Originally Posted by Emblem99  Assalam alaikam.
Eleni, I dont know ke tum ne sanjeedgi se ye mashwara manga hai, ya mehez fun ke tehet. Mager main is ko aik sanjeeda masla tasawwer kertey huwey apni rae ka izhar kerta hoon.
Beta, aap ne kaha ke shadi sunnat hai, to sub se pehley to aap baqi batain chor ker apney mazhab ki basics ki janib aayen. Hamara mazhab jahan humain apni zindagi ka sathi chunney ka haq deta hai, wahin per humain walidain ke her hukam ke aagey sir jhukaney ka ders bhi deta hai. Her hukam, yani ke siwae shirk ke aur aisey hukam ke jo Rasool SAW aur Allah SWT ke batae huwye rastey se duur ho, aulad per ferz hai ke wo UFFF bhi na karey aur bila choon charaan us hukam ko baja lae.
Aulad ye bhool jati hai ke yeh wohi walidain hain jinhon ne ussey paida kiya, paal pos ke bara kiya, raaton ko jaag ke khidmat ki, beemari ki halat main takleef berdasht ki aur apna pait kaat ker apni khaahishat ka gala ghoont ke aulad ko aaj is kabil banaya hai ke wo apney hi walidain se TAKKER leney ke kabil hui. I really personally despise all such kids that either talk back to their parents or are a menace to their parents.
Ub jo masla aap ne bayan kiya hai, is main kai points aisey hain jo shariah ke khilaf hain. Sub se pehla aur bara point hai ke wo insaan jis ne Allah Tallah ki bheji hui shariat ko nakis tasawwer kertey huwey us main innovations kiin, wo daera islam se kharij huwa. Kufr ke baad ye sub se bara gunnah hai jis ko urf e aam main biddat kehtey hain. Biddat ke baad, jis ne bhi mazhab main division ki, firqa bandi ki, wo Allah Tallah ke azaab ka haqdaar huwa. In other words beta, ye sunni shia, devbandi barelvi this is NOTHING. Ye sub kuch nahin hai. Insaanon ka aur islam dushman logon ka phailaya huwa mehez aik fitna hai.
Rasool SAW ke last sermon ko aik baar phir ghaur se perho, jis main saaf saaf kaha gaya hai ke kisi gorey ko kaley per, kaley ko gorey per, amer ko ghareeb per ghareeb ko ameer per, ajami ko arabi per arabi ko ajami per, koi bertari nahin. Bertari sirf aur sirf TAQWA main hai. To is hawaley se jo apney firqy ko behter girdantey hain wo SAREEHAN ghalat hain aur un ke liyeh roz e hashar aik intehai azaab naak daemi zindagi muntazir hai.
In bacchon ke hawaley se main yehi kahoonga ke inhain samjhao ke itni shadeed mohabbat ager ALLAH SWT se karogey to aakhirat main nijaat paogey, werna zillat o khuwari hi hissey main aegi. Insan hain sub ho jata hai piyar bhi mohabbat bi, mager hamara mazhab aitedaal ka ders deta hai. Ager walidain nahin mantey hain, to unhain samjhao ke beta wo bacchey jo maan baap ka dil dukha ker apni khushiyan hasil kertey hain, un ke hissey main sirf pashemani hi aati hai aur wo khushiyan mehez SARAB sabit hoti hain.
Therefore, mera mashwara ye hai ke in dono ko na-mehramon ki terhaan rehna chahiyeh hai aur ager walidain nahin mantey to jahan walidain razi hon, ghar wahin basana chahiyeh hai.
And Allah SWT knows best. |