[Khu$h!]

kabhi tu ne khud bhi socha, k ye piyaas hai tu kiyon hai
tujhe pa k bhi mera dil jo udaas hai tu kiyon hai


mujhe kiyon azeez tar hai ye dhuan dhuan sa musam
ye hawa-e-shaam-e-hijran,mujhe raas hai tu kiyon hai


tujhe kho k sochta hon mere daman talab me
koi khawab hai tu kiyon hai koi aas hai tu kiyon hai


me ujar k bhi hon tera tu bichar k bhi hai mera
ye yaqeen hai tu kiyon hai ye qayaas hai tu kiyon hai


mere tan barhana dushman isi ghum main ghul rahe hain
k mere badan pe saalam ye libaas hai tu kiyon hai


kabhi poch is k dil se k ye khush mizaaj shayar
bohot apni shairi main jo udaas hai tu kiyon hai


tera kis ne dil bhujaya mere aitbar sajid
ye charagh-e-hijar ab tak tere paas hai tu kiyon hai