[notxtra]

Ab Jo Bichre Hain To Ehsas Howa Hai Hum Ko
Dard Kiya Hota Hai ,Tanhai Kise Kehte Hain
Char Su Goonjti Ruswai Kise Kehte Hain
Ab Jo Bichre Hain To Ehsas Howa Hai Hum Ko

Koi Lamha Ho Teri Yad Mein Kho Jate Hian
Ab To Khud Ko Bhi Muyassar Nahin Aa Pate Hain
Rat Ho Din Ho Tere Piyar Mein Hum Behte Hain
Dard Kiya Hota Hai Tanhai Kise Kehte Hain
Ab Jo Bichre Hain To Ehsas Howa Hai Hum Ko

Jo Bhi Ghum Aaye Usay Dil Peh Saha Karte Thay
Aik Wo Waqt Tha Hum Mil Ke Raha Karte Thay
Ab Akele Hi Zamane Ke Sitam Sehte Hain
Dard Kiya Hota Hai Tanahi Kise Kehte Hain
Ab Jo Bichre Hain To Ehsas Howa Hai Hum Ko

Hum Ne Khud Apne Hi Raste Mein Bichaye Kante
Ghar Mein Phoolon Ki Jaga La ke Sajaye Kante
Zakham Is Dil Mein Basaye Hoay Khud Rehte Hain
Dard Kiya Hota Hai Tanhai Kise Kehte Hain
Ab Jo Bichre Hain To Ehsas Howa Hai Hum Ko

Yoon To Duniya Ki Her Ek Cheez Haseen Hoti Hai
Piyar Se Barh Ke Mager Koi Nahin Hoti Hai
Rasta Rok Ke Her Ek Se Yehi Kehte Hain
Dard Kiya Hota Hai Tanhai Kise Kehte Hain
Char Su Goonjti Ruswai kise Kehte Hain
Ab Jo Bichre Hain To Ehsas Howa Hai Hum ko


[By: Wasi Shah]