan thahra. vah un dino midil mein padh rahi thi aur ghar ke mahual mein jahan uske baap ke siva doosra koi padha likha admi na tha. use pariksha ki tayeyari badi mushkil nazar arhi thi. idhar maa aur dadi ki har vaqt ki chikh pukar, chote bhai bahno ka hangama shor, koi eik shabd bhi batlane vala na tha. Ahmad Hasan ne use choti si gudia ko lamp ki roshani mein kitab par jhukte dekha to use us par bahut pyaar aaya. uska mukhda tamtamaya hua tha aur vo bar - bar bikhre huye balo ki laten kano ke piche thoons rahi thi jo padhne mein sar ki eik hakat se phir uske chehre par bikhar jatin. uski aankhon mein eik piyas si, eik talab si thi - Ahmad Hasan uske nazdik ja baitha.

Kya padh rahi ho ?

Usne savalo ki kopi uske samne kar di - vah muskuraya "achha yah saval ? lao abhi hal kiye deta hoon"

Phir saval par saval hal hote rahe. English ke jumle sikhe aur sikhaye jate rahe aur imtehan khairiyat se guzar gaya. ab Ahmad Hasan ki bari thi. vah padh raha tha aur shanaaz duad duadkar uska kam kar rahi thi. use yoon lapak jhapak kam karti shanaaz bahut achhi lagi. vah har subha uska munh dekhkar parcha karne jata - parche ummid se achhe huye - result aaya to dono second division mein paas huye the. shanaaz midil mein aur vo metrik mein - vo uske liye bahut si mithai le aaya. shanaaz ne doosri baar use ghuar se dekha is baar vo use pahle se bhi achha laga - phir har baras aisa hi hota raha vo uske imtehano se zara pahle aa jata …. use tayari karata - phir apni tayari karta phir chupke se bina kisi ko batlai har subha munh dekhkar parcha karne jata - har sal vo dono paas hote. har sal vo use mithai khilata. do sal ke baad usne matrik kar liya to ghar vale piche pad gaye, "bus ab padhai khatam karo aur trening le lo."

