MaYa.000
phir kisi yad nay shab bhar hay jagaya mujh ko
Kiya saza di hay mohabat nay khudaya mujh ko
Din ko aaram hay na rat ko hay chain kabhi
Janay kis khaak say qudrat nay banaya mujh ko
Dukh to yeh hay keh zamanay main milay ghair sabhi
Jo mila hay woh mila ban kay paraya mujh ko
Jab koi bhi na raha kandha meray ronay ko
Ghar ki deewaron nay seenay say lagaya mujh ko
Uoon to umeed-e-wafa tum say nahein hay koi
Phir charaghon ki tarah kis nay jalaya mujh ko
Bewafa zindagi nay jab chorh diya hay tanha
Maot nay piyar say pehloo main bithaya mujh ko
Woh diya hoon jo mohabat nay jalaya tha kabhi
Gham ki andhi nay sar-e-sham bujhaya mujh ko
================================================== ====
~pari~
Woh D!L hi kya tere milnay ki jo dua na kare
Main tujh ko bhool k zinda rahoon khuda na kare
Rahega pyar tere sath zindagi ban kar
Yeh aur baat meri zindagi wafa na kare
Yeh theek hai nahi marta koi judai main
Khuda kisi ko kisi se magar juda na kare
Agar wafa pe bharosa rahay na duniya ko
Tho koi shakhs mohabbat ka hosala na karay
Suna hai usko mohabbat duayen daiti hai
Jo D!L pe chot tho khaye magar gila na kare
Bujha diya hai naseebon ne mere pyar ka chand
Koi DIYA meri palkon pe ab jala na karay
Zamana dekh chuka hai,parakh chuka hai usay
Qateel jan se jaye magar iltija na kare
================================================== ====
MaYa.000
Ik Diya Dil Mein Jalana Bhi, Bhuja Bhi Dena
Yaad Kerna Bhi Ossay Roz, Bhula Bhi Dena..
Kya Kahon Yeh Meri Chahat Hai K Nafrat Oski
Naam Likhna Bhi Mera, Likh K Mita Bhi Dena..
Phir Na Milne Ko Bichharta Tou Hoon Tujhse Lekin
Murr K Dekhon Tou Palat'ne Ki Dua Bhi Dena..
Khat Bhi Likhna Ossay, Mayoos Bhi Rehna Os Se
Jurm Kerna Bhi Magar Khud Ko Saza Bhi Dena..
Mujh Ko Rasmon Ka Takaluf Bhi Gawara Lekin
Ji Mein Aaye Tou Yeh Dewaar Gira Bhi Dena..
Soorat'e'Naqsh Qadam, Dasht Mein Rehna Mohsin
Apnay Honay Se Na Honay Ka Pata Bhi Dena..
================================================== =====
~pari~
Tamam Raat DIYE Pani Main Jalati Rahi
Wo Yaad Aata Raha Main Usey Bhulati Rahi
Wo Meri Nazam Ka Koi Udaas Mesra Tha
Main Jisko Wehshat-e-sehra Main Gungunati Rahi
Na Koi Pehley Tha Tujh Se Na Terey Baad Aya
Ye Zindagi Tho Mujhey Yunhi Aazmati Rahi.........