Wo kahti hai.....
Batao be-sabab kyun roth jatey ho....?
Main kahta hon...
Zara mujhko manao, Acha lagta hai....!
Wo kahti hai....
Mera dil tumse aakhir kyun nahi bharta...?
Main kahta hon....
Mohabbat ki koi Hadd nahi hoti...!
Wo kahti hai...
Batao!! Main tumhein kyun bhaa gayi itna....?
Main kahta hon....
Meri Jaan! Haadsey tu ho hi jatey hain....!
Wo kahti hai....
Achanak main tumhein, Yunhi Rula don tou...?
Main kahta hon....
Mujhe Dar hai k tu bhi bheeg jayegi....!
Wo kahti hai...
Batao ! Baarishon ki kia haqeqat hai...?
Main kahta hon....
K yeh tu Baadlon ki Aankh rooti hai...!
Wo kahti hai...
Tumharey Khuwaab saarey kyun Adhorey hain...?
Main kahta hon....
Meri Jaan ! Tum inhein takmeel De Do Na...!!