>dayaar-e-Gair men kaise tujhe sadaa dete
>tuu mil bhii jaataa to tujhe gaNvaa dete
>
>tumhiin ne ham ko sunaayaa na apanaa dukh varanaa
>duaa vo karate ke ham aasamaan hilaa dete
>
>hamen ye zom rahaa ab ke vo pukaarenge
>unhen ye zid thii ke har baar ham sadaa dete
>
>vo teraa Gam thaa ke taasiir mere lahaje kii
>ke jis ko haal sunaate use rulaa dete
>
>tumhen bhulaanaa hii avvwal to dastaaras men nahiin
>jo iKhtiyaar bhii hotaa to kyaa bhulaa dete
>
>tumhaarii yaad ne koii javaab hii na diyaa
>mere Khayaal ke aaNsuu rahe sadaa dete
>
>sama'ton ko main taa-umr kosataa Syed
>vo kuchh na kahate magar honT to hilaa dete
Adeel
03003077273
best_Student28@yahoo.com best_Student28@hotmail.com