Muqadder aazmanay mei zamanay beet jatay haiN
MuradaiN dil ki panay mei zamanay beet jatay haiN
nahi rakhta koi himmat ager Izahar E ulfat ki
Zuban pe baat lanay mei zamanay beet jatay haiN
Muhabbat zindagi mei go bari mushkil se milti hai
mager is kay nibhanay mei zamanay beet jatay haiN
ager ik baar aankhoN mei achanak aa basay koi
isay dil se bhulanay mei zamanay beet jatay haiN
Ugatay haiN gharoN kay aangno mei shoq se lekin
samer paeRoN pe aanay mei zamanay beet jatay haiN