Padhai khatam kane ko uska mann to nahin chahta tha magar vo badi farma badar beti thi. valdain ka kaha bhala kaise tal sakti thi. chup chap trening lene chali gayee. trening ke duaran bhi vahi tha jo uski har zaroorat ka khayal rakhta. use khat likh likhkar uska huasla bandhata - aur mahine mein eik aad bar shahar ka phera bhi zaroor hi laga leta. usse jakar milta aur zaroorat ki chizen kharid kar de aata varna ghar vale to use normal bhejkar mutmayeen ho gaye the - abba din bhar kachhari mein sir khapate aur baqi vaqt amaa ke saath romance mein guzar dete. amma sara din bachcho ki khep palti, ghar ka kam kaj karti aur dadi se ladti aur der raat tak abba ke pair dabati. idhar bachcho ki vah bharmar ki allah ki panah, har sal naya muadel muajood hota - isliye jo bachche zara haath pair ke ho jate vah unki taraf se munh modkar naye mehmano ki dekhbhal mein masrooph ho jati - unhe bhala itni fursat kahan thi ki vah shanaaz ki khair khabar leti. vaise bhi yah kam abba ka tha. amma ko bhala bahar ke kamo se kya vasta is chatiyal registan mein bus khazoor ka eik hi jhund aur mithe pani ka eik hi chashma tha aur vo thi aur Ahmad Hasan ki zaat … ghar valo ke sukhe ravaiye se tang akar vo uske liye sochti aur vaqti tuar par use sukoon mil jata. normal paas karke nikli to Ahmad Hasan hi ki koshisho se eik primari school mein jagah mil gayee. aur tab yakayak use apni ahmiyat ka ahsas hua. abba usse kainchi marka cigaretton ke liye paise mangte. ammi suit ka kaoda pasand karke uske samne dal deti. chote bahan bhai kitabo aur kapiyon ke liye uski taraf lapakte aur jab tak tankhua ka paisa paisa usse vasool na kar lete uski jaan na chodte aur vah thi ki mare khushi ke phooli na samati. apni bartari ka ahsas uski gardan mein tanav paida kar deta … vah kitni badi thi …. Vah kitni aham thi … ziyada kamane ke khayal se usne apni padhi zari rakhi. vo chahti thi ki vo itni bahut si tankhuah le jo ghar valon ki zarooraton se ziyada ho. tankhuah badhti gayee magar uske saath hi ghar valon ki zaroorton mein bhi izafa hota gaya. abba ne uski tankhuah ki kameti dalkar do hazar rupaye ki kuch zamin kharid li phir doosri kameti dalkar makan banvana shuru kar diya. nayee - nayee masrufyat mein khokar vah khud ko bhoolti ja rahi thi aaj kameti nikalvai ja rahi hai, kal dali ja rahi hai. aaj pahli tarikh hai pement hoti hai. ghar valo ki pharmaisho ki eik lambi soochi pars mein padi hai. aaj kisi kuling se ladai ho gayee. kal kisi ka tabadla ho gaya. aaj haid mistres ne office bulakar yoon hi danta. aur ab shanaaz taransphar ke liye aidi choti ka zor laga rahi hai. ladkiyon ke timahi, chhe mahi aur salana imtehan ho rahe hani. pache tayar karne hain, imtehan lena hai, phir kapiyan check karke resalt dena hai. ghar vale khush hain vo bhi khush hai phir saath saath apni padhai. aaj form manvane ke liye khat likha hai. logon ki minnat khushamad ki phir form bharke sifarishe karvane ka chakkae chala.haid mistres ne jhalla kar form door fenke ….. koi zaroorat nahin hai aage padhne ki ab ijazat aur sifarish ke liye haid office ke chakkar laga rahe hain uda uda rung …. Bujha bujha chehra …. Do sal baad kahin khuda khuda karke imtehan mein sharik hone ki ijazat mili to phir paas hone ka gham. idhar haid mistres ne kam ki bhar mar ka di free tim mein office mein bulakar ulte sidhe kam lene shuru ka diye. uski class ke ziyada se ziyada round lene lagi goya faisla kar chuki hai ki use paas nahin hone degi raat bhar moti moti kitabon se ulajhti, din bhar haid mistres, ustaniyon aur ladkiyon se nimat ti, khuda khuda karke imtehan diya to ab resalt ki fikr mein ghul rahi hai. haid mistres pahle hi ailan ka chuki hai ki …. Yeh kya paas hogi. paas hone ki shakl bhi hai uski ? ustaniyan ajeeb nazron se usse pooch rahi hain.

"Parche kaise huye tumhare miss …. ?"

Ustaniyon ki sikhai hui aur haid mistres ki shai pai hui ladkiyan hont hi hont muskura rahi hain.

Aur uska khoon chuluon khushk ho raha hai - resalt aaya to jaan mein jaan ayee. phir do sal ke baad doosra imtehan gharaj in hi masrufyat mein dher sara samai chupke se guzar gaya aur vo atthais sal ki ho gayee. tab eik din Ahmad Hasan unhe mila. vo B.A kar rah tha. dono ne eik doosre ko dekha aur kuch ajeeb sa mahsoos kiya. vo to pagalo ki tarha use dekhta rah gaya bhara bhara sharir chehre par gulab aankhon mein sharaab, chal mein aatm vishvas, honto par eik khusoorat muskurahat ladakpan mein kalpna ne jo aade tirche nakshe banaye the vah ab poori tasveer bankar samne aa gaye the. yoon hi uska dil chaha ki use janam - janam ke liye apna le, ittefaq se halat bhi kuch aise ban gaye the ki bite dino ki yaad qadam qadam par dilo mein chutkiyan lene lagti.dimagh ke kisi kone mein vah naksha abhi tak surakshit tha ki eik gudia si ladki lakp ke samne timtimata hua chehra liye baithi balon ki aavara laton se ulajh rahi hai. vahi ghar tha vahi kamra …. Isi tarha uljhe uljhe baal liye vo lamp ke aage baithi kitabon se ulajh rahi thi, ghar mein aaj bhi koi usse ziyada padha hua na tha ki uski madad karta. ab to abba bhi piche rah gaye the. Ahmad Hasan darwaaze par khada uska josh dekhta raha phir ahista se khankhara …. Shanaaz ne chuank kar aankhen kitab par se hatai, raat bhar jagne aur musalsal padhne ki vajha se uski aankhen lal ho rahi thin. dono ki nazren mili, vah der tak eik doosre ki aankhon mein dekhte rahe, raat ka vaqt tha, vah eik bahut romani qism ki kaveeta padh rahi thi, aise mein Ahmad Hasan chupke se uske samne aa khsds hua. shahnaaz ne aankhen jhapkai to laha bhar ke liye uske chuade chakle sine par atak gayee. use yoon laga jaise uska thakan ke mare sara sharir choor choor ho kar kisi nakhlistan mein pahunch gaya hai aur pedo ke jhund tale zara der ko sustane ki eik yoon hi si umang uske dil mein jagi vah uske nazdik aa gaya .

