Main Aa'iNa hon, wo mera khayal rakhti hai...
Main toot'ta hon, tu chun kar sambhal rakhti hai.../
Har ek masley ka hal nikal rakhti hai...
Zaheen hai, mujhe hairat mein daal rakhti hai.../
Main jab bhi tarq-e-tal'luq ki baat karta hon...
Wo rokti hai mujhe, kal pe taal rakhti hai.../
Wo meray dard ko chunti hai, apne poo'ron se...
Wo meray wastey khud ko nidhaal rakhti hai.../
Wo doobne nahi deti hai dukh k darya mein...
Meray wujood ki Naa'o uchaal rakhti hai.../
DuAa'en uski Bala'on ko Rok leti hain...
Wo meray Char Soo, haathon ki dhaal rakhti hai.../
Ek Aisi Dhun, k Kabhi suni nahi maine...
Wo munfarid sa Hansi mein kamaal rakhti hai.../
Bichar ke us se, Dunya ki Thokron mein hon...
Wo Paas ho tu mujhe Lazawaal rakhti hai.../
Wo muntazir meri Rahti hai, Dhoop mein...
Main Laut'ta hon, tu Chaa'oN nikaal rakhti hai.../