[Im_Sha]

Naseeb Sab Ka Yahi Hai, Raza Kese Ke Nahi
-------------------------------------------

Naseeb Sab Ka Yahi Hai, Raza Kese Ke Nahi
"Charag Sab Kay Bujhay Gay Hawa Kese Ke Nahi"


Hamaysha Main Nay Jalaye Hain Aandheyoon Main Charag
Yeh Tum Say Kis Nay Kaha Hai Hawa Kese Ke Nahi


Sab Aanganoo Main Utarti Hai Us Say Pyaar Na Kar
Yeh Chaandni Yeh Setam Aashna Kese Ke Nahi


Wager-na Aatay Thay Aflaak Say Jawab Aakhir
Tu Kia Yeh Tay Hai Keh Aah Rasa Kese Ke Nahi


Paigaam Khaas Ko Harjaee Kay Supard Na Kar
Bohat He Aam Hai Baad -e- Saba Kese Ke Nahi


Na Janay Routh Kay Kis Dees Ja Basi Taseer
Qaboliyat Ko Pohachti Dua Kese Ke Nahi


Utha Kay Naaz Bohat Zindagi Kay Nazaa Hain
Bhula Diya Hai Keh Yeh Be Wafa Kese Ke Nahi


Setam Hai Wo Keh Qyamat Machi Hoee Hoti
Mager Wo Khoof Keh Gongee Sada Kese Ke Nahi


Yeh Shaher-Tu Ke Pari Say Sawal Sab Nay Kiya
Tu Kis Ke Ban Kay Rahay Ge, Kaha Kese Ke Nahi

[ Noureen Talat ]