"kya ho raha hai ... meri madad ki zaroorat to nahi ...!"

Shanaaz ne socha bachpan se ab tak to use uski zaroorat rahi hai, ab jhooth
kaise kah de ki zaroorat nahi ! balki uski asli zaroorat to usne abhi isi lamhe mahsoos ki thi ... usne khamoshi se apni ki hui viyakhiya uske samne kar di ! bilkul jaise midil ki tayari karte samai savalo ki ki kopi uske samne rakh diya karti thi ! ahmad hasan ka dil is ada aur sadgi par be akhtiyar marjane ko chaha aur vah bade khubsoorat jazbati kavita ki viyakhiya karne laga ... shanaaz hairan baithi uski or dekhti rahi ... vo kitni budhiman aur yogiy hai ... usne socha aur uska kanyapan eik akshan ke liye uske samne jhuk gaya.

"jane kya prbadh kiya hai,
"abhi tak to kuchbhi nahi,
"kahan hai tumhari pariksha,
kahan hai tumhari pariksha,
"univarsiti collige mein...,
univarsitikabhi dekhi hai,
"abhi tak to nahi...,

Ahmad Hasan ne ashchariy uski or dekha, kitni sada aur masoom hai yeh ladki atthis varsh ki hone ke bavajood ayee magar hal yeh hai ki ghar se school aur schoolse ghar iske alava usne kuch dekha hi nahi, uske mardana svabhav ne is sadgi ke age jhuk gayee.

Doosri sham vah use univarsiti le gaya. dayen bayen khubsoorst bagh ..lal...haryali, machalti lahre, cmakta hua nahron ka jal ghane hare bhare virkshon ke say aur hava ke sharir jhonko ki shokhiyan shanaaz ne burka utha rkha tha. kale burke mein uska rung chamak raha rha tha, havaon mein eik ajeeb si boo thi magar shanaaz ke jisam ki kunari khushvbu ahmad hasan ke dimagh par nasha bankar chha rahi thi,vah uske barabar chal raha tha aur har mohabbat kane vale dil ki tarha uska dil bhi chah raha tha ki yah safar kabhi khatam na ho,
yah jaadu kabhi na tute collige mein xaminetion hal dekhkar vah phir unhin
raston par vapas huye uar us jazbati lamhe mein ahmad hasan ne use hamesha
hamesha ke liye apna lene ka faisla kiya.

Imtehan dekar school se luati to ahmad hasan ka prem patr pahle se aaya
rakha tha. Eik akshan ke liye uska dil chaha ki udkar uske paas pahunch
jaye zindagi itni khubsoorat kabhi nahin lagi thi. usne khayalon hi khayalon mein kitne mahal bana dale ..apna ghar aur is apne pan ki lazjat se sharabor hokar usne choti bahan ko sari baat likh di, ... vah ghar banana chahti hai ... vah zindagi banana chahti hai, vah kisi ka sahara chahti hai ... aur jaise ghar mein bhuachal aa gaya ho. Abba dahadne lage...nvah kameena hai... vah badmaash hai ... vah cigarette pita hai... vah philme dekhta hai ... main use apni beti hargiz nahin doonga.