[Rider Of Sucess]

Mainey din raat apney jisski yaad ke naam kiye hain
woh to ikk pall bhi mujhe sochta na hoga

jiski tasveer main har aik shae main hoon dekhti rehti
ikk nazzar bhi woh shaks mujhe dekhta na hoga

yeh labb jo sada osska naam ley kar mangtey hain duaian
mera naam bhi woh to kabhi laita nahin hoga

ossey sadain daita rehta hey yeh pagal dil mera
aik pukar bhi kabhi dil oska mujhe daita nahi hoga

meri ankhain dekhti hain har pall rasta oska
woh to youn pall pall mera inteezar karta na hoga

jiskey liye mera bhawla mann tarasta rehta hey
shabb-e-tanhai main meri terah woh tarapta nahin hoga

haathon ki lakeeron main ossko dekha hey mainey
kabhi bhi mujhe woh shaks aisey talaash karta na hoga

osska ehsas beh raha hey mujh main laho ki manidd
mujhe woh apney ansoun main bhi pata nahin hoga

apney naam ko main osske naam se jor daiti hon
merey aur osske rishtey ka ossey kheyal bhi ata nahi hoga

jissko mana hey mainey sabab mussarat-e-zindagi
woh to mujhe apna dukh bhi maanta nahin hoga

ban chukka hey woh meri manzil meri taqdeer
kabhi bhi juda rastoon ko meri terah woh aik karta nahi hoga

itni door hey mujhse phir bhi merey kitney kareeb hey
oss ne to kabhi mujhe mehsoos hi kia nahi hoga

tumne to aafi apney wajood ko rang dia hey oski chah main
kabhi socha hey tumne woh shaks tumse pyar karta bhi hoga?