[Zaino]

Originally Posted by ҏЯіnĉЄṤṤ

Muhabbat mei kisi tuhmat kisi ilzam se pehlay
chala jaoN ga teray shehr se shaam se pehlay


wo aksar haadsat E zindagi se bach nikalta hai
nazar anjaam per rakhta hai jo anjaam se pehlay


jahaN hoN ga palat aaoN ga lekin shart lazim hai
milay paigham tera mout kay paigham se pehlay


chalay ho janab E manzil to phir rakhna tasawer meiN
nishan E manzal E maqsood her ik gaam se pehlay


parinday baith ker kanj E Qafas mei soch mei gum hain
nazar daana hi kiun aata hai aksar daam se pehlay


Wo apni betiaN zinda zamee mei gaarh detay thay
ajeb dastoor tha urboN mei Islaam se pehlay


anokha hi samaaN us ko dikhai de ga phir khalid
falak ko daekh lay jo abr E khush hangaam se pehlay

VEry nice !!