| Re: Jab anaa ka shikaar thay hum loag(GHAZAL)
Quote: Originally posted by Hafiz Ashraf
Ghazal
Jab anaa ka shikaar thay hum loag
Apnay haathoN hi khwaar thay hum loag.
Aik saayaa tha aor kuchh bhi naheeN
Jis pe har dam nisaar thay hum loag.
Jin dinoN ikhtiaar hum se chhinaa
Barsar e iqtedaar thay hum loag.
Dasht say thi mushaabehat, goya
Aik ujRaa diaar thay hum loag.
Koh e ranj o alam saroN par tha
Aor naheef o nazaar thay hum loag.
Hum ko utran samajh kay phaink diaa
kia zamaanay pe baar thay hum loag.
Ab khanDar ban chukay haiN haiN hum Ashraf
Warna kia shaandaar thay hum loag.
Ashraf Naqvi | Wah hafiz sahib......... kia baat hai. keep it up!!!!!!!!!
__________________
"The Single finger which wipes our tears during our failures, is much better than the ten fingers which come together to clap on our victory." |