| Usay apney faidey ki fikar thi,
Wo jo mera waaqif-e-haal tha.
Wo jo uski Subha-e-Urooj thi,
Wohi mera waqt-e-zawal tha.
Mera dard kaise wo janta,
Meri baat kaise wo manta.
Wo tu khud fana k safar mein tha,
Usay rokna bhi muhaal tha.
Kahan jao ge mujhey chor ke,
Main ye pooch pooch thak gaya.
Wo kuch jawab na de saka,
Wo tu khud sarapa-e-sawaal tha.
Wo mila tu sadiyon k baad bhi,
Meray lab pe koi gila na tha.
Usay meri chup ne ruladiya,
Jisay guftugu mein kamal tha.
|