[Khu$h!]

مجھ سے پہلي سي محبت مري محبوب نہ مانگ
ميں نے سمجھا تھا کہ تو ہے تو درخشاں ہے حيات
تيرا غم ہےتو غمِ دہر کا جھگڑا کیا ہے
تيري صورت سے ہے عالم ميں بہاروں کو ثبات
تيري آنکھوں کے سوا دنيا ميں رکھا کيا ہے
تو جو مل جائے تو تقدير نگوں ہو جائے
يوں نہ تھا ميں نے فقط چاہا تھا يوں ہو جائے
اور بھي دکھ ہيں زمانے ميں محبت کے سوا
راحتيں اور ابھي ہيں وصل کي راحت کے سوا
ان گنت صديوں کے تاريک بيہمانہ طلسم
ريشم و اطلس و کمخواب ميں بنوائے ہوئے
جا بہ جا بکتے ہوئے کوچہ و بازار میں جسم
خاک میں لتھڑے ہوئے خون میں نہلائے ہوئے
لوٹ جاتي ہے ادھر کو بھي نظر کيا کيجئے
اب بھي دلکش ہے ترا حسن مگر کيا کيجئے
اور بھی دُکھ ہیں زمانے میں محبت کے سوا
راحتیں اور بھی ہیں وصل کی راحت کے سوا

مجھ سے پہلي سي محبت مري محبوب نہ مانگ